Ўзбекистон миллий терма жамоаси 2018 йили Россияда бўлиб ўтадиган жаҳон ченмпионати йўлланмаси учун саралашининг учинчи босқичини ғалаба билан бошлади. Терма жамоамиз Мундиалга боришни истар экан, гуруҳдаги асосий рақиблардан бири бўлган Қатарни мағлуб этиши талаб этилади.
Ўз навбатида Қатар илк турда Эронга ютқазгани сабабли, бугун ўз майдонида Ўзбекистон билан бўладиган ўйинда 3 очкони қўлга киритиш учун жон-жаҳди билан ҳаракат қилади. Ҳар иккала жамоанинг асосий мақсади 3 очко экан, келинг, термаларнинг имкониятларини чамалаб кўрамиз.
Тан олиш керак, Сурияга қарши ўйинда Самвел Бабаян шогирдлари нурсиз ўйин кўрсатишди. Бахтимизга рақиб у қадар кучли эмасди ва иккинчи бўлимда ғалабани илиб кетишга муваффақ бўлдик. Аммо бу галги рақиб — Қатар. Умид қиламиз, 1-турдаги баҳс терма жамоамиз учун ҳар томонлама тайёргарлик вазифасини ўтаб берди. Футболчилар бир-бирларини яхши тушуниб олишди, жисмоний тайёргарлик юқорироқ савияга кўтарилди. Энди қолгани мураббий танлайдиган тактикага боғлиқ.
Бир нарсани тахмин қилиш мумкинки, бу учрашувда кам хато қилган жамоа ғалаба қозонади. Мезбонлар ўйин бошиданоқ катта куч билан олдинга ташланади. Улар таваккал қилишга мажбур. Шундай паллада жамоамиз ҳимояда бехато ҳаракат қилиб, рақибни иложи борича кўпроқ тўпсиз ўйнашга мажбур этса, рақибнинг тартибли ўйини ва руҳиятини издан чиқарса, бизда ғалаба учун имкониятлар пайдо бўлади. Шунингдек, терма жамоаларнинг стандарт вазиятлардан қай тариқа фойдалана олишига кўп нарса боғлиқ. Сурия билан ўйинда термамиз бурчак ва жарима тўпларидан самарали фойдалана олмади. Мураббий буни сезган ва машғулотларда футболчилар билан бунинг устида ишлаган бўлиши керак.
Бир жиҳат ўзбекистонликни хурсанд қилади, учрашув бўлиб ўтадиган Жассим бин Ҳамад стадионида кондиционерлар ишлаши туфайли ўйингоҳдаги ҳарорат 24-25 даражани ташкил қилмоқда. Бу нарса терма жамоамизни жиддий муаммодан халос қилади. Акс ҳолда Қатарнинг 40 градус иқлимида футбол ўйнашнинг ўзи бўлмасди.
Қатар ва Ўзбекистон ўртасидаги баҳс бугун Тошкент вақти билан 21:00да бошланади. Учрашув "Спорт" канали орқали жонли трансляция қилиниши режалаштирилган.
Ўзбекистон терма жамоасининг тахминий таркиби:
Дарвозабон: Александр Лобанов
Ҳимоячилар (ўнгдан чапга): Ислом Тўхтахўжаев, Егор Кримец, Анзур Исмоилов, Виталий Денисов
Ярим ҳимоячилар: Сардор Рашидов, Одил Аҳмедов, Жавоҳир Соҳибов, Элдор Шомуродов, Сервер Жепаров
Ҳужумчи: Игорь Сергеев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Аталанта
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
