Бугун 20 август, 2025 йил, чоршанба.

Ўзбекларни хурсанд қиладиган хабар: "Манчестер Сити" ўз ҳимоячисини сотишга рози бўлди [4316]

Вини ва Мбаппе "Реал" раҳбариятига мурожаат қилишди [3589]

"Манчестер Юнайтед" "Реал" футболчиси трансфери учун 80 миллион евро ажратишни ўйламоқда [2594]

"Манчестер Юнайтед" 35 миллион фунтга янги таянч ярим ҳимоячиси сотиб олиш бўйича иш бошлади [2132]

Саудия Суперкубоги. «Ан-Наср» бир киши кам ўйнаган ҳолда «Ал-Иттиҳод»ни енгди ва финалга чиқди [2006]

Моуриньо уни мураббий сифатида ўсишига энг катта таъсир қилган футболчи исмини айтди [2004]

«Реал» vs «Барселона». Google оламида қай бири машҳурроқ? [1970]

Собиқ ҳакам - Мбаппенинг вазияти бўйича: "Бу пенальти эмас" (фото) [1803]

АПЛ клублари "Барселона"га 30 миллион евро тўлашга тайёр [1799]

Месси сентябрь ойида Аргентина терма жамоасидаги сўнгги ўйинини ўтказиши мумкин [1596]

Турнир жадвали

Жамоа Ў О
1 Насаф 19 40
2 Нефтчи 19 39
3 Динамо 19 37
4 Бунёдкор 19 34
5 ОКМК 19 34
6 Пахтакор 19 33
7 Навбаҳор 19 31
8 Қизилқум 19 25
9 Сурхон 19 23
10 Андижон 19 21
11 Сўғдиёна 19 20
12 Хоразм 19 19
13 Қўқон-1912 19 18
14 Машъал 19 18
15 Бухоро 19 14
16 Шўртан 19 10

Ўтган ўйинлар. 19-тур

19-тур Пахтакор 2-0 Сўғдиёна
19-тур Навбаҳор 0-1 Нефтчи
19-тур Динамо 1-0 ОКМК
19-тур Насаф 2-0 Шўртан
19-тур Қўқон-1912 2-0 Сурхон
19-тур Машъал 1-0 Андижон
19-тур Бунёдкор 2-1 Бухоро
19-тур Хоразм 0-1 Қизилқум

Навбатдаги ўйинлар. 20-тур

20/08 19:00 Шўртан - Навбаҳор
20/08 20:00 Сўғдиёна - Динамо
21/08 19:00 Нефтчи - Машъал
21/08 20:00 Бухоро - Қўқон-1912
22/08 19:00 Андижон - Пахтакор
22/08 20:00 Қизилқум - Бунёдкор
23/08 18:30 Сурхон - Насаф
23/08 19:30 ОКМК - Хоразм

Сўровнома

  • Суперлига мавсумида чемпионликка асосий даъвогар қайси жамоа деб ҳисоблайсиз?

  • Натижалар | Жами овоз: 1863 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

Муҳрим Аъзамхўжаев мақоласи: Олий лига «қўлқопчи»лари

Баҳо:
+ | -
ЎЗБЕК ФУТБОЛИ / Мураббийлар / Истеъфолар
Рукн: Таҳлил ва Мақолалар
A A A

Олий Лиганинг 2016-йилги мавсуми мураббийлар масаласидаги алғов-далғовлар, тушунмовчиликлари, қандайдир ўйинлари билан ёдда қолса, ажабмас.

Аввалроқ “фақир киши панада” нақлига амал қилиб, ўзи “маслаҳатчи мураббий”, “катта мураббий”, “жамоа бошлиғи” каби лавозимларни эгаллагани ҳолда “бош мураббий”га устозлик қилаётган мутахассислар ҳақида фикр билдирилган, “Бухоро”, “Металлург”, “Бунёдкор”, “Пахтакор”, “Локомотив” каби клубларда шунга ўхшашроқ ҳолат кузатилаётгани ҳақида тахмин илгари сурилган эди.Бироқ Олий Лигамизда мураббийларни қўлқопдек алмаштираётган, бу ишдан чарчамаётган, янги мураббийларни тайинлашга жуда берилиб кетганидан, мантиқни ҳам йўқотиб қўйгандек таассурот қолдираётган клублар фаолияти бу йил айниқса авжига чиққани хавотирли ҳолат. Мураббийларни қўлқопдек алмаштиришда водий жамоалари жуда фаол. Бироқ аввал бошқа клублар ҳақида гаплашсак.

“Обод”ни олайлик. Дастлаб жамоа бош мураббийи сифатида аслида дарвозабонлар мураббийи сифатида танилган Шавкат Абдухўжаев таништирилди. Бироқ кейин у “Сўғдиёна”га ўтиб кетди, кетаркан: “Обод”да номигагина, қоғозда бош мураббий эдим”, деб кетди. Унинг ўрнини “бош мураббий” сифатида Жаъфар Ирисметов эгаллади, бироқ у қанча муддат ва қандай мураббийлик қилгани ҳақида бир нарса дейиш қийин. Июнь ойида Александр Мочинов жамоа бош мураббий этиб тайинлангани ҳақида хабар берилди, жамоанинг сўнгги матбуот анжуманларида ҳам айнан Мочинов қатнашди. Мочиновгача бўлган даврда эса — буни “Обод”нинг аввалги “бош мураббийлари” ҳам, журналистлар ҳам бот-бот такрорлашаётган эди — ёш, бироқ тегишли лицензияси йўқ Бобур Зуҳриддинов бошқариб турди.

