Испания чемпионатининг сўнгги турида Севильяга сафар қилган “Реал” Мадрид кутилмаганда мағлубиятга учради. Кўпчилик футбол ишқибозлари ва мутахассислари томонидан Зиданнинг 3-5-2 тактикаси қанчалик тўғри қарор бўлгани ҳақида қизғин муҳокама қилинмоқда.
“Реал” Мадрид – катеначчо услубида…
Бир неча кун олдин Давид Трезеге собиқ жамоадоши ҳақида ўз фикрларини билдирган эди. “Италия футболи Зиданга кўп бора ёрдам берди ва мураббий сифатида эса, италянча футболнинг баъзи хусусиятларини татбиқ этди”. “Ювентус”нинг собиқ 10-рақам эгаси Ла Лига доирасида “Севилья”га қарши кечган баҳсда А Церийанинг эски тактикаларидан бирини қўллаб кўрди. “Реал” устози 3-5-2 тактик схемасини афзал кўрди. Жамоа ҳимояланаётган пайтда ушбу тактика 5-3-2 схемасига ўзгариши билан жамоага қўл келиши мумкин. Ушбу тактикада Серхио Рамос либерога (эркин ҳимоячи) айланди. Унга ҳимояда Варан ва Начолар ёрдам берди. Карвахал ва Марсело одатдагидек қанот ҳимоячилари вазифасини ўтади. Каземиро эса ярим ҳимояда тўпни жамоага қайтариш билан шуғулланиши, ярим ҳимоядаги шериклари Модрич ва Кроосларга эркинлик яратиши керак эди. Ушбу баҳсда эса бу тактика андалусияликларга қарши ҳеч қандай жиддий хавф туғдирмади. Криштиану Роналду ва Бенземалар жамоадан узилиб қолди. Гол эса Карвахалнинг олдинга интилиши ва «Севилья» дарвозабони Риконинг хатоси эвазига урилди.
Б режа йўқмиди ?
Ҳисобда олдинга чиқиб олган “Реал” ажойиб имкониятга эга эди. Зизунинг пассивлиги ўйиннинг охирги қисмида жамоасига таъсир ўтказди. “Реал” таркибидаги ягона ўзгариш 75-дақиқада бўлди. Позитсион ўзгариш амалга оширилди. Ярим ҳимоячи Тони Кроос ўрнига бошқа ярим ҳимоячи Матео Ковачич майдонга туширилди. Марcа нашрида чоп этилган таҳлилида жоурналист Раул Калвапал қуйидаги фикрларини билдириб ўтди. “Ушбу вазиятда “Реал” устози тажрибасизлик қилди. 1-0 ҳисобида олдинда бораётган пайтда ўйинни ўзгартириши керак эди. Марсело ва Карвахални ўз жойига қайтариши ва қарши ҳужумда фаолликни ошириш учун Лукас Васкесни ўйингга тушириши лозим эди.”
Хулоса: тактика ишончли эмас
“Рамон Санчес Пицхуан”даги мағлубият Зиданни тўсатдан футбол даҳоси қилгани йўқ. Марcага кўра «Зидан 3-5-2 тактикасини қўллаб нақадар истеъдодли эканини кўрсата олди, бироқ ўйин давомида узоқ вақт ушбу тактикани қўллаши тушунарсиз.» Айниқса, ўта ҳимоявий тактика танланиши клуб ишқибозларига ёқмагани аниқ, шунингдек, жамоа бу тактика устида жиддий ишламагани очиқ-ойдин кўриниб қолди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
