«Нефтчи» Президент қарорида белгиланган кабеллаштириш дастурини биринчи бўлиб якунлади
Ўзбекистон Республикаси Президентининг 2025-йил 21-августдаги “Ўзбекистонда футбол соҳасини рақамлаштириш ва оммавийлигини ошириш чора-тадбирлари тўғрисида”ги 262-сонли қарори асосида, Суперлига клублари уй учрашувларини ўтказадиган стадионларда интеграциялашган кабеллаштириш тизимини ташкиллаштириш ишлари давом этмоқда. Бунгача юртимиздаги стадионлар орасида фақатгина «Бунёдкор» ҳамда Олимпия стадионлари (Миллий олимпиа шаҳарчаси) жаҳон талаблари асосидаги бундай кабеллаштирилган тизимларга эга эди.
Аввалроқ хабар берганимиздек, Фарғонанинг «Нефтчи» клуби ўз уй стадиони бўлмиш «Истиқлол» стадиони учун интеграциялашган кабеллаштириш бўйича биринчи бўлиб шартнома имзолаганди. Ушбу ҳафтада эса мазкур стадионда кабеллаштириш ишлари якунига етиб, фойдаланишга топширилди.
«Истиқлол» стадионида ОФК талаблари асосида Япония ва Австралия технологиялари ёрдамида 10 та камера нуқтаси учун оптик гибрид кабеллаштириш амалга оширилди. Бу эса ўз навбатида, мазкур ўйингоҳдан амалга ошириладиган трансляция жараёнлари сифатини оширишга ҳамда VAR техникасидан фойдаланиш амалиётини янада яхшилашга хизмат қилади.
Манба: pfl.uz
Киритилди: 22:02, 16.04.2026. Ўқилди: 360 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар