абарингиз бор, 7-9 май кунлари Олий Лигада 8-тур учрашувлари бўлиб ўтди. Мазкур тур доирасидан ўрин олган беллашувларнинг аксарияти жуда муросасиз ва қизиқарли кўриниш олди.
Биласиз, SPORTS.uz интернет-портали ҳар тур якунида ўйинларда ўзларини яхши томондан намойиш этиб, ишқибозлар олқишига сазовор бўлган футболчилардан иборат рамзий жамоа тузиб келади. Бу сафар ҳам анъанамизга амал қилган ҳолда ортда қолган турнинг рамзий терма жамоасини эътиборингизга ҳавола этамиз.
Дарвозабон: Хуршид Ходжаев (“Андижон”)
Ҳимоячилар: Мақсуд Каримов (“Насаф”), Диёр Туропов (“Олмалиқ”), Ҳикмат Ҳошимов (“Металлург”)
Ярим ҳимоячилар: Санжар Шоаҳмедов (“Локомотив”), Саламат Қутибоев “Бухоро”, Дилшод Раҳматуллаев (“Насаф”), Дониёр Исмоилов (“Олмалиқ”)
Ҳужумчилар: Игорь Сергеев (“Пахтакор”), Игорь Таран (“Шўртан”), Шаҳзодбек Нурматов (“Бунёдкор”)
Дарвозабон:
Хуршид Ходжаев (“Андижон”)
8-тур доирасидан ўрин олган қизиқарли матчлардан бири Андижонда ўтди. Унда “Андижон” Муборакнинг “Машъал” клубини қабул қилди ва ушбу ўйинда “бургутлар” кичик ҳисобда зафар қучди. Беллашувда мезбонлар посбони Хуршид Ходжаев бир неча бор ажойиб сейвлари билан жамоасини муқаррар голлардан қутқариб қолди. Шу боис бўлса керак, “Машъал” устози Александр Хомяков “бургутлар” дарвозабонини учрашувнинг энг яхши ўйинчиси бўлди, дея эътироф этди.
Ҳимоячилар:
Мақсуд Каримов (“Насаф”)
8-турдаги кўпчиликнинг диққат-эътибори марказида турган матчлардан бирида Қаршининг “Насаф” клуби Навоийнинг “Қизилқум” жамоасини қабул қилди. Ушбу учрашувда “аждарлар” 2:0 ҳисобида зафар қучишди. Ўйинда қаршиликларнинг тажрибали ҳимоячиси Мақсуд Каримов жуда ишончли ҳаракат қилди. Қолаверса, маҳоратли футболчи ўз ҳисобига гол ёздириб қўйишга ҳам улгурди.
Таъкидлаш жоиз, Мақсуд Каримов Олий Лига тур терма жамоасидан 2-марта ўрин олди. У 4-турда ҳам энг яхшилар қаторида эътироф этилганди.
Диёр Туропов (“Олмалиқ”)
“Олмалиқ” ҳам 8-турда “Нефтчи”ни 3:0 ҳисобида мағлуб этиб, ўз ишқибзоларини хушнуд қилди. Ушбу баҳсда ўзининг фаол ҳаракатлари билан ажралиб турганлардан бири – олмалиқликлар мудофаа чизиғи вакили Диёр Туропов бўлди. Ёш футболчи ўйин давомида тез-тез чап қанотдан рейдлар уюштириб турди ва битта голли узтма амалга оширди.
Ҳикмат Ҳошимов (“Металлург”)
Турнинг яна бир қизиқарли учрашувида “Бухоро” ва “Металлург” жамоалари ўзаро тўқнаш келишди. Учрашувда ҳар икки жамоа футболчилари ҳам ўзларини кўрсатишга уринишди. Айниқса, бухоролик футболчилар бутун ўйин давомида рақиб дарвозаси яқинида босим уюштиришди. Лекин Ҳикмат Ҳошимов бошчилигидаги “Металлург” мудофаа чизиғи рақибга гол уриш имконини беришмади. Натижада бекободликлар сафардан очко олиб қайтишди.
Таъкидлаш жоиз, Ҳикмат Ҳошимов 5-турда ҳам рамзий жамоадан ўрин эгаллаган эди.
