Америка кубоги финалидаги мағлубият бошқа бир шов-шувли ҳолатни юзага келтирганидан хабарингиз бор. Яъни мағлубиятни ҳазм қила олмаган ҳужумчи Лионель Месси Аргентина термасидан кетишга қарор қилди.
Аммо яқинда у қарорини ўзгартирди, терма жамоанинг янги бош мураббийси уни қароридан қайтишга кўндирди. Табиийки, бу Лионел Месси атрофида турлича яхши-ёмон гаплар болалашига сабаб бўлди. Биз эса Лео билан боғлиқ вазиятга холис ёндашишга қарор қилдик.
ТЕРМАДАН КЕТИШ ҚАРОРИ ТЎҒРИМИ?
Кўпчилик Леонинг “Терма жамоадан кетаман!” деган қарорини қўрқоқликка, турли танқидлардан қочишга йўйди. Бизнингча, бу қўрқоқлик эмасди. Нега айнан Лионел Месси шундай қарорга келди? Чунки Аргентина терма жамоасидаги энг катта масъулият айнан Мессининг елкасига тушганди. Албатта, беш марта олтин тўпни қўлга киритган футболчи термасида энг юлдуз ўйинчига айланади-да. Вазият шу даражага бориб етдики, Аргентина термаси ютқазса, мухлислар “Месси мағлуб бўлди, Месси айбдор”, дейишгача боришди. Айни шу жиҳат Мессини тушкунликка тушириб қўйди. Агар унинг ўрнида бошқа бир ўртамиёна футболчи бўлганида, эҳтимол, мағлубият таъсир қилмасди ёки ўша ўртамиёна футболчи мен термадан кетаман, деганида бунчалик шов-шув кўтарилмасди. Лекин Лионел Месси бутунлай бошқа масала...
Тасаввур қилинг, зиммангизга юкланган вазифани бажара олмадингиз, ваҳоланки, минглаб, керак бўлса миллионлаб кўзлар сизга ғазаб, нафрат, беписандлик билан тикилиб қолди. Хўш, ўзингизни қандай ҳис қиласиз? Барига қўл силтаб кетгингиз келади, тўғрими? “Э, шу иши бошидан қолсин, буларнинг ишончини оқлолмасам, ўйнаб нима қиламан?” дейсиз, шундайми? Бундай ҳолларда, аслида, масъулиятни ҳис қилган одам бепарво юриб кета олмайди. Виждони қийналади, ўзини ўзи койийди, атрофдагиларга вазифасини эплай олмагани учун чин дилдан пушаймон эканлигини билдиришга интилади. Месси ҳам худди ана шундай жараённи бошидан кечирди. Бу қанчалик изтиробли эканлигини билиш учун финалда мағлуб бўлиш керак, яна қаторасига тўртинчи марта. Қолаверса, бунинг учун, аввало, Мессининг даражасига етиш керак. Бу эса ҳар кимнинг ҳам қўлидан келавермайди.
ҚАНИ, ЙЎЛДАН ҚОЧИНГ, МЕССИ КЕЛЯПТИ!
Америка кубоги финалидаги мағлубият бошқа бир шов-шувли ҳолатни юзага келтирганидан хабарингиз бор. Яъни мағлубиятни ҳазм қила олмаган ҳужумчи Лионель Месси Аргентина термасидан кетишга қарор қилди. Аммо яқинда у қарорини ўзгартирди, терма жамоанинг янги бош мураббийси уни қароридан қайтишга кўндирди. Табиийки, бу Лионел Месси атрофида турлича яхши-ёмон гаплар болалашига сабаб бўлди. Биз эса Лео билан боғлиқ вазиятга холис ёндашишга қарор қилдик.
ТЕРМАДАН КЕТИШ ҚАРОРИ ТЎҒРИМИ?
Кўпчилик Леонинг “Терма жамоадан кетаман!” деган қарорини қўрқоқликка, турли танқидлардан қочишга йўйди. Бизнингча, бу қўрқоқлик эмасди. Нега айнан Лионел Месси шундай қарорга келди? Чунки Аргентина терма жамоасидаги энг катта масъулият айнан Мессининг елкасига тушганди. Албатта, беш марта олтин тўпни қўлга киритган футболчи термасида энг юлдуз ўйинчига айланади-да. Вазият шу даражага бориб етдики, Аргентина термаси ютқазса, мухлислар “Месси мағлуб бўлди, Месси айбдор”, дейишгача боришди. Айни шу жиҳат Мессини тушкунликка тушириб қўйди. Агар унинг ўрнида бошқа бир ўртамиёна футболчи бўлганида, эҳтимол, мағлубият таъсир қилмасди ёки ўша ўртамиёна футболчи мен термадан кетаман, деганида бунчалик шов-шув кўтарилмасди. Лекин Лионел Месси бутунлай бошқа масала...
Тасаввур қилинг, зиммангизга юкланган вазифани бажара олмадингиз, ваҳоланки, минглаб, керак бўлса миллионлаб кўзлар сизга ғазаб, нафрат, беписандлик билан тикилиб қолди. Хўш, ўзингизни қандай ҳис қиласиз? Барига қўл силтаб кетгингиз келади, тўғрими? “Э, шу иши бошидан қолсин, буларнинг ишончини оқлолмасам, ўйнаб нима қиламан?” дейсиз, шундайми? Бундай ҳолларда, аслида, масъулиятни ҳис қилган одам бепарво юриб кета олмайди. Виждони қийналади, ўзини ўзи койийди, атрофдагиларга вазифасини эплай олмагани учун чин дилдан пушаймон эканлигини билдиришга интилади. Месси ҳам худди ана шундай жараённи бошидан кечирди. Бу қанчалик изтиробли эканлигини билиш учун финалда мағлуб бўлиш керак, яна қаторасига тўртинчи марта. Қолаверса, бунинг учун, аввало, Мессининг даражасига етиш керак. Бу эса ҳар кимнинг ҳам қўлидан келавермайди.
