Испания чемпионати ёзги трансфер ойнасида бир қатор шов-шувли харидларни амалга оширди. Қуйида хориждан сотиб олинган энг яхши футболчилар тарнсфери билан танишасиз.
Алваро Мората. «Ювентус»дан «Реал Мадрид»га. 30 млн евро.
Зиданнинг таркиб борасида янгона муаммоси Карим Бенземага муносиб рақобатдош топиш эди. «Реал» бу муаммони осонлик билан ҳал қилди. Италияда порлаган ўз тарбияланувчисини Мадридга қайтарди.
Нико Гайтан. «Бенфика»дан «Атлетико»га. 25 млн евро.
Диего Симеоне 28 ёшли бу футболчини Арда Туроннинг ўрнида кўришни истади. Трансфер бир йил кечикиб амалга ошган бўлса-да, аргентиналик футболчи универсаллиги билан турк футболчисининг Мадрид жамоасидаги етишмовчилигини қоплаш кучига эга.
Самюэл Умтити. «Лион»дан «Барселона»га. 25 млн евро.
«Барселона» мухлислари узоқ орзу қилган марказий ҳимоячи. Ҳа, ўша, ишончли, кучли, умидли ҳимоячи.
Эзекиэл Гарай. «Зенит»дан «Валенсия»га. 20 млн евро.
Ҳимоядаги асосий футболчиларини сотиб юборган «Валенсия» трансфер ойнасини қандайдир харид билан ёпиши керак эди. Сўнгги дақиқалардан Россия лигасидан номзод топилди. Ҳарқалай анча номдор ҳимоячи, валенсияликларга асқотиши аниқ.
Люка Дин. «ПСЖ»дан (ўтган мавсумни “Рома”да ижара ўтказган) «Барселона»га. 16.5 млн евро.
Алба учун муносиб рақобатчи. Мавсум оралиғида Люка Дин янги таклиф этилганлар ичида энг ёрқин ўйин кўрсата олди.
Франко Васкес. «Палермо»дан «Севиля»га. 15 млн евро.
Ўз вақтида Пауло Дибалага муносиб тандем бўла олган бу футболчи муқаддам Испанияда – «Райо»да тўп сурган. Дастлабки таассуротларга кўра, бу футболчи Сампаолининг «Севиля»сига мос келади.
Роберто Сориано. «Сампдория»дан «Вилярреал»га. 14.1 млн евро.
Бир йил аввал бу футболчи «Наполи» аъзоси бўлиши керак эди, аммо сўнгги паллаларда трансфер амалга ошмай қолди. «Сампдория»да бир йил ушланиб қолган футболчи энди Ла Лига жамоасига қўшилди.
Гансо. «Сан-Паулу»дан «Севиля»га. 9.5 млн евро.
Ўз вақтида «Сантос»да тўп сурган бу футболчини Неймардан кам муҳокама қилишмасди. Маълум муддат у омма назаридан четда қолди, мана яна у жиддий клубда пайдо бўлди. Аввалги Гансо пайдо бўлса, Ла Лигада яна бир иқтидор эгасининг ўйинидан баҳра оламиз.
Нани. «Фенербахче»дан «Валенсия»га. 8.5 млн евро.
30 ёшли португалиялик футболчига жуда катта масъулият юкланади бу мавсум. Энди у «Валенсия» етакчиларидан бири.
Алешандре Пато. «Коринтианс»дан «Вильярреал»га. 3 млн евро.
Энди 27 ёшга кирган бўлсада, футбол майдонида фахрийлардан бирига айланган Пато ўзлигини қидиришда давом этяпти. Италиядан кетиб, Бразилия, Англияда ўйнади. Энди эса Ла Лигага умид билан келди. Балки унинг иккинчи ёшлигини шу ерда кутиб олармиз?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
