Ўзбекистон ўсмирлар терма жамоаси Осиё чемпионатидаги иштирокини ғалаба билан бошлади. Футболчиларимиз хатоларга бой, мураккаб ўйинда Таиландни мағлуб этишди.
Ўйиннинг иккинчи дақиқасидаёқ гол ўтказиб юбордик. Ҳимоячимиз кутилмаганда майдон марказида йиқилиб тушди. Натижада Жиннават дарвозабон билан юзма-юз чиқиб, совуққонлик билан дарвозани ишғол этди.
24 дақиқада рақиб ҳимоячиси жарима майдони ичида қўли билан ўйнади. Абубакр Мўйдинов пенальтини аниқ амалга ошириб, ҳисобни тенглаштирди – 1-1.
Бўлим охирида яна бир бор пенальтидан гол урдик. Бу сафар Расул Йўлдошев уни аниқ амалга оширди – 2-1.
Иккинчи бўлимнинг дастлабки дақиқаларида дарвозабонимиз Неъматов рақиб ҳужумчисини чалиб йиқитган эди. Аммо у ўз хатосини тўғирлаб, Сонгвутнинг пенальтидан йўллаган зарбасини қайтарди!
58-дақиқада чап қанотда белгиланган жарима зарбасидан Абдуллаев тўпни жарима майдонига йўлланганида, Вудчитай уни боши билан ўз дарвозасига йўллаб қўйди – 3-2.
Бироқ, шу заҳотиёқ Таиланд ҳисобни қисқартирди. Ҳимоячиларимизнинг хатосидан фойдаланган Арнон яқин масофадан дарвозамизни аниқ нишонга олди 3-2.
82-дақиқада ўнг қанотдан жарима майдонига ёриб кирган Мардон Абдуллаев ўткир бурчак остидан гол урди – 4-2.
88-дақиқада футболчиларимиз чиройли комбинация уюштиришди. Ўнг қанотдан жарима майдонига ёриб кирган Ўрунов тўпни Йўлдошевга етказди. У эса яқин масофдан бўш қолган дарвозани аниқ нишонга олди – 5-2.
Ўйин якунида ҳимоядаги хатодан сўнг Арнон ҳисобни қисқартира олди.
Осиё чемпионати U16.
Ўзбекистон – Таиланд 5:3 (2:1)
Голлар: А.Мўйдинов (24 пен), Р.Йўлдошев (45+2 пен, 88), Вудчитай (58 автогол), М.Абдуллаев (82) – Жиннават (2), Арнон (60,90)
Амалга оширилмаган пенальти: Сонгвут (52, дарвозабон)
Ўзбекистон U-16: 21.Абдувоҳид Неъматов, 17.Абубакир Мўйдинов, 4.Ихтиёр Холдоров, 19.Ислом Каримов (5.Муҳаммадали Номозов, 62), 6.Мардор Абдуллаев, 7.Остон Ўрунов, 8.Ғайрат Азизхўжаев (18.Шуҳрат Неъматов, 54), 10.Расул Йўлдошев, 9.Баҳром Соатов, 11.Асадбек Собиржонов, 15.Дониёр Абдуманнопов (23.Бурхон Ҳасанов, 69).
Таиланд U-16: 1.Вуттхипонг, 2.Саравут (16.Сомсак, 28), 4.Сонгвут, 5.Вудтичаи, 7.Понгравит (9.Арнон, 46), 10.Хассават, 12.Нититорн, 13.Жиннават, 17.Пирапат, 20.Пичитпон, 21.Рачата (14.Паттхадон, 72).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
