Мана, кўз очиб юмгунча бу йилги олий лига баҳсларининг биринчи даврасига ҳам якун ясалди. Яқиндагина Наманганнинг "Навбаҳор" жамоасига янги бош мураббий тайинланганидан хабарингиз бор. Шу кунга қадар биринчи лиганинг "Норин" жамоасида фаолият олиб борган клуб бош мураббийи Равшан Бозоров "Навбаҳор" жамоасида бош мураббий сифатида иш бошлади.
Қисқа фурсат ичида "Норин" жамоасини 1-лиганинг кучли тўрт жамоасидан бирига айлантира олган Бозоров энди бор эътиборини янги жамоасига қаратади. Янги мураббий келгач қайсидир ўйинчилар билан хайрлашиши, қайсидир футболчиларни жамоага олиб келиниши табиий ҳол, албатта. Яқиндагина "Аср футболи" газетасига интерью берган Равшан Бозоров жамоа асосий таркибининг 70-80% ни сақлаб қоламиз деган эди. Ҳозирча жамоани расман Олександр Пишур, Игорь Голбан, Анвар Ражабовлар тарк этишган. Бундан ташқари, асосий таркибнинг тўрт нафар футболчилари ҳам жамоадан кетишди деган миш-мишлар қулоққа чалинмоқда. Сардор Азимов, Хайрулла Каримов, Азизбек Ғуломхўжаев, Обид Жўрабоевлар шулар жумласидандир. Бу маълумотлар ўз тасдиғини топадими ёки йўқми - яқин вақт ичида билиб олсак ажаб эмас.
Йўқотишлар ўрнини муносиб номзодлар билан зудлик билан тўлдирилмаса, жамоа турнир жадвалида қийин аҳволга тушиб қолиши мумкин. Асосий таркибнинг кўплаб футболчиларини жамоадан кетишаётгани биз мухлисларни ташвишга солмоқда ва барчани бир савол қийнамоқда. Яъни янги мураббий давралар оралиғидаги қисқа танаффусдан қай даражада фойдалана олади, кимларни таклиф этадию, жамоа иккинчи даврада қандай ўйин намойиш этади?
Айни пайтга келиб Равшан Бозоров "Норин" жамоасидан 4 нафар футболчини "Навбаҳор"га чақирган. Булар Артур Парванов, Мурод Тўйчибоев, Фаррух Нурлибоев ва Владислав Алексин. Шунингдек, жамоага биринчи лиганинг "Хотира-79" жамоасидан Билол Шарофиддинов ҳам келиб кўшилган. Мени ҳозир қизиқтираётган саовл - иккинчи даврада Равшан Бозоров янги ўйинчилар билан қандай ўйин намойиш этиши. "Норин"дан келган футболчилар биринчи лигадан олий лига клубига ўтгач, биринчи навбатда ўзларини кўрсатишга ҳаракат қилади, бу биринчидан.
Иккинчидан улар бошқа-бошқа жамоада ўйнашмагани ва бир клубдан келганлари бир-бирларини яхшироқ тушунишларига замин яратади. Лекин, танганинг иккинчи томони бўлганидек, олий ва биринчи лига ўртасидаги тафовут катта ва шуни ҳам айтиб ўтиш жоизкиҳ, ҳали бу футболчилар "Навбаҳор" билан шартома тузишмаган. Бир сўз билан айтганда, Бозоров танқидларга муносиб жавоб бера оладими, шуниси қизиқ!
Хуллас, ҳозир мухлислар севимли жамоаларидан иккинчи даврада муносиб ўйин кўрсатиб, турнир жадвалида юқорироқ ўрин эгаллашларига умид қилишмоқда. Балки танқидларимиз бизга ижобий ўзгаришларни тақдим этар? Янги мураббий яхши натижалар қайд этиб, жамоа ажойиб ўйин кўрсатган ҳолда қилган танқидларимиз билан бизларни уялтириб қўйишса деган фикр ҳам ўтиб турибди. Шахсан мен шундай қилишса ҳам рози эдим. Чунки танқидларимизга муносиб жавоб қайтаришиб мухлислар ишончини оқлашса нур устига аъло нур бўларди. Ишонамизки Равшан Бозоров биз мухлисларни кўнглимиздан ўтаётган хавотирларни йўққа чиқаради ва "Навбаҳор" мухлисларига олам-олам қувонч тақдим этади. Ҳар ҳолда шунга ишонгимиз келади. Яхши ният - ярим давлат дейди доно халқимиз. Яхши ният қилишдан чарчамаймиз. Омад "лочинлар". Биз сизларга ишонамиз.
Barcamania_2016 никли юзер
Матнда хатолик топсангиз, ўша хатони белгилаб, бизга жўнатинг (Ctrl + Enter).
Холидия
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
