Польшанинг "Катовице" клуби яримҳимоячиси Доминик Кошовский рақиб жамоа ишқибозлари ҳужуми оқибатида оламдан ўтди, дея хабар беради 101greatgoals.com.
Якшанбадан душанбага ўтар кечаси Катовице шаҳри темирйўл станцияси яқинида бир гуруҳ эркак футболчига ҳужум қилишди. Футболчи отаси билан сайр қилаётган эди. 19 ёшли Кошовский бир нечта пичоқ зарбаси туфайли шифохонага олиб кетилаётган вақтда жон топширди. Унинг отаси ҳам жабрланган, аммо унинг ҳаёти хавф остида эмас.
Полиция гумонига кўра, ҳужум уюштирганлар "Катовице"га рақиб бўлган жамоа ишқибозлари бўлиб турибди. Суриштирув жавом тмоқда ва ҳозирда уч нафар 19-20 ёшли гумондорлар қўлга олинган.
Кошовский "Катовице"га 9 ёшида келган, шундан буён жамоанинг ўсмирлар ва ёшлари сафида ўйнаб келаётган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).