“Шўртан”да ҳам тушунарсиз вазият. Мухтор Қурбонов истеъфога чиқарилганидан сўнг, Александр Волков жамоа бош мураббий этиб тайинланди-ю, кейин номаълум сабабларга кўра жамоа лагеридан “йўқолиб қолди”, бу ҳодиса ҳақида ҳатто “Волков “Шўртан”дан “қочиб кетди”, қабилидаги хабарлар ҳам пайдо бўлди. Шундан сўнг Зоир Тўрақулов бош мураббий этиб тасдиқланди. Бироқ “Шўртан” нуқул салбий натижалар қайд этаверганидан сўнг, Тўрақулов “виждони қийналгани учун истеъфо сўраб”, ўз ўрнини Ихтиёр Каримовга — вақтинчалик бош мураббий вазифасини бажарувчи мутахассисга бўшатиб берди.

Водий клублари эса алоҳида мавзу. “Навбаҳор”дан бошлайлик. Бахтиёр Ашурматов истеъфога чиқарилганидан сўнг, жамоа рулига Рашид Ғофуров келди. Бироқ апрель ойида у истеъфога чиқарилди ва вақтинчалик устоз сифатида “Шўртан”дан “қочиб кетган” Волков тайинланди. Волков ҳам жамоани эплай олмади ва жамоага бир муддат унинг “навбатчи устози” — Мустафо Байрамов раҳбарлик қилиб турди. “Навбаҳор” — “Андижон” (2:0) учрашувидан сўнг эса шу вақтгача “Норин”да ишлаб келган Равшан Бозоров “Навбаҳор”нинг янги бош мураббийи сифатида таништирилди.

Намангандан кетган Бахтиёр Ашурматов катта умидлар билан “Андижон”га келганди. У келгунича эса андижонликлар вақтинча устозлик қилаётган Сергей Ковшовга жавоб бериб бўлишганди. Бахтга қарши, Ашурматов андижонлик мухлислар ишончини оқлай олмади ва 22 июнь куни “Андижон” раҳбарияти билан, хабарларга кўра, “дўстона хайрлашди”. Унинг ўрнига Виталий Легай тайинланди — вақтинчалик бош мураббий сифатида. Унга Ориф Маматказин вақтинча ёрдам беради (Наманганда Мустафо Байрамов “навбатчи устоз” бўлса, Андижонда Маматказин, гўё).

“Нефтчи” Андрей Фёдоров қўл остида бир маромда одимлаяпти, деса бўлади. Бироқ Фарғона вилоятининг бошқа бир жамоаси — “Қўқон—1912” ўзига муносиб устоз топа олмаяпти. Ҳозирча жамоа бош мураббийи Нўъмон Ҳасанов (у ҳам мавсумни аслида “Пахтакор”да бошлаганди, вақтинчалик устоз сифатида). Унгача Сергей Ковшов вақтинча бош мураббий сифатида ишлади (Тоҳир Кападзе эса жамоа менежери этиб тайинланган эди), улар келишидан аввал эса Мурод Исмоилов жамоа бош мураббийи эди.

Бир давра давомида мураббийларини бир неча бор ўзгартирган жамоалар номини яна бир бор эслаб ўтсак — “Обод”, “Қўқон—1912”, “Андижон”, “Навбаҳор”, “Шўртан”. Энди уларнинг Олий Лига жадвалида эгаллаб турган ўрнига эътибор қаратсак: “Обод” энг охирги — 16-ўринда; “Қўқон—1912” — 15-ўринда; “Андижон” — 14-ўринда; “Навбаҳор” — 13-ўринда; “Шўртан” — 11-ўринда.

Савол туғилади — бу жамоалар ҳадеб мураббий ўзгартиравергани учун сўнгги ўриндамикин ёки бирор мураббийга узоқ вақт ишонч билдирса ҳам ҳозирги ўрнида бўлармиди? Яна бир қизиқ ҳолат — бир йилдан ортиқ шартнома имзоламайдиган беқарор футболчилар сингари “кўчманчи мураббийлар” гуруҳи пайдо бўлгани: Волков аввал “Шўртан”да, сўнг “Навбаҳор”да; Ковшов дастлаб “Андижон”да, сўнг “Қўқон—1912”да ва ҳ.к.. Буниси, катта эҳтимол билан, Байрамов ва Маматказин каби “навбатчи устоз”лардан ҳам салбийроқ ҳолат бўлса керак.

Муҳрим АЪЗАМХЎЖАЕВ

Манба: www.erudit-sport.uz
Киритилди: 18:30, 03.08.2016. Ўқилди: 8253 марта. Фикрлар: 3 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Биласизми, Алекс Фергюсон АПЛда жами 27 марта ойнинг энг яхши мураббийи деб тан олинган.

Тўпурарлар жадвали

Футболчи Гол
1 Пахтакор Игорь Сергеев 12
2 Насаф Ҳусайн Норчаев 9
3 Сўғдиёна Люпчо Дориев 9
4 Навбаҳор Аббос Ғуломов 8
5 Бунёдкор Луис Качорри 8
6 Навбаҳор Руслан Жиянов 8
7 Динамо Анваржон Ҳожимирзаев 6
8 Машъал Ҳумоюн Муртазоев 6
9 ОКМК Хуршид Ғиёсов 6
10 Андижон Рустам Турдимуродов 5

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.