Футбол-бу ўзига хос спектакль. Ундаги футболчию, ҳакамлар-актёрлардир. Футболда шундай футболчилар борки, худди уларнинг иштирокисиз футбол ўзига хос қандайдир нарсасини йўқотгандай бўлади. Айнан бир футболчини спектакилини кўриш учун ҳам мухлислар стадионга ёки телевизор қаршисига ошиқадилар. Яна шундай футболчилар борки, уларсиз, тоғрироғи уларнинг майдондаги ва ундан ташқаридаги ҳаракатларисиз футбол-мазасиз таомдай гап. Бугунги мақоламизда футбол оламида ўз ўрнига эга, ўз харакатлари билан футболга ўзгача жило берадиган футболчилар ҳақида маълумот берамиз.
Златан Ибрагимович
Ҳозирги футболнинг энг ёрқин намоёндаларидан бири бўлган Швед ўғлони Златан Ибрагимович нафақат ўз ўйинлари орқали, балки ўзига хос ва мос характери сабабли ҳам кўплаб мухлисларнинг эътиборида юради. "Каратечи” табиатан эгоист, тўпори, ўзига бино қўйган, бироқ айтган гапини уддасидан чиқадиган кам сонли футболчилардан бири ҳисобланади. Биласизми, Златанни бундай аташимиз унинг мухлисларининг жиғига тегиши аниқ. Шу ўринда айтиб ўтиш керак, камина ҳам Златаннинг ҳақиқий ишқибози. Бироқ, тан олайлик юқорида келтирилган мисоллар айни ҳақиқат. Айнан мана шундай характери учун ҳам уни футболдаги ўрни бўлакча. Кимсан Гвардиолани матбуотда савалаш хар кимнинг ҳам қўлидан келмайди. У-аҳмоқнинг ўзгинаси. Тасаввур қилинг сизда феррари бор, бироқ сиз худди фиатни бошқаряпсиз деган эди Златан интервьюларининг бирида. Қолаверса, Ибра қайси чемпионатда тўп сурмасин, уларнинг барчасида қўлга киритиш мумкин бўлган ҳамма мукофотларни ўзиники қилди. Голландия, Швеция, Испания, Франция, Италия чемпионатларида қўлга киритилган совринлар бугун Златаннинг шахсий коллекциясини безаб турибди. Мана яқиндагина уларнинг орасига Англия суперкубоги ҳам қўшилди. Навбат эса Англия чемпионлиги. Бу Златаннинг асосий мақсади. Афсуски, мана шундай футбол даҳосига олтин тўпни олиш насиб этмаган. У айнан мана шу ҳолат тўғрисида шундай деган: - «Мен олтин тўпни оламанми,йўқми,буни фарқи йўқ.Мен шундоқ ҳам барчасини исботлаб қўйганман.»
Марио Балотелли
Сўнгги пайтларда анча тарбияланиб қолган «супермарио» аста-секин ўзининг юқори спорт формасига қайтмоқда. Бир муддат муқаддам, «Марсел” га қарши бўлиб ўтган учрашувда »Нитса” сафида дубл қайд этгани гапимизга исбот бўлади. Футболчилик фаолиятининг бошларида, «Интер” сафида ўзининг хурмача қилиқлари орқали футбол оламида шов-шув кўтарган Бало тунги клублару, казиноларни канда қилмади. 2009 йил, октябрь ойидаги »Палермо” га қарши баҳсда Марио 2 та гол уриб, 2 та голга асистентлик қилиб, пеналти ишлашга мувофақ бўлади. "Интер” нинг ўша пайтдаги пеналти тепувчиси ҳисобланган Этўо 11 метрлик нуқтага яқинлашганида эса Бало ундан тўпни тортиб олади ва икки футболчи ўртасида даҳанаки жанг бошланади. Яхшиямки, Занетти ўз пайтида муаммони ҳал этади. Бундан ташқари, Супермарио ҳақида Жозе Моуринё ҳам фикр билдирган. - «Марио-ҳақиқий истеъдод соҳиби. Аммо унинг психология билан муаммолари бор. »Интер” ни бошқарган вақтимда, қайсидир учрашувнинг 1 тайми тугагач, мен Мариони ёнимга чақириб, унга қўпол ўйнамасликни, ўзини босиб олиши кераклигини, сариқ карточка керак эмаслигини уқтирдим. Тасаввур қиляпсизми, мен 15 дақиқа танаффусни Марио билан суҳбатга ажратдим. Натижа эса қандай бўлди дейсизми? Марио 46 дақиқадаёқ қизил карточка олиб майдонни тарк этди."
