«Брайтон» бош мураббийи Фабиан Хюрцелер Англия Англия Премьер‑лигаси 29-туридан ўрин олган ўйиндан кейин «Арсенал»нинг ўйинини танқид қилди. Ушбу учрашувда «чайкалар» «канонирлар»га 0:1 ҳисобида мағлуб бўлди.
«Ғалабанинг турли хиллари бўлади. Агар улар Премьер-лигадa ғолиб бўлишса, ҳеч ким буни қандай қилиб қўлга киритганини сўрамайди. Улар бу ўйинда ғалаба қозониш учун барча нарсани қилаётгани сезилиб турди. Охир-оқибат барчаси қоидаларга бориб тақалади. Агар Премьер-лигадa ҳакам бундай ҳолатларга кўз юмса, бу жуда қийин.
Улар гўё қоидаларни ўзлари белгилаётгандек. Ҳозир менда шундай таассурот борки, улар ўйин қандай кечишидан қатъи назар қоидаларни ўз хоҳишига кўра қўлламоқда. Шунинг учун менимча буни баҳолаш қийин. Масалан, дарвозабон вақт чўзгани учун иккита сариқ карточка олиб майдондан четлатилиши мумкинми? Бу ҳеч қачон содир бўлмайди. Унда у нима қилиши керак? Масала шунда, шунинг учун ҳам қоидалар ва чекловлар керак.
Танаффусда у (учрашув ҳаками Крис Кавана) менга ҳам худди шу гапни айтди. Биз фақат вақтни чўзишни қандай қисқартириш мумкинлиги ҳақида гаплашдик ва у бу унга қийин эмаслигини айтди. Бизга аниқ қоидалар керак, чунки шунда ҳакамни ҳам ҳимоя қилиш мумкин бўлади. Улар муайян талабларга амал қилиши шарт, Премьер-лига эса бу борада уларга кўпроқ ёрдам бериши керак.
Мен жамоамизнинг ўйинидан жуда мамнунман. Менимча, бугун майдонда фақат битта жамоа футбол ўйнашга ҳаракат қилди ва шунинг учун мен йигитларим билан фахрланаман.
Мен ҳеч қачон бундай йўл билан ғалаба қозонишга уринадиган мураббий бўлмайман. Мен футболчиларни ривожлантиришни истайман. Улар доимий равишда ўсиб боришини, майдонда футбол ўйнашда давом этишини хоҳлайман. Албатта, охир-оқибат ҳар бир жамоа вазиятни бошқаришга ва вақтни чўзишга ҳаракат қилади, аммо бунга чеклов бўлиши керак. Бу чекловни Премьер-лига белгилаши керак. Ҳозирча эса улар хоҳлаганини қила оляпти.
Мен ҳозир залдаги барчадан: «Бу ўйин сизларга ҳақиқатан ҳам ёқдими?» деб сўрасам, ишончим комилки, кимдир қўл кўтаради — чунки бу ерда «Арсенал» мухлислари кўп. Улардан ташқари ҳеч ким қўл кўтармайди.
Бу келажакда нимaга олиб келади? Мана шу савол мени ўйлантиради. Бир ўйинда 60 дақиқа тўп билан ўйнаймиз, «Арсенал»га қарши учрашувда эса бор-йўғи 50 дақиқа. 10 дақиқалик фарқ — мухлислар шунга пул тўлайдими? Нима демоқчи эканимни тушуняпсизми?» — деди Хюрцелер.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
