ИСПАНИЯ ПРИМЕРОСИ ТУРНИР ЖАДВАЛИ ҚУЙИ ҚИСМИГА НАЗАР. «Севилья» яна бир марта ЕЛ ғолибига айланди. Асосий турнир - ЧЛ финалида эса испан жамоалари ўзаро ўйнашди. Нега ҳамма ерда примеро вакиллари? Уларнинг муваффақияти сири нима?
«Севилья» ва «Ливерпуль» ўртасидаги ЕЛ финали арафасида матбуот испаниялик мухлисларга эътибор қаратди. Хусусан, 2006 йили УЕФА кубоги доирасида бўлган финалдан олинган лавҳа эсга олинди - бутун вужуди титраб ўтирган болакай. У ўша оқшом севимли «Севилья»си ютмаган тақдирда, ҳаёт билан видолашадигандек кўринганди. «Севилья» ва «Эспаньол» ўртасидаги финалда яна бир юзи сарғиш бобой кўзга ташлангандики, унга каталонияликлар ғалабасини кўриш насиб этмади, барибир...
Бу сафарги финал давомида трибуналарда ким энг ёрқин мухлис бўлганини айтиш қийин, аммо мавсумда испаниялик мураббийларнинг яққол ажралиб туришгани аниқ. Гап «Севилья» билан кетма-кет 3-марта ЕЛ кубогини ютган Унаи Эмери ҳақида ҳам эмас. Аксинча, примеро аутсайдерлари - «Райо Вальекано» бош мураббийи Пако Хемес ва «Спортинг» устози Абелардо назарда тутилмоқда. Зеро, улар Испания чемпионати охирги туридан сўнг кўз ёшларини тийиб туролмадилар. «Райо» гарчи «Леванте»ни мағлубиятга учратган бўлсада, иккинчи дивизионга тушиб кетди...
...«Спортинг» эса «Вильярреал»ни доғда қолдириб, айнан Пако Хемес жамоасини ортда қолдирди ва келаси мавсум ҳам элитада ўйнашни кафолатлади.
Эҳтимол, шунинг учун ҳам, испанлар бирин-кетин муваффақият қозонишаётгандир. Негаки, мураббийлар жамоалари муҳим ғалабага эришган пайт ҳам, лигадан тушиб кетган тақдирда ҳам, кўз ёшларини яшириб туролмайдилар. Бу нимадан далолат? Жонкуярлик ва ачинишдан-ми? Ёки йиғлаш - бу шунчаки актёрлик маҳорати самарасими? Ҳа, испанларнинг барчасини қойиллатиб бажаришлари маълум. Аммо юқорида тилга олинган ўша болакай ёки бобой, шунингдек, галстук тақиб олган Пако Хемес қиёфасига қараб, барчасини сохталикка чиқариш қийин.
Мисол учун, Россияда қандай? «Кубань», «Динамо» ва «Мордовия» клубларида бош мураббийлар яқиндагина ўзгарганди. Хўш, янги мураббийлар жамоаларининг омадсизлигидан сиқилиб, бир қатра кўз ёши тўкишганми? Бунга ишониш қийин. Йўқ, гап кўз ёшларида ҳам эмас, балки футболга умумий ёндашувда. Ишга сидқидилдан ёндашишда, десак, янада тўғрироқ бўлар...
Sovsport.ru - А.АҲМЕДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
