«Насаф» бугун ОЧЛ-2017 саралаш босқичидан ўрин олган ўйинда майдонга тушиб, мамлакатимизда янги футбол мавсумига расман старт беради. Қарши клуби илк ўтиш босқичида Баҳрайн чемпиони - «Ал-Ҳидд» тўсиқидан ўтиши керак. Учрашув «Бунёдкор» стадионида соат 16:00да бошланади. Айтиш жоиз, Баҳрайн клублари сўнгги 10 йиллик мобайнида бизнинг вакилларга тўқнаш келишмаган. Шу боисми, улар ҳақида маълумотлар анча кам. Демак, қуйида бўлажак рақибни имкон қадар таништирамиз.
Баҳрайн премьер-лигаси 1952 йили йўлга қўйилган ва куз-баҳор тизимида ўтказилади. Лигада 10та жамоа иштирок этади. Охирги ўринни банд этган клуб 1-лигага тушиб кетади. Амалдаги чемпион айнан «Ал-Ҳидд»дир. Биринчилик яримпрофессионал мақомига эгалиги боис, клубларга ОЧЛ гуруҳ босқичи йўлланмаси берилмаяпти. 2014 йили «Ал-Ҳидд» ва кейинги мавсум «Ал-Риффа» ОЧЛ саралаш раундида қатнашди.
«Ал-Ҳидд» 1945 йили ташкил этилган. Мавсум-2015|2016да эса ўз тарихида илк марта чемпионликни нишонлади. Хуллас, Муҳаррақ шаҳри клуби мамлакат чемпионати олтин медалини ютиш йўлида 70 йилдан кўп фаолият юритди. Жамоа аввалги мавсум 12та ғалаба ва 6та дуранг қайд этиб, яқин таъқибчиси - «Ал-Муҳаррақ»ни 10 очко ортда қолдирди. Ҳужумчи Муҳаммад Саъд ал Румайҳий 17та гол билан нафақат «Ҳидд», балки бутун чемпионатнинг бош тўпурари бўлди. Жорий мавсум эса, 9та ўйиндан сўнг турнир жадвалида 7-поғонани банд этиб турибди: 2та ғалаба, 4та дуранг, 3та мағлубият. Тўплар нисбати: 8-10. 5 январь куни Баҳрайн футбол ассосацияси кубоги доирасида «Ал-Нажма»ни сафарда 2:1 ҳисобида доғда қолдирган «Ҳидд» табиийки, иккинчи даврада юқорироқ ўринга кўтарилиш учун интилади. Юқорида айтилди, жамоа ОЧЛ саралашида аввал ҳам иштирок этган. Яъни 2014 йилги турнирнинг асосий қисмига ўтиш йўлида аввалига Иорданиянинг «Шабаб Ал-Ордун» клубини енгиб, кейин «Лаҳвия» (Қатар)га ютқазганди:
2014 йил 2 февраль. 1-раунд. «Шабаб Ал-Ордун» - «Ал-Ҳидд» - 1:3 (қўш. вақт)
Голлар: Эссам Мубайдин (64) - Жулиано де Паула (83-пен.), Окарандут Орок (96, 102).
2014 йил 8 февраль. 2-раунд. «Лаҳвия» - «Ал-Ҳидд» - 2:1
Голлар: Нам Тае Хви (35), Ҳабиб Менди (48-авт.) - Ҳабиб Менди (60).
Саид Муҳаммад Аднан ва Уче Агбонинг жамоадаги ўрни беқиёс. Албатта, «Ал-Ҳидд» ихтиёрида легионерлар ҳам бор. Давралар оралиғида таркибида ўзгаришлар юз бериши мумкин. Ҳозирча «Ҳидд» таркибида 3 нафар нигериялик ва иорданиялик футболчи қайд этилган - Эфидайо Омасуи, Уче Агбо, Окарандут Орок ҳамда Муҳаммад ал Довуд. Клубнинг 2 нафар вакили Баҳрайн терма жамоаси шарафини ҳимоя қилиди. Булар - Абдулла ал Ҳазаа (ҳимоячи) ва Абдулваҳоб ал Маълуд (ярим ҳимоячи).
Абдулваҳоб ал Маълуд 1990 йил 7 июнда туғилган. 2011 ва 2015 йилги Осиё кубоги иштирокчиси. Миллий жамоасининг БАА, Қувайт, Филиппин ва Яман термаларига қарши ўйинларида гол урган.
Уче Агбо 1987 йил 18 мартда Нигериянинг Уйо шаҳрида туғилган. 2014 йилдан «Ал-Ҳидд»да.
Ўзбекистон клублари ОЧЛ саралаш босқичларида
ОЧЛ-2002|2003. «Пахтакор» саралашнинг иккинчи раундида «Ал-Виҳдат» (Иордания - 3:0, 1:3), учинчи раундида «Ал-Иттиҳод» (Қатар - 3:4, 3:0) ва тўртинчи раундида «Ал-Аҳли» (БАА - 3:2, 1:0) клублари тўсиғини енгиб, гуруҳ босқичига йўл олган.
«Нефтчи» эса саралашнинг учинчи раундда Яманнинг «Ал-Аҳли»сини 2:1 ва 6:0 ҳисобларида енгиб, кейинги раундда Теҳроннинг «Истиқлол» клубига йўл бўшатган - 1:0 ва 1:2. Яъни фарғоналикларга ўз майдонларида қўйиб юборилган гол панд берганди.
