Олий лиганинг 12-туридан ўрин олган “Андижон” – “Олмалиқ” (0:2) учрашувидан сўнг ташкил этилган матбуот анжуманининг иккинчи қисмида мезбонлар устози Бахтиёр Ашурматов иштирок этди.
— Афсуски охирги пайтларда жамоа муваффақиятсизлик эвазига муаммолар гирдобига тушиб қолди. Бугун мағлуб бўлганимизга қарамай мухлисларимиз қўллаб-қувватлашди. Уларга шуни айтишим мумкинки, насиб қилса охиригача курашамиз ва қачонки ишқибозларимизга ёқадиган жамоа тузсак, шундагина жамоадан кетиш ҳақида ўйлаб мумкин. Унгача агарда раҳбарият ва мухлислар ишонч билдиришда давом этса мен охиригача ишлаб, улар хоҳлаган даражага олиб чиқамиз. Очиғини айтганда, ҳозир мураббийлик фаолиятимда илк бор шундай қийин вазиятга тушиб қолдим. Ўтган турда “Металлург” билан баҳсда мухлислар эътироф билдиришди. Мана бугунги учрашувда ҳам. Улар бунга ҳақли. Чунки ўзимиз ишқибозлар кутганичалик футбол намойиш қила олмаяпмиз. Лекин яна шуниси ҳам борки, жамоада мураббий ўзгариши ҳар доим ҳам фойдали бўлиб чиқмайди.Шу сабабли биз жамоа билан гаплашиб олдик. Футболчилар ва мураббийлар аҳил бўлиб ишламас эканмиз ишқибозлар кутган даражага чиқиш мураккаб.
Бу ерда янги жамоа тузишда катта қийинчиликларга дуч келдим. Бунчалик даражада бўлишини ўйламагандим. Бу қийинчиликларни енгиб ўтишимиз керак ва кунига 24 соат ишлаб, хатолар устида ишлаб жамоа тузсакгина кейин бошқа жамоа ҳақида ўйласам бўлади.
Қийин вазиятдан чиқиб кетишимиз керак. Ўйлайманки, биз буни уддалай оламиз. Лекин бунинг учун жамоа аҳил бўлиши муҳим. Футболчилар шу нарсани ҳис қилиши керакки, улар ўзлари учун эмас Андижон шани учун, ашаддий ишқибозлар, мураббийлар ва раҳбарлар шаъни учун ўйнаши керак. Иккинчи бўлимда ўйнагандек ҳар доим шундай харакат қилишса, “Андижон” ҳар қандай жамоа учун жиддий қаршилик кўрсата оламиз.
Афсуски сўнгги пайтларда омад биздан юз ўгирмоқда. “Металлург”га қарши кечган баҳсда ҳам бир қатор 100 фоизли имкониятлардан фойдалана олмадик. Бугунги учрашувда ҳам шу каби вазиятлардан фойдалана билмадик.
Агарда мухлислар ва раҳбарият истеъфога чиқишимни талаб қилмаса, Андижондан ёруғ юз билан кетиш учун бу ерда курашчан жамоа шакллантиришга бор кучим билан ишлайман. Насиб қилса, шу ниятимга етаман. Тўғри, ишқибозларга доимо ғалаба керак. Улар севимли жамоасидан ижобий натижа кутишга ҳақли. Жамоага келган чоғимда аутсайдерлар қаторидан олиб чиқиб кетаман деб айтгандим. Худо хоҳласа, бу ишни уддалаймиз ва мухлислар ишончини қозонамиз.
Айрим сабабларга кўра, ўйиндан олдин маълум муддат жамоа билан бирга бўла олмадим. Албатта бу ҳам қайсидир маънода бугунги мағлубиятимизга таъсирини ўтказган бўлиши мумкин. Чунки бош мураббийнинг жамоада йўқлиги футболчиларга таъсирини ўтказиши эхтимоли катта. Тан оламан, бу менинг айбим. Мухлислардан ҳам узур сўрайман. Чунки мен осон таслим бўлиб, истеъфога чиқмоқчи бўлиб тургандим. Бу ерга имкон қадар кўпроқ очко жамғариб, мухлисларни стадионга ташрифини янада оширамиз деган мақсадда келгандим. “Навбаҳор”да ишлаган пайтимда мен бунга муваффақ бўлгандим. Аутсайерлар қаторидан жамоа чиқиб кетганди. Лекин Андижонда ҳозирча ўйлаган режаларимиз амалга ошмаяпти. Бундан кейин ишлашда давом этсак, мухлислар ва раҳбарлар томонидан ҳеч қандай эътироз бўлмайди.
Бугунги ўйиндан кейин менда курашиш учун катта иштиёқ пайдо бўлди. Бунинг учун мухлислар бироз сабр қилишларини сўраган бўлардим. Тўғри бу ерда жуда кўп мураббийлар алмашинуви рўй беради. Янгиликларни мухлислар кутиб яшашади. Айтайлик ҳозир жамоага янги мураббий келса, вазият ижобий томонга ўзгариб, зўр бўлиб кетади деган фикрга бориши мумкин. Лекин улар тўғри тушунишсин, жамоада вазият барибир мухлислар хоҳлаган даражада эмас. Янги мураббий келган тақдирда ҳам жуда қийин бўларди. Улар ҳам жамоани биз тузмаганмиз ёки ўйинчиларнинг савияси паст деган фикрларни билдиришлари мумкин. Бу жамоани ўзимиз тузганмиз. Муваффақиятсизларга ҳам биз айбдормиз. Салбий натижага биз жавобгармиз. Шу сабабли охиригача курашимиз керак ва қийин вазиятдан чиқиб кетишимиз зарур. Айтиб ўтганимдек, кунига 24 соат ишлашга тайёрман. Ишончим комилки, биз буни уддалаймиз – дейди Бахтиёр Аъзамович.
“Андижон” матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
