“Атлетико” бошқарувида 14-мавсумини бошлаган президент Энрике Серезо ушбу ёзги трансферларда кучайтирилган таркибдан жуда хурсанд эканини билдирди.
- “Атлетико”нинг ушбу мавсумдаги таркибини қандай баҳолаган бўлардингиз?
- Бу жуда ажойиб жамоа. “Атлетико”нинг бу таркибини сўнгги йиллардаги энг яхши таркиб деб ҳисоблайман.Таркиб ҳақиқий профессионаллар, муваққақиятга интилувчи инсонлар, буюк футболчиларга тўла.
- “Атлетико” ушбу трансфер мавсумида испан клублари ичида энг кўп маблағ сарфлаган жамоа. Харидлар учун 80 млн евродан ортиқ сумма сарфланди.
- Биз мураббийлар фикрига доим қулоқ тутамиз. Шу сабаб кучайтирилиши талаб этилган позицияларга футболчиларни харид қилишга ҳаракат қилдик. Бироқ бизнинг бюджет доирасидан четга трансферларни амалга оширмаймиз.
- Кевин Гамейро – ёзнинг бош харидими?
- Гамейро – ажойиб футболчи, биз уни харид қилганимиздан хурсандмиз. Кевин “Атлетико”га ўтишни истаганди, шундай экан, у бизнинг сафимизда эканлиги ажойиб. У ўтган мавсумда “Севиля” таркибида 30 гол уриб, қандай футболчи эканини кўрсатиб берганди.
- Гайтанни харид қилишни Симеоне талаб қилганмиди?
- Биз бирор футболчи билан музокарага киришишдан олдин албатта мураббий билан маслаҳатлашамиз. Европанинг бир қатор топ-клублари Гайтанни харид қилишни истаган эди. У Аргентина таркибида Копа Америкада порлади, ўтган мавсумда “Висенте Калдерон”да “Атлетико”га қарши энг кучли ўйин кўрсатган футболчилардан бири бўлди.
- Лусиано Ветто кутилмаганда“Севиля”га кетди. Ахир у учун ўтган 22 млн евро тўланганди.
- Биз униетарли ўйин амалиётига эга бўлиши учун ижарага бердик. Ишончим комил, у Ла Лиганинг юлдузларидан бирига айланади ва албатта “Атлетико”га қайтади.
- Чемпионлар лигаси финалидан кейин Симеоне клубни тарк этади деган миш-мишлар тарқалганди...
- У биз билан узоқ вақт қолади деган умиддаман. Бу ерда Диегони ҳамма қўллаб-қувватлайди. Футболчилардан тортиб, мухлисларгача. У ишга қаттиқ берилган ва тинмай меҳнат қилмоқда. Бу клуб учун яхши ҳолат. Симеоне – дунёнинг энг кучли мураббийи.
- Фернандо Торрес “Атлетико”да қоладими?
- Албатта, ахир унинг танасида “Атлетико” қони оқади.
- Антуан Гризманнинг супермавсуми ҳақида ҳам тўхталсангиз.
- У гений. Ишончим комил, бу йил Антуан “Олтин тўп”га даъвогарлик қилади. Гризманн узоқ йиллар мухлисларимизни хурсанд қилади деган умиддаман.
- “Атлетико” келаётган мавсумдаги режаси қандай?
- Биз барча совринлар учун – Ла Лига, Копа дель Рей ваЧемпионлар лигаси ғолиблиги учун курашмоқчимиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
