2012 йилги Европа чемпионати ярим финалида Италия-Германия термалари ўртасидаги учрашувда ўзининг дубли билан Италияни финалга олиб чиққан Марио Балотелли ўйин якунига етгач кўзида қувонч ёшларини тия олмаётган онаси Силвияни бағрига босиб “Бу голлар сиз учун онажон” дейди. Бу аёл Марио Балотеллини уч яшарлигида асраб олган ва шундан буён доимо унга ғамхўрлик қилиб келади. Супер Марионинг бу ҳаракати анча вақтларгача эсдан чиқмади.
Қуйида эса ўзларининг фарзандлари деб матбуотда шов-шувларга сабаб бўлган футбол юлдузларининг оналари ҳақида маьлумот берамиз.
1. Мессининг онаси
Кунларнинг бирида Мессининг онаси Макрено Лемос исмли модел қизни таъқиб қилади. Ушбу ишни бажариш жараёнида бир қўлига телефонни, иккинчи қўлига эса товани олиб олади. Қизнинг ҳар бир қадамини суратга олаётган она ундан ўғли билан ишқий саргузаштлардан узоқ бўлишни талаб қилади. Қиз Месси билан ҳеч қандай муносабат бўлмаганини айтади. Воқеалар содир бўлган вақтда Макрено Лемос 14 ёшда, бўлажак футбол юлдузи эса 18 ёшда эди.
2. Конческининг онаси
“Лестер”га тегишли бўлган ва ҳозирда “КПР”да чап қанот ҳимоясида ўйнаётган Пол Конческининг “Ливерпул”дан кетишига футболчининг онас Керол жим қараб тура олмади. У ўғлинини танқид қилаётган мухлисларнинг “адабини бериб қўйиш”га қарор қилди. “Ливерпуль” клуби “Сток Сити”га 2-0 ҳисобида мағлуб бўлгач, она ўзининг фейсбукдаги саҳифасида “Ливерпул”ни танқид қилди. Ҳақоратларга тўла пости ичига “Ливерпуль” жамоаси мухлислари фақат ўтмиш билан яшайди деган оддийроқ гаплар ҳам бор. Бироз вақт ўтиб у ўзининг фейсбукдаги саҳифасини бутунлай ўчириб ташлади.
3. Рейеснинг онаси
2004 йили 20 ёшли Хосе Антонио Рейес болаликдаги жамоаси “Севилья”ни тарк этиб “Арсенал” сафига келиб қўшилди. Бироқ у ерда дарров уйини соғинишни бошлади. Шу сабаб онаси Марианани Лондонга олиб келди. Футболчи бу ерда онасининг Андалусия таомларидан тайёрлаб, телевизорда испан сериалларини томоша қилишини истаганди. Унинг бу ҳаракатларига Рейеснинг дугонаси Ремеди Рива эътироз билдиради. “Рейес ҳеч қачон онасининг чизган чизиғидан чиқмайди. Ҳаттоки банкдаги ҳисоб рақамида қанча пули борлигини ҳам билмайди. Борди-ю у яна биронта қиз билан танишганда ҳам уларнинг орасида Рейеснинг онаси турарди деган” Ремеди у билан муносабатларига ойдинлик киритиб олади.
4. Рисенинг онаси
Йон Арне Рисенинг онаси Берит Рисе 2001 йили ўғлининг “Фулхем”ни ташлаб “Ливерпул”га ўтишида футболчининг агенти сифатида ишлайди. Ҳамма футболчининг устидан кулишни бошлайди ва онасининг бу ҳаракатлари матбуотда тарқалиб кетгач футболчи онаси билан суҳбатда “Сизни агентлик лавозимидан озод қилдим” дейди. Бу кунларни эслаганда футболчининг онаси “Арне ўзини бурнини оқизиб юрадиган ёш боладек ҳис қилишни истамади. Бу ҳаммада бўладиган жараён. Шу сабаб у оила билан ишни бир-биридан ажратишга қарор қилди” дея эслаган.
5. Терриниг онаси
Жон Террининг онасини 2008 йилнинг март ойида полиция томонидан 800 фунтлик буюмларни дўкондан ўғирлаганликда айбланиб ҳибсга олинади.
6. Жермейн Дефонинг онаси
Кўп оналар фарзандларининг тунги клубларга боришига доимо тўсқинлик қилишади. Лекин Жермейн Дефонинг онаси Сандра ўзлари яшайдиган ҳовлининг ертўласида тунги клуб очишга эришди.
7. Криштиано Роналду онаси
Криштиано Роналду ҳам кўпчилик қатори топган тутганларини онаси Долорес Авиерога олиб бориши ҳеч кимга сир эмас. Роналду “Манчестер Юнайтед”га эндигина келган кезлари онаси унинг қўлидан ушлаб кўчадан ўтқазиб қўяётганлиги машҳур бўлиб кетади.
8. Уэйн Рунининг онаси
Уэйн Рунининг онаси Жанет ўғлининг тўйида 7 та қимматбаҳо тошни йўқотиб қўяди. Бу хислат Рунига онасидан ўтган бўлса керак. Сабаби футболчи терма жамоаси билан муҳим халқаро турнирларга борганда тез-тез ўз ўйинини “йўқотиб” қўяди.
9. Жорж Бестнинг онаси
Жорж Бестнинг спиртли ичимликларга ружу қўйганини ҳамма билади. Бу нарса унга “онамерос”. Чунки футболчининг онаси Анна ҳам ичкилик сабаб юрак хуружини бошдан кечиради ва 54 ёшида вафот этади.
Тилмочбек
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
