Forbes журналининг маълумотларига кўра Криштиану Роналду 2016 йилнинг энг “қиммат” футболчиси деб топилган. Сизга Роналдунинг барча даромад манбалари ва йирик харажатлари рўйхатини хавола этамиз.
Сўнгги 12 ой ичида Роналду 88 млн. доллар даромад кўриб энг “қиммат” футболчилар етакчисига айланди.
Бу даромаднинг 32 млн. доллари Tag Heuer ва Nike фирмалари билан тузилган шартномадан тушган.
Nike компанияси Роналду учун 13 млн. доллар гонарар берган.
Шунингдек, Роналду Herbalife, Castrol, Samsung ва KFC фирмалари билан ҳам ҳамкорлик қилади.
Бироқ Роналдунинг энг йирик даромади “Реал” футбол клуби бўлиб, унга клубда 50 млн. доллар тўлайдилар.
Агар, футболчи муддатдан аввал қироллик клубини тарк этадиган бўлса у “Реал”га 1 млрд. доллар тўлашга мажбур бўлади.
Хўш, Роналду бу пулларни қаерга сарфлайди?
Унинг энг катта харажат талаб қизиқишларидан бири машиналардир. У 300 минг долларлик Lamborghini Aventador уловида юради. Бундан ташқари Maserati, Bentley, Porsche ва Mercedes машиналарига ҳам эга.
2009 йилда у 315 минг. долларлик Ferrari уловини уриб олган эди.
Кейинги харажатлардан бири унинг уйидир. Роналду Мадриднинг Ла Финка номли бой маҳалласида яшайди. Унинг уйи 7.1 млн. долларга баҳоланган.
Бу ҳали ҳаммаси эмас.
2015 йилда Нью-йоркнинг “Трамп-тауэр” осмонўпар биносидан 160 минг долларга уй сотиб олган.
Роналду Jacob and Co компаниясининг 160 минг долларлик соатини тақиб юради.
Роналду ўзининг мумдан ишланган фигурасига 29 минг доллар сарфлаган ва “Роналду 2” ни уйи йўлагига ўрнатган.
Шунингдек, у номдор дизайнерларда кийинишга одатланган. Костюм шим ҳам футболчида спорт кийимидек ярашиб туради.
Роналду Армани фирмасининг юзи хисобланади.
Роналду эркаклар ички кийимларини ишлаб чиқариш билан ҳам шуғулланади.
Футболчининг айтишича унинг хасадгўйлари ҳам кўп. У буни “Мени пулим кўп, иқтидорлиман, кўп нарсага эришдим. Мен ҳақимдаги ёмон фикрлар хасаддан бошқа нарса эмас.”, дея изоҳлайди.
Роналду меҳрибон ва кўнгилчан. У “олтин тўп”ни топшириш маросимида йиғлаб юборганди.
Шунингдек, у Португалиянинг онкологик касалликлар марказига 165 минг доллар ҳайрия қилган ва 10 ёшли фанатининг мия қисмидаги онкологик операцияси учун 38 минг доллар ажратган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
