Бугун Қарши шаҳридаги “Геолог” стадионида Аёллар ўртасидаги XXII Ўзбекистон чемпионатининг 19-тури доирасидаги марказий учрашув бўлиб ўтади.
Амалдаги Ўзбекистон чемпиони – “Севинч” жамоаси бугун Бекободнинг “Металлург W” жамоасини қабул қилади. Учрашув Қарши шаҳридаги “Геолог” стадионида соат 15:00да бошланади.
“Севинч” жамоаси чемпионатда 2003 йилдан буён иштирок этиб келаётган бўлса, “Металлург W” жамоаси 2013 йилдан чемпионатдаги ўз иштирокини бошлаган. Улар шу йилнинг ўзидаёқ бронза совринини қўлга киритишган. 2014 ва 2015 йилларда кумуш медал совринларга эгалик қилишган.
Аёллар чемпионатида бунгача “Севинч” жамоасига асосий рақобатчи Андижоннинг “Андижанка” жамоаси бўлган бўлса, “Металлург W” жамоаси чемпионатда ўз иштирокини бошлагандан сўнг улар энди жамоамизнинг асосий рақибига айланди.
“Севинч” жамоаси ўз тарихида шу пайтгача 11 марта чемпионликни қўлга киритган. Жамоамиз илк бор 2004 йили чемпион бўлган бўлса, мана 2006 йилдан буён чемпионлик шоҳсупасини ҳеч қайси жамоага бермай келмоқда.
Бугун нафақат принципиал рақиблар ўзаро баҳс юритишади. Балки жамоамиз агарда бугунги учрашувда мағлуб бўлмаса, муддатидан аввал чемпионликни расмийлаштириши мумкин. Яъни, “Севинч” ўз тарихидаги 12-чемпионликни нишонлашга жуда яқин турибди.
Мазкур жамоалар чемпионатда ўзаро 7 марта куч синашган. Ўзаро учрашувларнинг барчасида “Севинч”нинг қўли баланд келган.
Қуйида ўзаро учрашувлар натижалари билан танишинг:
2013 йил
“Металлург W” – “Севинч” 1:2
“Севинч” - ”Металлург W” 3:0
2014 йил
“Металлург W” – “Севинч” 1:5
“Севинч” - ”Металлург W” 6:0
2015 йил
“Металлург W” – “Севинч” 1:2
“Севинч” - ”Металлург W” 2:1
2016 йил
“Металлург W” – “Севинч” 1:3
Кўриб турганингиздек, тўплар нисбати бўйича ҳам устунлик жамоамиз томонида – 23:5.
Жорий мавсумда ҳам ушбу жамоаларнинг икки ҳужумчиси чемпионат тўпурарлар рўйхатини бошқариб келишмоқда. “Металлург W” жамоасидан Людмила Карачик бўлса, “Севинч”дан Зебо Жўраевадир.
Ушбу жамоаларга тегишли яна бир факт, “Севинч” ва “Металлург W” жамолари 2014 йилдан буён Ўзбекистон Кубогига асосий давогар жамоалар саналишади. Жамоамиз ўз тарихида саккиз марта Ўзбекистон Кубогини қўлга киритган бўлса, “Металлург W” жамоаси 2014 йилдан бери биллур совринни ҳеч кимга бермай келмоқда.
“Севинч” ПФК матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