МЕССИ ҚЎРҚОҚЛИК ҚИЛДИМИ?
Месси танқидлардан қўрққани учун терма жамоадан кетиш ҳақида гап тарқатди, қабилидаги фикрларни кўп бора эшитдик. Ҳатто ўзимиз ҳам шу фикрга ишониб қолгандек эдик. Бироқ ойнанинг иккинчи томонига назар ташлаб, Мессининг танқидлардан қочишига асос борлигига ишонч ҳосил қилдик.
Инсон ҳаётда ҳеч нарсадан қайтмаслиги, ҳеч нарсадан тап тортмаслиги учун йўқотадиган нарсаси бўлмаслиги керак. Мессининг эса йўқотадиган нарсаси жуда кўп. Энди тасаввур қилинг, агар Месси “Терма жамоадан кетаман!” демаганида, ўзингиз билганингиздек, бутун дунё уни ёмонларди. “Месси ҳеч нарсани эплай олмади”, “Аргентинага фойдаси тегмади, энди терма жамоага керак эмас”, “Мессининг қўлидан ҳеч нарса келмайди”, қабилидаги ва ҳатто бундан ҳам ҳақоратомуз гаплар тинимсиз янграрди. Ана шунда Лионел Мессининг обрўси тупроққа қоришарди. У Аргентина терма жамоаси билан финалда ютқазгани учун эмас, Лионел Месси бўлгани учун. Кўпчилик Аргентина терма жамоасининг мағлуб бўлганини эмас, Мессининг мағлуб бўлганини гапирарди. Хуллас, Лео бир зумда иқтидорсиз, фойдасиз, керакциз ўйинчига айланиб қолиши мумкин эди мухлислар наздида. Бу эса бугунги кунда бутун дунёнинг эътиборини ўзига тортган футболчи учун чинакамига даҳшатли зарба бўларди. Шу боисдан Мессининг тутган йўлини оқлаймиз. Эҳтимол, у танқидлардан қочиб, қўрқоқлик қилгандир, аммо айни дамда бошқа чораси йўқ эди. Месси ўз вақтида терма жамоадан кетиши ҳақида маълум қилди ва ўз-ўзидан асосий мавзу “Аргентинанинг мағлубияти”дан “Мессини термага қайтариш”га ўзгарди. Бутун дунё (айниқса, Мессини ёмон кўрадиганлар) Леони ёмонлашга чоғланиб турганида аксарият мухлис ва мутахассислар Мессидан қарорини ўзгартиришини сўраб ялина бошлашди. Ҳатто терма жамоа раҳбарияти, мамлакат президенти ҳам футболчидан термага қайтишини илтимос қилди. Бундан кўриниб турибдики, чиндан ҳам Месси Аргентина учун муҳим аҳамиятга эга. Ниҳоят, Аргентина терма жамоасига янги бош мураббий тайинлангач ва Месси бу мутахассис билан суҳбатлашиб олгач, қарорини ўзгартирди.
МЕССИ, БАРИБИР, ТЕРМАГА ҚАЙТАРДИ!
Бизнингча, янги бош мураббий билан гаплашмаган тақдирда ҳам, Месси, барибир, терма жамоага қайтарди. Чунки у фидоий футболчи. Кўпчилик Мессини терма жамоа сафида клубдагидек ўйнай олмасликда айблайди. Бу нотўғри. “Барселона”да тактика Мессининг ўйин услубига асосланган. Шу боис Лео клуб ўйинига тезда мослашиб кета олади. Аргентина терма жамоасида эса ўзгача ҳолат. Бу ерда турли клубларда турлича тактика асосида тўп сурадиган футболчилар йиғилган ва табиийки, уларнинг “тил топишиб” ўйнаши осон кечмайди. Эҳтимол, шу боис терма жамоанинг собиқ бош мураббийси Херардо Мартино футболчиларнинг бошини қовуштира олмагандир, шу туфайли ғалабага эриша олмагандир. Айнан шу омил Леонинг термадаги ўйинлари у қадар яхши чиқмаётганига сабаб бўлмоқда. Бундан шундай хулоса келиб чиқадики, муаммо Мессида эмас, мураббийда. Мураббий шунақа тактика ўйлаб топсинки, Месси, Агуэро, Ди Мария, Игуаин каби турлича тактикага ўрганган футболчилар яхлит бир услуб асосида ҳаракат қилишсин. Мураббий шундай тактика ўйлаб топсинки, Месси бошқа футболчиларнинг, бошқалар эса Мессининг қандай ҳаракат қилишини олдиндан билишсин. Ана шунда Аргентина термаси Месси учун иккинчи “Барселона”га айланади. Ана шунда биз ғолибларга алам билан термилиб, қайғу кўз ёшларини тўкиб турган Мессини эмас, бош совринни боши узра баланд кўтариб, қувонч кўз ёшларини тўкиб турган Мессини кўрамиз.
Хуллас, энди ҳаммаси ўзгарди. Аргентина терма жамоаси ва Лионел Мессининг мухлислари хотиржам бўлишди. Бу сафар барчаси ҳақиқат — Месси терма жамоага қайтди. Умид қиламизки, бу сафар биз умуман бошқа Мессини кўрамиз. Келинг, уни танқид қилишдан тўхтайлик-да, Аргентинанинг мард ўғлонини қўллаб-қувватлашда давом этайлик.
Муаллиф: Илҳом
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