Балотеллининг фаолиятидай хурмача қилиқлари жуда кўп бўлган. "Манчестер Сити” сафида тўп тепиб юрганида ёшлар жамоасидаги футболчиларга дротик улоқтириш, кимсан жамоа устози Роберто Манчинига ҳам қулоқ солмай, урушиш қахрамонимизга чўт эмасди. Бир пайтлари олтин тўпга мен лойиқман, ҳозирги пайтда фақатгина Месси мендан кучли, қолганлар класс бўйича мендан орқадалар деган гаплари билан кўпчиликни кулдирган Марио ҳозирда ўз хатосини тушунгандек тўп тепмоқда. Нима ҳам дердик, орзуинга ет Бало.
Марко Арнаутович
Ҳозирда «Сток Сити” дек ўртамиёна жамоада тинчгина ўйнаб келаётган Марко Арнаутовични бу рўйхатда кўриб ажабланманг. Сабаби, у вақтида тўпалончилар рўйхатида кимсан Балотеллини ҳам орқада қолдирган. Ҳаммасига Марконинг ғалати характери сабабчи. »Австриялик Ибрагимович” ёшлар жамоасида ўйнаган пайтларида худди катта футболчилардек мураббийлару, Ҳакамлар билан тортишар, керак бўлса майдонни ўзида ҳам очиқчасига жангга киришиб кетарди. У ҳақида ёшлар мураббийи қуйидагича фикр билдирган: - "Марко психолог қабулига ёзилиши керак. Унда психология томондан яхшигина муаммолар бор”. Кўп ўтмай Марко ўзига «Интер” сафидан жой топди. Ва бу трансферга ҳам қуйидаги фикрни қўшиб қўйди. »Нерадзуррилар” сафига ўтишим қийин кечмади. Мен шахсан Моуринёнинг илтимоси билан шу ердаман”. Чиндан ҳам, айнан ўша пайтларда Арнаутович юксак иқтидор соҳиби ва шу билан биргаликда оммавий ахборот воситаларининг асосий ўлжаларидан бири сифатида эътироф этиларди. Моуринё ҳам Марко ҳақида қуйидагича изоҳ билдирган. - "Австриялик Ибрагимович”? Менимча у кўпроқ Балотеллига ўхшайди. Ва афсуски бу икки юлдуз айнан менинг жамоамда тўп суришади”. 2010 йилнинг ёзига келиб Марко 6,5 млн евро эвазига «Вердер«га кўчиб ўтди. Афсуски, Германияда ҳам Арнаутович ўзидан фақат салбий таассурот қолдирди. Ўша вақтдаги »Вердер» устози Томас Шааф жамоага қандай типдаги футболчи келганидан бехабар эди. Бир кун машғулотлар жараёнида Арнаутович тўсатдан реклама шитига тўп билан зарба беради. Мураббий уни дарҳол жазолашга ўтади. Сал ўтиб қулоқсиз Марко бу ишини яна такрорлайди ва шунда Томас Шааф уни машғулотлардан четлаштиради. Эвазига эса Арнаутович жамоа устозини аямай матбуотда савалайди. - «Сен мени маошимдан айирилиб, уни қаримдошчаларинга тарқатишинг мумкин қари тўнка!». Айнан мана шу сўзлар орқали у немис клубидан ҳам жайдалади. Марконинг яна бир оламшумул ҳаракати йўл қоидаси назоратчиси билан содир бўлади. Йўлда катта тезликда босиб келаётган Арнаутовичдан назоратчи ҳужжатларни сўраганида, Марко унга Мени пулим шу қадар кўпки ҳатто сени бутун ҳаётингни ҳам сотиб оламан дея дағдаға қилади. Ва айнан шу қилмиши учун матбуотда етарлича танқид қилиниб, суд олдида жавобгарликка тортилади. Ха, бир вақтлар "Австриянинг янги юлдузи” дея эътироф этилган Марко Арнаутович қиз фарзандлик бўлгач мана шу каби жинниликларга нуқта қўйди. Энди у ўзини қандай кучли футболчи эканлигини кўрсатиш учун тинмай меҳнат қилмоқда.
Жоуи Бартон
Фикримизча, қаҳрамонларимиз орасидаги энг тўпориси ва ҳалиям тарбияланмагани Жоуи Бартон бўлса керак. Бартон "Манчестер Сити” сафида ўйнаб юрган кезларидаёқ ўзининг қандай характерга эга эканлигини кўрсатиб бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
