Ispaniya kubogining yarim final bosqichi doirasida dastlabki javob o‘yini bo‘lib o‘tdi. «Kamp Nou»da bo‘lib o‘tgan «Barselona» va «Atletiko» o‘rtasidagi bahsda muxlislar shiddatli o‘yinga guvoh bo‘lishdi.
Simeone shogirdlari uchrashuv boshida tezkor gol urib olish maqsadida oldinga tashlanishdi, ammo tartibli himoyalangan "ko‘k-anorranglilar" asta-sekin o‘yinni tenglashtirishdi. Birinchi bo‘lim tugashiga 2 daqiqa qolganida Luis Suares kataloniyaliklarni hisobda oldinga olib chiqib, mehmonlarni qiyin ag‘volga solib qo‘ydi. Boisi, Madridda o‘tgan dastlabki uchrashuvda "Barsa" 2:1 hisobida g‘alaba qozongandi.
Ikkinchi bo‘lim ancha asabiy o‘tdi va tengkurashlar ostida o‘di. Hakam dastlab "Atletiko"ning toza golini inobatga olmagan bo‘lsa, oradan ko‘p o‘tmasdan Serji Robertoni maydondan chetlatib, mehmonlarga yordam qo‘lini cho‘zgandek bo‘ldi. Natijada madridliklar yana oldinga tashlanishdi, ammo bu uzoq davom etmadi. Ferreyra Karraskoning qizil kartochka olib, maydonni tark etishi yana o‘yinni tenglashtirdi.
O‘yin so‘ngida "Atletiko" va-bankka bordi va oldinga intildi. Gameyro penaltidan samarali foydalana olmagan bo‘lsa, o‘yindan gol kiritishga muvaffaq bo‘ldi.
Qolgan daqiqalarda har ikkala tomon gol urish uchun imkoniyatlarga ega bo‘lsa-da, muxlislar boshqa gol ko‘rishmadi. Natijada "Barselona" Ispaniya kubogi finaliga chiqqan dastlabki jamoaga aylandi.
Darvoqe, o‘yinning so‘nggi daqiqalarida Luis Suares ham maydondan chetlatildi. Endi u Serji Roberto kabi finalda ishtirok eta olmaydi.
Ispaniya kubogi, yarim final, javob o‘yini
Barselona – Atletiko 1:1 (1:0, 0:1)
Gollar: 1:0 – 43 Suares, 1:1 – 83 Gameyro.
Barselona – Sillessen, Umtiti, Pike, Alba, Denis Suares (Maskerano, 62), Serji Roberto, Andre Gomesh, Rakitich (Inyesta, 72), Turan (Buskets, 70), Messi, Luis Suares.
Atletiko – Moyya, Savich, Filipe Luis, Xuanfran, Godin (Lyuka Ernandes, 49), Saul, Koke, Gaytan (Korrea, 48), Ferreyra Karrasko, Grizmann, Torres (Gameyro, 61).
Ogohlantirishlar: Serji Roberto (19), Ferreyra Karrasko (36), Rakitich (66), Sillessen (76), Savich (76), Suares (87), Filipe Luis (90), Buskets (90).
Chetlatishlar: Serji Roberto (57), Ferreyra Karrasko (69), Luis Suares (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
