ЖЧ-2018 саралаш. Ж.Корея - Хитой ўйинида хитойлик мухлислар сони кўп бўлиши мумкин
ЖЧ-2018 саралашининг 3-босқичини Жанубий Корея терма жамоаси 1 сентябрь куни Хитойга қарши баҳс билан бошлайди.
Ушбу ўйинга қизиқиш юқори бўлгани боис, Жанубий Корея футбол федерацияси мамлакатдаги энг катта сиғимли стадионни танлади. Учрашувда Сеулдаги "World Cup Stadium" ўйингоҳида бўлиб ўтади. Бу стадионга 66 мингдан ортиқ ишқибоз сиғади.
Хитой футбол ассоциацияси мазкур ўйин учун Жанубий Кореядан 50 мингта чипта сўраган. Аммо Корея футбол ассоциацияси Хитой томонига стадионнинг жанубий томонидан 15 минг дона чипта сотишни режалаштирмоқда. Аммо, Кореяда яшаётган хитойликлар ўзлари мустақил чипта сотиб олишлари мумкинлиги ҳамда туристик компаниялар орқали ўйинга ташриф буюрадиган хитойлик ишқибозлар эвазига уларнинг сони 30 мингтага етиши мумкин.
Бу ўйин Жанубий Корея учун меҳмон жамоа мухлислари сони бўйича рекорд ўрнатиши кутилмоқда. 1997 йилнинг ноябрь ойида 10 минг нафар япониялик ишқибозлар Сеулдаги "Jamsil Olympic" стадионида бўлиб ўтган ЖЧ-1998 саралаш баҳсини томоша қилишганди.
1 сентябрь куни стадионда хитойлик мухлислар сонининг кўп бўлишидан Жанубий Корея терма жамоаси бош мураббийи Ули Штилике хавотирга тушмоқда. Ўз уйида кореялик футболчиларга нисбатан ҳуштакбозлик қилиниши мумкинлиги унга ёқмаяпти.
Хитойликлар сони янада ошиб кетмаслиги учун Жанубий Корея футбол ассоциацияси стадионнинг шимолий трибуналарига чипталарни жума кунидан бошлаб фақат Кореяда очиладиган веб-сайт орқали сотмоқчи. Шарқий ва ғарбий трибуналар учун чипталар келаси ҳафтадан бошлаб сотила бошлайди.
"Хитой футбол ассоциацияси талаб қилган чипта сонини камайтирганимизга қарамай, ҳозирча стадионга қанча хитойлик мухлис ташриф буюришини билмаймиз. Боиси, кўпгина Хитой туристик агентликлари Жанубий Кореяга қарши ўйинга чипталарни сотиб бўлишган. Мухлисларимиз тезроқ чипталарни харид қилишларини истаймиз. Жанубий кореялик футболчилар ўз уйларида хитойлик мухлислар босимига дуч келишларини истамаймиз", - дейди Корея футбол ассоциацияси халқаро алоқалар бўлиши бошлиғи Ли Хэ Ду.
Эслатиб ўтамиз, Ўзбекистон терма жамоаси ЖЧ-2018 саралашининг 3-босқичида Жанубий Корея ва Хитой терма жамоалари ўрин олган "А" гуруҳида иштирок этади. Терма жамоамиз 11 октябрь куни Хитойни Тошкентда қабул қилса, 16 ноябрь куни Кореяда меҳмон бўлади.
Манба: yonhapnews.co.kr
Киритилди: 17:49, 29.07.2016. Ўқилди: 9558 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
