Исландия терма жамоаси Австрияни 2:1 ҳисобида мағлуб этиб, F гуруҳида иккинчи ўрин билан кейинги босқичга чиқди. Австрия эса уйига равона бўлди.
Биринчи бўлимни исландияликлар фаол бошладилар. Улар 2-дақиқадаёқ ҳисобни очиши мумкин эди. Гундмундссоннинг узоқ масофадан йўллаган зарбасидан сўнг, тўп дарвоза тўсинига тегиб қайтди.
12-дақиқада Австрия жуда қулай вазиятни қўлдан чиқарди. Дарвозабон Халдоурсон тўпни ушлашда хатоликка йўл қўйди, натижада Арнаутович бўш қолган дарвозага тўпни йўллаши мумкин эди. Бироқ австриялик футболчи шошиб қолиб, тўпга тайинли зарба беролмади.
18-дақиқада Исландия ҳисобни очди. Ўнг қанотдан аут ташлаб берилди. Арнасон тўпни жарима майдонига оширди. Тўпни эгаллаб олган Бёдварссон яқин масофадан аниқ зарба йўллаб, тўпни дарвозага киритди.
Шундан сўнг ташаббус австрияликлар томонга ўтди. 36-дақиқада Скуласон ўз жарима майдони ичида Алабага нисбатан қоида бузди. Натижада бош ҳакам пенальти белгилади. Бироқ Драговичнинг зарбасидан сўнг тўп дарвоза устунига тегиб қайтди.
Иккинчи бўлимни Австрия фаол бошлади. 47-дақиқада Марко Арнаутович ажойиб тўп оширганидан сўнг, Давид Алаба яқин масофадан зарба йўллади. Дарвозабон ожиз қолган вазиятда ҳимоячи Арнасон тўпни дарвозага кириб кетишига йўл қўймади.
60-дақиқада ҳисоб тенглашди. Давид Алаба тўпни жарима майдонига, Шёпфга етказди. У эса бир уринишда ҳимоячини алдаб ўтиб, аниқ зарба йўллаб, дарвозанинг узоқ бурчагига тўпни киритди.
65-дақиқада Исландия гол уриши мумкин эди, бироқ Гулфи Сигурдссоннинг яқин масофадан йўллаган зарбасини Альмер тўсиб қолишга улгурди.
Ўйин охиригача Австрия катта куч билан ҳужум уюштирди. Бугун уларни фақат ғалаба қониқтирар эди. 72-дақиқада Шёпф дарвозабон билан юзма-юз чиқди, бироқ уни енгиб ўтолмади. 81-дақиқада Алаба узоқ масофадан зарба йўллаганида, дарвозабон тўпни қайтара олди.
Сўнгги сонияларда эса Исландия ғалабани илиб кетди. Австриянинг барча футболчиси олдинга ўтиб кетганидан фойдаланган Исландиянинг уч футболчиси дарвозабон билан юзма-юз чиқишди ва Траустасон дарвозани ишғол қилди.
Энди Исландия нимчоракфиналда Англия терма жамоаси билан ўйнайди.
22 июнь, Сен-Дени, «Стад де Франс»
Исландия – Австрия 2:1 (1:0)
Голлар: Бёдварссон (18), Траустасон (90+4) – Шёпф (60)
ИСЛАНДИЯ: Ҳаннес Ҳальдоурссон, Биркир Севарссон, Рагнар Сигурдссон, Йоҳан Гудмундссон (Ингасон 86), Биркир Бьярнасон, Колбейнн Сигторссон (Траустасон 80), Гилфи Сигурдссон, Кари Арнасон, Йон Бёдварссон (Бьярнасон 71), Арон Гуннарссон, Ари Скуласон
АВСТРИЯ: Роберт Альмер, Александар Драгович, Мартин Ҳинтереггер, Кристиан Фукс, Штефан Илзанкер (Янко 46), Марко Арнаутович, Давид Алаба, Юлиан Баумгартлингер, Себастиан Прёдль (Шёпф 46), Флориан Кляйн, Марсель Забитцер (Янчер 78)
Огоҳлантириш: Скуласон (36), Сигторссон (51), Янко (70), Арнасон (78), Ҳальдоурссон (82).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