ОЧЛ-2012. 18 февраль. Иккинчи раунд. Дубай. «Мактум бин Рашид» стадиони. 2000 томошабин. «Ал-Шабаб» (БАА) - «Нефтчи» - 3:0. Голлар: Исса Обайд (6, 60), Азизбек Ҳайдаров (90Қ3). Ҳакам: Муҳсин Торки (Эрон).
ОЧЛ-2013. 9 февраль. Учинчи раунд. Дубай. «Ал-Мактум» стадиони. 3825 томошабин. «Ал-Наср» (БАА) - «Локомотив» - 3:2. Голлар: Такаюки Моримото (30), Ҳабиб Фардан (78), Лео Лима (89) - Виктор Карпенко (71), Акмал Холматов (76). Ҳакам: Масааки Тома (Япония).
ОЧЛ-2014. 8 февраль. Иккинчи раунд. Доха. «Суҳайм бин Ҳамад» стадиони. 5400 томошабин. «Ал-Жаиш» (Қатар) - «Насаф» - 5:1. Голлар: Го Сеул Ки (4, 27, 80), Нилмар (36), Абдулраҳмон Абкер (49) - Фаррух Сайфиев (76). Ҳакам: Стребре Деловски (Австралия).
«Насаф»: Элдор Суюнов, Мақсуд Каримов, Ботир Қораев, Шуҳрат Муҳаммадиев, Ҳамза Каримов, Артур Геворкян (сардор), Эркин Бойдуллаев, Илҳом Юнусов (Дадабоев, 79), Фаррух Сайфиев Илҳом Шомуродов (Кенжа Тўраев, 61), Игорь Таран (Азамат Алланиёзов, 46). Бош мураббий: Рўзиқул Бердиев.
9 февраль. Иккинчи раунд. Тошкент. «Пахтакор» стадиони. 5000 томошабин. «Локомотив» - «Ал-Қувайт» (Қувайт) - 1:3. Голлар: Иван Нагаев (66) - Иссам Жума (22, 37, 86). Ҳакам: Минору Тожо (Япония).
ОЧЛ-2016. 9 февраль. «Плей-офф» раунди. Тошкент. «Бунёдкор» стадиони. 9485 томошабин. «Бунёдкор» - «Ал-Шабаб» (БАА) - 2:0. Голлар: Элдор Шомуродов (2, 35). Ҳакам: Ким Донг Жин (Ж.Корея).
Клубнинг тўлиқ номи: «Ал-Ҳидд» спорт ва маданият клуби (AL HIDD (BHR)
Клуб раҳбари: Аҳмад Салмон ал Мусаллам
Шаҳар: Муҳаррақ
Ташкил этилган йили: 1945
Стадиони: «Муҳаррақ клуб стадиони», сиғими - 10000
Бош мураббийи: Исо ал Садун (Баҳрайн)
Чемпионат: Баҳрайн премьер-лигаси (10та жамоа)
Лақаби: «цунами»
Совринлари: Баҳрайн премьер-лигаси чемпиони (2015Ғ2016); Баҳрайн Қирол кубоги (2015); Баҳрайн ФА кубоги (2015); Баҳрайн суперкубоги (2015, 2016)
ОФК кубогида иштироки: 2014 (чорак финал; 2015 (гуруҳ босқичи)
«Насаф» бош мураббийининг ОЧЛдаги ўйинлари
Рўзиқул Бердиев 1971 йил 22 октябрда Китоб туманида туғилган. 2012 йилдан «Насаф» бош мураббийи. Севимли тактик услуби - 4-4-2 (ҳужумга ихтисослашган). Бердиев ОЧЛда мураббий сифатида 19та ўйин ўтказган: 3та ғалаба, 5та дуранг ва 11та мағлубият. Тўплар нисбати - 14:31.
Мавсум Босқич Ўйин
2016 Гуруҳ «Ал-Айн» - «Насаф» - 2:0
2016 Гуруҳ «Насаф» - «Ал-Айн» - 1:1
2016 Гуруҳ «Насаф» - «Ал-Жаиш» - 0:0
2016 Гуруҳ «Ал-Жаиш» - «Насаф» - 1:0
2016 Гуруҳ «Насаф» - «Ал-Аҳли» (Жидда) - 2:1
2016 Гуруҳ «Ал-Аҳли» (Жидда) - «Насаф» - 2:1
2015 Гуруҳ «Насаф» - «Ал-Аҳли» (Жидда) - 0:0
2015 Гуруҳ «Тракторсози» - «Насаф» - 1:2
2015 Гуруҳ «Насаф» - «Ал-Аҳли» (Дубай) - 0:1
2015 Гуруҳ «Ал-Аҳли» (Дубай) - «Насаф» - 0:0
2015 Гуруҳ «Ал-Аҳли» (Жидда) - «Насаф» - 2:1
2015 Гуруҳ «Насаф» - «Тракторсози» - 2:1
2014 Саралаш «Ал-Жаиш» - «Насаф» - 5:1
2012 Гуруҳ «Насаф» - «Истиқлол» - 0:2
2012 Гуруҳ «Ал-Жазира» (Абу-Даби) - «Насаф» - 4:1
2012 Гуруҳ «Насаф» - «Ал-Райан» - 0:1
2012 Гуруҳ «Ал-Райан» - «Насаф» - 3:1
2012 Гуруҳ «Истиқлол» - «Насаф» - 0:0
2012 Гуруҳ «Насаф» - «Ал-Жазира» (Абу-Даби) - 2:4
ФИКРАТ тайёрлади, "Interfutbol"
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
