Фарғона вилояти Кубоги ғолиби аниқланди. Фарғона футбол федерацияси томонидан ташкил этилган мазкур мусобақа олимпия тизимида ўтказилиб унда 16 та жамоа иштирок этди. Бир ўйинда ғалаба қозонган жамоалар кейинги босқичга йўлланма олишди.
Дастлабки икки босқичдан эсон-омон ўтган тўрт жамоа эса финал учун кураш олиб боришди.
Биринчи ярим финалда “Бешариқ” ва Рошидон ФК” жамоалари майдонга тушишди. Ўйин тенг куршалар остида бошланганига қарамай, биринчи бўлимда бешариқликлар учта гол киритишга муваффақ бўлишди. Иккинчи бўлимда таркибда бир қатор ўзгаришларни амалга оширган риштонликлар пенальтидан ҳисобни бироз қисқартиришди. Аммо иккинчи бўлим ўрталарига келиб майдон эгалари тўртинчи голга муаллифлик қилишди. Якуний ҳисоб – 4:1. “Бешариқ” финалга йўл олди.
Иккинчи ярим финал баҳси жуда қизиқарли тўс олди. “Истиқлол” стадионидаги сўнъий майдонда ўтказилган “Истиқлол” – “ФарДу” баҳсида бешта гол киритилди. Голларга бой бўлган баҳсда “Истиқлол” 3:2 ҳисобида ғалабага эришди ва финалга йўл олди.
29 сентябрь куни эса Фарғонадаги “Истиқлол” стадионида мусобақанинг ҳал қилувчи ўйини ўтказилди.
Финал баҳсида “Истиқлол” ва “Бешариқ” жамоалари куч синашишди. Бу йил ўз олдига жиддий мақсадларни қўйган “Истиқлол” жамоаси ўйинда катта ташаббусга эга бўлди ва голларга бой бўлган баҳсда 5:2 ҳисобида ғалаба қозониб, вилоят кубоги соҳибига айланди.
Шундай қилиб, “Истиқлол” жамоаси 5-12 октябрь кунлари Бухоро мезбонлик қиладиган вилоят Кубоги соҳиблари ўртасидаги мусобақанинг финал босқичида иштирок этади.
Ғолиб жамоа биринчи лигага йўлланма берувчи “пулька” баҳсларида қатнашиш имкониятига эга бўлади. ПФЛ мазкур мусобақа учун клубларнинг бадал пулини 2 100 000 сўм қилиб белгилаган.
Фарғона вилояти Кубоги баҳсларида қайд этилган натижалар билан танишинг:
1/8 финал
БЎСМ-99 – Рошидон – 0:2
Ёшлик – Зафар – +:-
Фидокор – Қўқон-1912 – 1:1 (пен сер 4:2)
Фурқат – ФарДУ – 3:8
Нефтчи -2 – Нефтчи Фарм клуб – 1:1 (пен.сер 6:5)
Тошлоқ – Бешариқ – 3:4
Марғилон ФК – ФНПЗ – 0:2
Бувайда – Истиқлол – 2:5
Чорак финал
Рошидон – Фидокор – 4:1
Истиқлол – Ёшлик – 6:2
Нефтчи-2 – ФарДУ – 1:5
Бешариқ – ФНПЗ – 2:1
Ярим финал
Бешариқ – Рошидон – 4:1
Истиқлол – ФарДУ – 3:2
Финал
Истиқлол – Бешариқ – 5:2.
Аброр Деҳқонов.
“Футбол Экспресс” газетасидан олинди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
