Испания кубогининг ярим финал босқичи доирасида дастлабки жавоб ўйини бўлиб ўтди. «Камп Ноу»да бўлиб ўтган «Барселона» ва «Атлетико» ўртасидаги баҳсда мухлислар шиддатли ўйинга гувоҳ бўлишди.
Симеоне шогирдлари учрашув бошида тезкор гол уриб олиш мақсадида олдинга ташланишди, аммо тартибли ҳимояланган "кўк-анорранглилар" аста-секин ўйинни тенглаштиришди. Биринчи бўлим тугашига 2 дақиқа қолганида Луис Суарес каталонияликларни ҳисобда олдинга олиб чиқиб, меҳмонларни қийин ағволга солиб қўйди. Боиси, Мадридда ўтган дастлабки учрашувда "Барса" 2:1 ҳисобида ғалаба қозонганди.
Иккинчи бўлим анча асабий ўтди ва тенгкурашлар остида ўди. Ҳакам дастлаб "Атлетико"нинг тоза голини инобатга олмаган бўлса, орадан кўп ўтмасдан Сержи Робертони майдондан четлатиб, меҳмонларга ёрдам қўлини чўзгандек бўлди. Натижада мадридликлар яна олдинга ташланишди, аммо бу узоқ давом этмади. Феррейра Каррасконинг қизил карточка олиб, майдонни тарк этиши яна ўйинни тенглаштирди.
Ўйин сўнгида "Атлетико" ва-банкка борди ва олдинга интилди. Гамейро пенальтидан самарали фойдалана олмаган бўлса, ўйиндан гол киритишга муваффақ бўлди.
Қолган дақиқаларда ҳар иккала томон гол уриш учун имкониятларга эга бўлса-да, мухлислар бошқа гол кўришмади. Натижада "Барселона" Испания кубоги финалига чиққан дастлабки жамоага айланди.
Дарвоқе, ўйиннинг сўнгги дақиқаларида Луис Суарес ҳам майдондан четлатилди. Энди у Сержи Роберто каби финалда иштирок эта олмайди.
Испания кубоги, ярим финал, жавоб ўйини
Барселона – Атлетико 1:1 (1:0, 0:1)
Голлар: 1:0 – 43 Суарес, 1:1 – 83 Гамейро.
Барселона – Силлессен, Умтити, Пике, Альба, Денис Суарес (Маскерано, 62), Сержи Роберто, Андре Гомеш, Ракитич (Иньеста, 72), Туран (Бускетс, 70), Месси, Луис Суарес.
Атлетико – Мойя, Савич, Филипе Луис, Хуанфран, Годин (Люка Эрнандес, 49), Сауль, Коке, Гайтан (Корреа, 48), Феррейра Карраско, Гризманн, Торрес (Гамейро, 61).
Огоҳлантиришлар: Сержи Роберто (19), Феррейра Карраско (36), Ракитич (66), Силлессен (76), Савич (76), Суарес (87), Филипе Луис (90), Бускетс (90).
Четлатишлар: Сержи Роберто (57), Феррейра Карраско (69), Луис Суарес (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
