Бугун “Севинч” жамоаси ўз майдонида навбатдаги турни Олмалиқнинг “Олмалиқ W” жамоасига қарши ўтказди.
Учрашувда мезбонлар йирик 3:0 ҳисобида ғалаба қозонди. Жамоамизнинг бу ғалабаси мавсумдаги 17-ғалаба сифатида қайд этилди.
Учрашув кутилганидек жамоамизнинг яққол устунлигида бўлмади. Негадир футболчиларимизнинг бугунги учрашувнинг биринчи бўлими дастлабки дақиқаларида унчалик қовушмади.
“Олмалиқ W” жамоаси ҳам ўз ўрнида ҳимояда бехато ўйнашга ҳаракат қилди, улар нафақат ҳимояда балки майдон марказида ҳам футболчиларимизга яхшигина қаршилик кўрсата олишди.
Аммо тажриба борасида рақибларига нисбатан кучлироқ бўлган жамоамиз футболчилари бу қаршиликни енгишга йўл топа билди. Учрашувдаги дастлабки гол жамоамиз сардори ва тўпрари Зебо Жўраева томонидан 25-дақиқада киритилди. Тажрибали ҳужумчимиз ҳимоячилар хатосидан унумли фойдаланиб, ўз жамоасини ҳисобда олдинга олиб чиқди – 1:0.
Биринчи бўлимнинг қолган дақиқаларида футболчиларимиз меҳмонлар дарвоазсига бошқа йўл топа олишмади. Жамоалар шу ҳисоб билан танаффусга чиқиб кетишди.
Иккинчи бўлимда футболчиларимизнинг ўйини биринчи бўлимга нисбатан мазмунлироқ кўриниш олди. Энди кўпроқ тўп билан муомала қилишиб, ўйин тизгинини ўз қўлларида ушлашга ҳаракат қилишди. Бу орқали жамоамиз учрашувнинг 68-дақиқасида ҳисобни 2:0га ўзгартиришга эришди. Аввал Феруза Турдибоева жарима тўпини амалга оширди, дарвозабон ва ҳимоячилардан қайтган тўпни бир зарба билан дарвоаза тўрига жойлаб қўйди – 2:0.
Ўйинниг қолган дақиқаларида “Олмалиқ W” жамоаси кўпроқ ҳимояланиб, қарши ҳужумлар уюштириш пайида бўлишди. Улар буни уддалашди ҳам, аммо тажрибали ҳимоячиларимиз уларнинг бу ҳужумларини голга айлантиришга тусқинлик қилишди. Бугун ҳимоячиларимиз муносиб ўйин намойиш қилишганини алоҳида таҳкидлаш жоиз.
Учрашувнинг 77-дақиқасида ташкил этилган навбатдаги ҳужумда меҳмонлар ҳимоясида пала-партишлик юзага келди. Бу вазиятдан яна унумли фойдаланган Зебо Жўраева ўзининг учрашувдаги иккинчи голини киритишга муваффақ бўлди – 3:0.
Учрашувнинг қолган дақиқаларида дарвоазаларга голлар киритилмади. Шундай қилиб, жамоамиз бу учрашувда ҳам ғалаба қозонди ва ўзларининг ғалабали сериясини 17тага етказиб қўйишди. Жамоамиз бу ғалаба билан ўз тарихидаги 12-чемпионликни муддатидан аввал расмийлаштиришга жуда яқинлашди.
Энди жамоамиз навбатдаги учрашувда “Металлург W” жамоасига қарши баҳс олиб боради. Бу учрашув 5 ноябр куни бўлиб ўтади. Ушбу учрашувда ҳам ижобий натижани қўлга киритсак, жамоамиз бу йилги мавсумда ҳам муддатидан аввал чемпионга айланади.
XXII Ўзбекистон чемпионати, 20-тур
“Севинч” (Қарши) – “Олмалиқ W” (Олмалиқ) 3:0 (1:0)
Голлар: Зебо Жўраева, 25′-1:0, 77′-3:0, Феруза Турдибоева, 68′-2:0.
02.11.2016. “Геолог” стадиони. Соат 15:00да
Бош ҳакам: Хушнудбек Атамуратов (Хива)
Ёрдамчи ҳакамлар: Нигора Муҳаммадиева (Термиз), Ҳуснора Жумаева (Қарши)
Захира ҳаками: Маржона Раҳматқулова (Шахрисабз)
Назоратчи: Р.К. Давлатмуродов (Тошкент), ЎзАФА вакили: А.Б. Файзиев (Тошкент)
“Севинч”: 1.Ольга Кахарова, 20.Зумрат Назарова, 5.Маҳлиё Юсупова, 18.Камола Рискиева, 11.Шахзода Жамолова, 4.Саида Хандамова, 23.Нилуфар Қудратова, 17.Танзиля Зарбиева, 7.Феруза Турдибоева, 25.Ильвина Аблякимова, 10.Зебо Жўраева (с).
Заҳира: 12.Лайло Тилавова, 77.Шодия Тошева, 16.Матлуба Абдирасулова, 9.Маҳлиё Сарикова.
“Олмалиқ W”: 1.Алина Демьяненко (16.Моҳинур Ҳусенова 68), 7.Гулноза Ашурова, 9.Комила Зарипова (с) ( 5.Динара Турғунова 87), 11.Нодира Юлдашева (6.Арина Смирнова 82), 17.Дилрабо Асадова, 18.Моҳигул Икромова, 20.Уғилой Илашова, 21.Маржона Абдусатторова, 27.Кристина Чумакова (24.Муниса Ғиёсова 85), 77.Уғилой Холбоева, 88.Ораста Тожибоева.
Захира: 3.Озода Ҳожиева, 8.Малика Останова, 99.Сабинабону Ҳабибуллаева.
Огоҳлантириш: Камола Рискиева 40 – Уғилой Холбоева 50
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
