Росиялик таниқли мураббий ва терма жамоанинг собиқ футболчиси Игорь Чугайнов яқиндар Россия фуқаролигини олган бразилиялик ҳимоячи Марио Фернандес ҳақида фикр билдирди.
- Россия учун яхши ўйинчи, таъкидлайман, бизнинг савиямиз учун. Аммо терма жамоага фойда келтирмайди. Ўзимизнинг ўйинчиларни тайёрлаш ўрнига чэт элликларга паспорт босиб беряпмиз. Бунинг устига у қадар кучли бўлмаганларга. Ўз терма жамоаларига кира олмаганларни оляпмиз. Агар у зўр бўлса, нима учун Бразилия термасида ўйнамайди? Ғалати...
- Фернадес Смольниковдан кучли деган фикрга қўшиласизми?
- Яхши ўйинчи, баҳслашмайман. Аммо бизнинг ҳозирги савиямиз учун. Ўзимизникларни тайёрлай олмаганимиз аламли.
- Фернандес русчада яхши гапира олмаслигига қандай қарайсиз?
- Бу бошланиши. Биз уларга паспорт ясаб беряпмиз экан, терма жамоада португалча, немисча гаплашилади, фақат русча эмас. Биз ахир россияликлармиз, келинг, ўз ҳимоячилармизни етиштирайлик. Аммо ҳозир аҳволимиз шу.
Матнда хатолик топсангиз, ўша хатони белгилаб, бизга жўнатинг (Ctrl + Enter).