10 факт лойиҳасини ўзгариш. Бу сафар одатдагидек 10 та эмас, балки 25 та фактни эътиборингизга ҳавола этамиз. Қаҳрамонимиз эса Александр Гейнрих бўлади.
Қуйида иқтидорли ҳужумчининг фаолиятига оид 25 та фактни ўқишингиз мумкин.
1. Гейнрих 1984 йилнинг 6 октябр санасида Ангренда таваллуд топган.
2. Фаолиятини 2001 йили "Дўстлик" жамоасида бошлаган. Бир йил ичида у ушбу жамоада Ўзбекистон чемпионатида 12 учрашувда майдонга тушган.
3. Саша 2002 йилни "Пахтакор"да ўтказди. У "шерлар" таркибида Ўзбекистон чемпионатида 23 ўйинда 9 голга муаллифлик қилиб, Ўзбекистон чемпиони ва Ўзбекистон кубоги соҳибига айланди.
4. 2002 йили 18 ёшли ҳужумчи Ўзбекистоннинг энг яхши футболчиси деб топилди.
5. Гейнрих 2003 йили Москванинг "ЦСКА" жамоасига йўл олди. Москваликлар таркибида ўша мавсумда чемпионатда 2 ўйинда 1 та гол киритди ва Россия чемпионига айланди.
6. 2003 йилги мавсумда Саша Москваликларнинг ўринбосарлар жамоасида 21 учрашувда 5 та тўп киритган.
7. Йил якунларига кўра 19 ёшли ҳужумчи Ўзбекистоннинг 3-рақамли энг яхши футболчиси бўлди.
8. 2004 йилги мавсумда у "ЦСКА"нинг ўринбосарлари таркибида 22 ўйинда 6 гол урди.
9. Ушбу йилда Саша Ўзбекистоннинг энг яхши футболчиси сўровномасида 2-ўринни эгаллади.
10. Гейнрих 2005 йили "Пахтакор"га қайтди ва чемпионатда 12 ўйинда 5 та гол киритиб, иккинчи бор Ўзбекистон чемпиони ва Ўзбекистон кубоги эгаси бўлди.
11. У 2005-2006 йилларда Москванинг "Торпедо" жамоаси сафида Россия чемпионатида 21 ўйинда майдонга тушиб, бирорта ҳам гол ура олмади. Жамоанинг ўринбосаралари учун эса 12 учрашувда 1 гол киритди.
12. Гейнрих 2005 йили иккинчи марта Ўзбекистоннинг иккинчи рақамли футболчиси сифатида эътироф этилди.
13. Саша 2007-2010 йилларни "Пахтакор"да ўтказди. У мана шу даврда Ўзбекистон чемпионатида 94 учрашувда рақиблар посбонбларини 52 марта ишғол қилишга муваффақ бўлди.
14. 2007 йили учинчи марта Ўзбекистон чемпиони ва кубоги соҳиби бўлди.
15. 2011 йилги Осиё кубогидан кейин Жанубий Кореянинг "Сувон Самсунг Блюингз" жамоасида тўп сурган ҳужумчи, Корея "К" лигасида 18 ўйинда 3 та тўп киритди.
16. 2012 йилнинг биринчи ярмида БААнинг "Эмирайтес" клуби либосида БАА "Про лигаси"да 7 ўйинда 2 марта ўз номини таблога ёздириб қўйди.
17. 2012-2014 йилларда Қозоғистоннинг "Актобе" жамоасида чемпионатда 52 ўйинда 15 та гол урди ва 2013 йили мамлакат чемпионатининг олтин медалигаа сазовор бўлди.
18. У шунингдек ушбу жамоа билан икки бора Қозоғистон суперкубогида зафар қучди.
19. 2014 йилнинг иккинчи ярмида Тошкентнинг "Локомотив" жамоасига қайтган Александр чемпионатда 11 учрашувда 7 та гол киритишга муваффақ бўлди.
20. Гейнрих 2015 йилдан буён Қозоғистоннинг "Ордабаси" жамоасида мамлакат чемпионатида 26 ўйинда 3 гол урган.
21. Александр Ўзбекистон миллий терма жамоасида 2002-йилдан буён 86 ўйинда иштирок этиб, ўз ҳисобига 30 та гол ёздириб қўйган.
22. Унинг бир мавсумда урган голлари бўйича рекорди 2007 йили қайд этилгаан. Ўша йили у "Пахтакор" таркибида Ўзбекистон чемпионатида 16 та голга муаллифлик қилган.
23. Александр Гейнрих фаолияти давомида Ўзбекистон чемпионати(152 ўйин - 73 гол), Қозоғистон чемпионати (80 ўйин - 18 гол), Россия чемпионати (23 ўйин - 1 гол), Жанубий Корея чемпионати (18 ўйин - 3 гол), БАА чемпионати (7 ўйин- 2 гол каби 5 та миллий чемпионатда 280 учрашувда 97 та голга муаллифлик қилган.
24. Ҳужумчи 2001, 2005 ва 2006 йилги мавсумларда чемпионат ўйинларида бирорта ҳам гол кирита олмаган.
25. Охирги факт: Гейнрих Ўзбекистоннинг энг яхши футболчиси бўлган энг ёш футболчи ҳисобланади. У бундай номга 18 ёшида сазовор бўлган.
Фурқат Юсупов тайёрлади
“Челси”. Мавсум-2015/2016 сарҳисоби
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
