Мавсумнинг иккинчи ярмига тайёргарликни Минск шаҳрида олиб борган “Локомотив” футбол клубини олдинда ниҳоятда муҳим учрашувлар кутиб турибди. “Темирйўлчилар” учун 25 июлдан бошлаб жиддий баҳслар старт олади десак муболаға бўлмайди.
Хабарингиз бор, “Локомотив” ўз олдига катта мақсадларни қўйган: жамоа ўзи иштирок этаётган барча мусобақаларда ғолиб бўлишга ҳаракат қилмоқда. Ҳозирча “Локо”нинг ҳам Осиё чемпионлар лигаси, ҳам Ўзбекистон чемпионати ва Кубогида қайд этаётган натижалари чакки эмас. Жамоа учала фронтда ҳам мағлубиятга учрамаган ҳолда одимламоқда.
25 июль куни бўлиб ўтадиган “Локомотив” – “Машъал” (Ўзбекистон Кубоги, 1/4 финал) жавоб баҳси билан “темирйўлчилар” қайноқ паллани бошлашади. Шундан сўнг кетма-кет ўйинлар бошланади. Ҳисоблаб чиқсак, “Локомотив” 25 июлдан бошлаб яқин бир ой ичида саккизта расмий ўйинда майдонга тушади. Бу ўйинлардан биттаси Ўзбекистон Кубоги, яна биттаси Осиё чемпионлар лигаси ҳамда қолган олтитаси Олий лигадан ўрин олган баҳслар.
Қизиғи шундаки, “темирйўлчилар” қаторасига дастлабки тўртта беллашувни ўз уйларида ўтказишади. Аввалига “Машъал” билан куч синашадиган жамоа кейинчалик ТТЙМИ стадионида “Қизилқум”, “Навбаҳор” ва “Андижон”ни қабул қилади. Умуман олганда, жамоа яқин бир ой ичида бўладиган саккизта ўйиндан бештасини Тошкентда, қолган учтасини сафарда ўтказади.
“Локомотив” сафарда олий лига доирасида “Нефтчи” билан “Машъал”, шунингдек Осиё чемпионлар лигаси ўйинида “Ал Айн” (БАА)га қарши кураш олиб боради. Биз “Локо” иштирокидаги беллашувларга мухлисларни чорлаб қоламиз ҳамда қайноқ палла бошланаётгани муносабати билан жамоа аъзоларига омад ва зафарлар тилаб қоламиз.
Қуйида “Локомотив”нинг июль-август ойларидаги ўйинларини келтириб ўтамиз.
25 июль. Ўзбекистон кубоги, 1/4 финал жавоб учрашуви
“Локомотив” – “Машъал”
28 июль. Олий лига, 13-турнинг қолдирилган ўйини
“Локомотив” – “Қизилқум”
3 август. Олий лига, 16-тур.
“Локомотив” – “Навбаҳор”
8 август. Олий лига, 17-тур.
“Локомотив” – “Андижон”
14 август. Олий лига, 18-тур.
“Нефтчи” – “Локомотив”
18 август. Олий лига, 19-тур.
“Локомотив” – “Сўғдиёна”
23 август. ОЧЛ, 1/4 финал дастлабки учрашув
“Ал Айн” – “Локомотив”
26 август. Олий лига, 20-тур.
“Машъал” – “Локомотив”
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
