Охирги пайтларда айрим ижтимоий тармоқларда ва ишқибозлар орасида “Андижон” жамоасига оид турли хил гап-сўзлар пайдо бўла бошлади. Бош мураббий Бахтиёр Ашурматовнинг истеъфога чиқиши ва унинг ўрнига қайси мураббийнинг таклиф этилиши борасидаги хабарлар деярли кун мавзусига айланди. Шу каби жумбоқларга жавоб топиш мақсадида “Андижон” клуби вице-президенти, бош директори Маъруфжон Абдисоломовга мурожаат қилдик.
– Сўнгги пайтларда Бахтиёр Ашурматовнинг жамоамиздан кеткани хусусидаги хабарларга қисқача жавобим шуки, бош мураббий жамоада қолиб ўз ишини давом эттирмоқда. Тўғри, маълум сабабларга кўра, Бахтиёр Аъзамович жамоа билан бирга бўла олмади. Бу клубнинг ички сири ҳисобланади. “Олмалиқ”қа қарши учрашувга жамоани Ашурматовнинг ўзи майдонга олиб тушади. Мураббийлар штабида айрим ўзгаришларга қўл урдик. Бунгача бош мураббийга яқиндан ёрдам бериб келган Зоҳид Нурматов, Шуҳрат Мақсудов ва Камол Жўнашев ўз аризасига биноан истеъфога чиқди. Улар эндиликда фаолиятини бошқа жамоаларда давом эттирадиган бўлди. Шу боис келгусида Ашурматовга маҳаллий мураббийларимиз кўмаклашадиган бўлмоқда. Бунгача ёшлар жамоамизга устозлик қилиб келган Виталий Легай энди асосий жамоа мураббийлар штабида ишлайди. Қолаверса ҳозир бу борада яна бошқа номзодларни кўриб чиқмоқдамиз. Бош мураббий билан ўзаро маслаҳатлашган холда, андижонлик иқтидорли мураббийлар Бахтиёр Аъзамовичнинг ёнида юриб, тажрибасини ошириб боради деган фикрга бордик.
– Ориф Маматказиннинг “Андижон”га бош мураббий этиб тайинлангани миш-мишдан бошқа нарса эмас. Билмадим, журналистлар бу маълумотни қаердан олди экан. Ориф Исмоилович катта тажрибага эга мутахассис. Бугунги кунда у “Андижанка” аёллар жамоасини жуда яхши бошқариб бормоқда ва унинг олиб бораётган фаолиятидан тўлиқ қониқиш хосил қилмоқдамиз.
– Олдимизда биринчи даврадан ўрин олган жуда муҳим ва шу билан бирга қийин ўйинлар турибди. Насиб қилса ижобий натижага эришиб, қуйи поғоналардан чиқиб кетамиз – дея вазиятга изоҳ бериб ўтди Маъруфжон Жамолдинович.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
