Ёзда юксак даражадаги 5 нафар машҳур футболчилар шартномасиз қолишади. Мана қуйида мазкур футболчилар билан танишинг.
Софиан Фегули
Ҳар йили ёзда Софиан топ-клубларнинг эътиборини қозонди деган турли хилдаги гап-сўзлар тарқалиб келмоқда, лекин бу йил ёзда унинг бошқа клуб либосини кийиши учун вақт етиб келди. Фегули ўзининг техникаси, тезлиги, дриблинги, кучли тўп тепиши орқали ҳар мавсумда юксак даражада ўйин кўрсатиб келмоқда. "Валенсия" ҳар йили янги босқичга чиқиш учун тайёрланади, лекин ҳар сафар нимадир етишмай қолади. Вақт ўтиб бормоқда, Фегули 26 ёшда, у ўзини кучлироқ клубда синаб кўришга тайёр ва ушбу Жазоирлик йигитнинг эркин агент мақомини олиши кўпгина клублар учун жуда ҳам жозибадор вариант бўлиши мумкин.
Хатем Бен Арфа
Хатем бир неча йиллардан буён ўзининг оптимал формасини тиклай олмаяпти ва ундан кутилган ўйинни намойиш эта олмаяпти. Бу билан у кўпчиликда "кутилган ишончни оқлай олмаган" футболчилар рўйхатидан ўрин олади деган фикр уйғотди. Лекин унинг "Ницца" га ўтиши ҳаммасини ўзгартирди, ушбу мавсум унинг кейинги бир неча йиллардаги энг яхши мавсуми бўлди. Бироқ унинг "Ницца" билан шартномаси 1 йилга тузилган ва ёзда ўз ниҳоясига етади. Ушбу ёзда у эркин агент сифатида жамоани тарк этади, бир қанча клублар уни ўз сафида кўришни исташмоқда, уларни ичида «Барселона» ҳам бор.
Грегори ван дер Вил
Голландиялик парижликларнинг асосий футболчилари қаторига кира олмади, лекин заҳирада ўтирмади ва мавсум давомида клубнинг 20 нафар футболчилари орасидан жой олди. "ПСЖ" уни жон деб олиб қолишни хоҳлайди, чунки футболчиларни ротация қилиш учун у аъло даражадаги вариант, лекин клуб мураббийи назарида иккинчи даражали ўйинчига айланиб қолганлиги голландияликнинг эътирозини келтириб чиқармоқда. Шунинг учун Григори шартнома муддати тугагач клубни тарк этишга қарор қилди, ёзда уни ўз сафида кўришни хоҳловчи клублар етарлича топилади.
Стив Манданда
Стив анчадан буён "Марсель" даражасидан ўсди, у бир неча мавсумдан буён барқарор ўйин кўрсатиб келмоқда. Доимий равишда ўз давлатининг миллий терма жамоасида ҳам ўйнаб келмоқда. Уни 5 йилдан буён клубни тарк этиши ҳақида гапирилмоқда, "Марсель" ни топ-клуб даражасига чиқиши учун ҳали анча борлиги аниқ бўлиб улгурди. Шу учун Стив клуб билан шартномасини узайтирмасликка қарор қилди ва эркин агент сифатида клубни тарк этишга қарор қилди. Манданда ҳозир 31 ёшни қаршилади, лекин бу унинг бошқа клуб излашига монъелик қилмайди, сабаби дарвозабонлар учун бу ажойиб ёш ҳисобланади. Шундай экан "Марсель" ни жамоа сардори бу йил тарк этишини кутамиз.
Джон Терри
"Челси" ўзининг афсоналаридан бири билан хайрлашиб улгурди, Лемпардни назарда тутмоқдамиз. Энди навбат Террига етиб келган кўринади, ҳимоячи билан тузилган шартнома ёзда ўз ниҳоясига етади ва "Челси" уни узайтиришга интилмаяпти. Клубга келган янги мураббий жамоани бошқатдан тузади ва у 34 ёшли ҳимоячининг хизматига таянмайди. Бу мавсумда Терри тез-тез заҳира ўриндиғида қолди, унга ўзини кўрсатиш имкони берилганда жамоа сардори жамоасини қўллай олди. Охир-оқибат у клуб учун кераксиз эканлиги ойдинлашди. Джонга ҳали Хитой, Америка ёки Шарқ клубларида ўйнашга вақтли, у ҳали бир неча йиллар давомида ўзининг юксак даражадаги ўйинини кўрсатиши учун имкони бор. Савол шундай бўладики, Террининг ўзи хоҳлармикан яна 1-2 йил Европа миқёсида ўйнашни.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