Ярим ҳимоячилар:
Санжар Шоаҳмедов (“Локомотив”)
Тур доирасидан ўрин олган ўйинлардан бирида Тошкентнинг икки жамоаси – “Обод” ва “Локомотив” футболчилари баҳс юритишди. 0:2 ҳисобида тугаган ўйинда “темирйўлчилар” аъзоси Санжар Шоаҳмедов ўзининг фаол ҳаракатлари билан ажралиб турди. Айнан ушбу маҳоратли ярим ҳимоячининг киритган голи “Локо”га тўла устунликни тақдим этди ва якунда “Локомотив” 3 очкога эга чиқди.
Саламат Қутибоев (“Бухоро”)
“Бухоро” – “Металлург” учрашувида ўзидан яхши таасурот қолдирган футболчилардан яна бири бухороликлар ярим ҳимоуячиси Саламат Қутибоев бўлди. 30 ёшли футболчи бутун матч мобайнида жуда фаол ўйин намойиш этди. Бир неча бор рақиб жарим майдони яқинида хавфли вазият яратиб, олдинги чизиқдаги жамоадошларини яхши узатмалар билан таъминлади. Лекин бухороликлар ушбу ўйинда “Металлург” дарвозасини ишғол қила билишмади.
Дилшод Раҳматуллаев (“Насаф”)
“Насаф” – “Қизилқум” ўйинида қаршиликларнинг 2 тўп фарқи билан зафар қучишларидан маҳоратли ярим ҳимоячи Дилшод Раҳматуллаевнинг хиссаси катта бўлди. Боиси 27 ёшли футболчи ўйинда давомида тез-тез ўзининг алдамчи ҳаракатлари билан рақиб ўйинчиларини доғда қолдирди ва олдинга ўтди. “Насаф”нинг шу куни уюштирилган деярли барча ҳужумларида иштирок этган Раҳматуллаевни рамзий терма жамоага қўшишга қарор қилдик.
Дониёр Исмоилов (“Олмалиқ”)
“Олмалиқ” жамоасининг “Нефтчи” устидан йирик ҳисобда ғалаба қозонишида жамоанинг олдинги чизиқ вакили Дониёр Исмоиловнинг ҳам хизмати катта бўлди. 22 ёшли футболчи ўйин давомида фаол ҳаракат қилиш билан биргаликда ўз ҳисобига гол ҳам ёзидирб қўйишга эришди. Таъкидлаш жоизки, бу сафар ҳужум чизиғимизда рақобат катта экани боис Исмоиловни ярим ҳимояга “жойлаштирдик”.
Ҳужумчилар:
Игорь Сергеев (“Пахтакор”)
“Пахтакор” – “Навбаҳор” қарама-қаршилиги 3:0 ҳисобида якунига етди. Учрашувда “шерлар” сафида Игорь Сергеев дубль қайд этишга муваффақ бўлди. Терма жамоамиз аъзоси бу орқали ўз ҳисобидаги голларни 7 тага етказиб олди ва “Металлург” ўйинчиси Зоҳид Абдуллаев билан биргаликда тўпурарлар баҳсида пеҳсқадамлик қилмоқда.
Игорь Таран (“Шўртан”)
Ғзуорнинг “Шўртан” жамоаси 8-турга келиб мавсумдаги илк ғалабасини қўлга киритди. ЖИззахнинг “Сўғдиёна” жамоаси 4:2 ҳисобида таслим этилган ўйинда “оқ бўрилар” таркибида Игорь Таран хет-трик қайд этишга эришди. Таран 8-турда битта учрашувда энг кўп гол киритган футболчи бўлди. Қолаверса, унинг ушбу ўйин давомида тез-тез рақиб жарима майдони яқинида хавфли вазиятларни юзага келтирганини ҳам алоҳида қайд этиб ўтиш лозим. Таран ҳисобида жорий мавсум ҳисобидан ҳозирча 5 та гол мавжуд.
Шаҳзодбек Нурматов (“Бунёдкор”)
Тошкентнинг “Бунёдкор” жамоаси 8-турда “Қўқон-1912” меҳмони бўлди ва сафарда муҳим 3 очкога эга бўлди. Ушбу учрашувда ўзидан жуда яхши таассурот қолдира олган футболчилардан бири Шаҳзодбек Нурматов бўлди. Ушбу ўйинчи захирадан майдонга туширилгач, “қалдирғочлар” ўйинида сезиларли ўсиш кузатилди. Буни Нурматовнинг бир бор голли узатма амалга оширгани ва яна бир марта ўзи рақиб дарвозасини ишғол этгани тасдиқлаб турибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Австралия
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
