Бугун “Насаф” футбол мактаби стадионида Ўзбекистон Биринчилиги 31-тур доирасидаги “Насаф-2“ ва Тошкентнинг “НБУ-Осиё” жамоалари ўртасида учрашув бўлиб ўтди.
“Насаф-2” жамоамиз ушбу турда ҳам ғалаба қозонса, очколари сонини кўпайтириб, турнир жадвалидаги ўз мавқиени анча яхшилаб олиши мумкин эди. Аммо...
Учрашувнинг биринчи бўлими 8-дақиқасидаёқ “НБУ-Осиё” жамоаси ҳисобда олдинга ўтиб олди. Ҳимоячиларимизнинг қўпол хатосидан унумли фойдаланган, Ҳусан Расулов гол муаллифига айланди – 0:1. Кутилмаган голдан ўзига келгунча меҳмонлар яна бир марта дарвозамизни ишғол қилишга эришди. Бу сафар ҳимоячиларимиз меҳмон жамоа футболчиларига муносиб қаршилик қилишга ожизлик қилишди. Натижада Орифжон Абдуғаниев 22-дақиқада ўз жамоасининг учрашувдаги иккинчи голини киритишга муваффақ бўлди – 0:2.
Бу голлардан кейин жамоамиз ўйинчилари ўз ўйинларини ижобий томонга ўзгартиришга эришди. Ҳисобни тенглаштириш учун кетма-кет ҳужумлар уюштиришди. Учрашув 43-дақиқасида рақиб жамоа ҳимоячилари жарима майдони ичида Жавоҳир Ашуровни чалиб йиқитишди. Учрашув ҳаками жамоамизга 11 метрлик жарима тўпи тепишни кўрсатди. Жаримани Шамсиддин Сагдуллаев бехато амалга ошириб, ҳисобни қисқартиришга эришди – 1:2.
Жамоалар ана шу ҳисобда танаффусга чиқиб кетишди.
Иккинчи бўлим мутлақо “Насаф-2” жамоаси футболчилари устунлигида ўтди. “НБУ-Осиё” жамоаси футболчилари ҳимояланишга мажбур бўлишди. Аммо бу устунлик ҳисобда акс этмади. Футболчиларимиз қанчалик уринишмасин Азамат Ахмедов қўриқлаётган дарвозани ишғол қила олишмади. Жамоамиз футболчиларидан омад ҳам юз ўгирди.
Шундай қилиб, “Насаф-2” жамоамиз ўз майдонида “НБУ-Осиё” жамоасига мағлуб бўлди. Жамоамиз навбатдаги тур учрашувини ҳам ўз майдонида ўтказади. Навбатдаги турда улар энди “Пахтакор-2” жамоасига қарши майдонда саф тортишади.
Ўзбекистон Биринчилиги, 31-тур. 12.10.2016 й.
“Насаф-2” (Қарши) – “НБУ-Осиё” (Тошкент) 1:2
“Насаф” ФМ стадиони. Соат 16:15да
Бош ҳакам: Исхах Ибрагимов (Нукус) – 8,2
Ёрдамчи ҳакамлар: Султонмурод Улфатов – 7,8, Ойбек Умаров -8,2(иккаласи ҳам Тошкент вилоятидан)
Захира ҳаками: Найим Қосимов (Қарши) – 9,0.
Назоратчи: Элбек Мусаев (Самарқанд)
Гол: Шамсиддин Сагдуллаев (пен.), 43’-1:2 - Ҳусан Расулов, 8’-0:1, Орифжон Абдуғаниев, 22’-0:2.
“Насаф-2”: 21.Жавоҳир Комилов (с), 5.Наврўзжон Изатиллаев, 9.Шамсиддин Сагдуллаев (27.Ойбек Бозоров 64), 10.Сирожиддин Еттибоев (8.Худоёрхон Сагдуллаев 55), 16.Ғолиб Ғайбуллаев, 17.Достонбек Бердиқулов, 19.Жавоҳир Ашуров, 20.Дилшод Саитов, 24.Илҳомжон Алижонов, 34.Шерзод Насруллаев, 42.Самандар Шукруллаев.
Захира: 1.Элшод Қодиров, 18.Жўрабек Маннонов, 22.Элбек Отақулов, 28.Шахбоз Эркинов, 33.Зийнатилло Икромжонов.
“НБУ-Осиё”: 1.Азамат Ахмедов, 2.Аббос Пўлатов, 3.Миршоҳид Олимов (5.Элдор Норбоев 90+3), 7.Сунатилло Саидов (15.Жавоҳир Абдуҳолиқов 70), 8.Ҳусан Расулов (20.Зикрилло Омонов 90+1), 9.Жавоҳир Омонов (23.Сойибжон Сафаров 42), 10.Анвар Раҳимов (с), 17.Орифжон Абдуғаниев, 18.Рустам Аъзамов, 21.Аваз Нематов, 77.Бегзод Рўзматов (11.Орифхўжа Абдухолиқов 83).
Захира: 91.Максим Криушев, 6.Фарҳод Бахтиёров.
Огоҳлантириш: Жавоҳир Комилов 21 – Сунатилло Саидов 21, Рустам Аъзамов 42, Сойибжон Сафаров 63, Бегзод Рўзметов 80, Азамат Ахмедов 90+4.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
