Андрей Фёдоров: «Бугун дуранг адолатли натижа бўларди»
Бугун бўлиб ўтган "Машъал" - "Нефтчи" (1-2) учрашувидан сўнг матбуот анжумани ташкил этилди ва унда ҳар икки жамоа бош мураббийлари иштирок этди. Дастлаб меҳмонлар бош мураббийи Андрей Фёдoров ўйин ҳақида фикрларини билдириб ўтди.
"Ўтган ўйинлардек қийин баҳсни ўтказдик. Натижа менимча дуранг бўлса адолатли бўларди. Лекин имкониятлардан унумли фойдаланиб ғалаба қозониб кета олдик. Бугун ўйин борасида баъзи хатоларга йўл қўйдик. Такрорлаб ўтаман бугун ўйин дурангга мос эди", - дейди Фёдоров.
"Сўғдиёна"га қарши уйдаги ва бугунги "Машъал"га қарши баҳсларни таққосласак сўнгги дақиқаларда бугун гол ўтказиб юборишимиз мумкин эди. "Сўғдиёна" эса ўша сўнгги дақиқаларда гол уриб кетганди. Ўша йўқотилган 3 очкони бугун қайтариб олдик деб ўйлайман. Биринчи голда дарвозабонимиз ва ҳимоячи бир бирига ишониб қолди. Ундан ташқари "Машъал"да яна гол уриш учун имкониятларга эга бўлди. Рақиб яхши ўйнади, биз шундай ўйин кутгандик", - дейди мураббий.
Манба: fcmashal.uz
Киритилди: 23:20, 23.04.2016. Ўқилди: 2685 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар