Бундан бироз вақт олдин Намангандаги “Марказий” ўйингоҳнинг мажлислар залида 2017 йилги чемпионатда жамоамиз шарафини ҳимоя қиладиган футболчиларнинг тақдимот маросими бўлиб ўтди, дея хабар беради жамоа расмий сайти.
Тақдимот маросимида Ўзбекистон Республикаси Олий Мажлис Сенати аъзоси, Наманган вилоят ҳокими, вилоят футбол федерацияси президенти Хайрулла Хайитбоевич Бозаров, Наманган шаҳар ҳокими, «Навбаҳор» футбол клуби президенти Баҳодир Маматович Бекходжаев, “Навбаҳор” футбол клуби вице-президенти Акрамжон Гаппарович Дедабаев, клуб раҳбарияти, “Навбаҳор” жамоаси мураббийлар штаби, асосий таркиб аъзолари ҳамда “Навбаҳор” жамоасининг бир гуруҳ ишқибозлари иштирок этишди.
Тақдимот маросимини Наманган вилоят футбол федерацияси вице-президенти Баҳром Холмирзаев очиб берди. Шундан сўнг Наманган вилоят ҳокими, вилоят футбол федерацияси президенти Хайрулло Бозаров сўзга чиқиб, жамоа футболчилари олдида турган масъулиятли вазифа хусусида фикр юритди. Шу билан биргаликда Бозаров ўз сўзида “Навбаҳор” жамоасини Ўзбекистон чемпионатлари ўтказила бошлагандан бери олий лигада мунтазам равишда қатнашиб келаётган учта жамоадан бири эканлигини ҳам алоҳида эътироф этди. Шунингдек, вилоят раҳбари бугунги кунда футболчи ва мураббийлар учун барча шарт-шароитларни яратиб берилаётганлиги ҳам айтиб ўтиб, мураббий ва футболчиларга юқори маррани кўзлаган ҳолда чемпионатда фақат совринли ўринлар учун курашиш ва “Навбаҳор” жамоасининг аввалги шон-шуҳратини тиклаш вазифасини қўйди. Бу борада жамоа аъзоларига омад ёр бўлишига тилак билдирди.
Шундан сўнг мавсумлар оралиғида “Навбаҳор” жамоаси таркибидан жой олган футболчиларни таништириш маросими ўтказилди. Мавсум арафасида “Навбаҳор” аъзосига айланган футболчиларга ўйин формалари топширилди. Унга кўра дарвозабонлар Аманов Асилбек 30, Ортиқов Акмал 1, Ашурматов Нодиржон 12, ҳимоячилар Меҳмонов Жаҳонгир 32, Саматов Алишер 2, Эргашев Ҳасанбой 3, Станоевич Дарко 44, Отахонов Аббос 4, Комилов Ғиёсжон 5, ярим ҳимоячилар Хурсанов Равшанбек 8, Мирзаев Алишер 20, Саидов Мансур 10, Қиличев Ойбек 7, Ғофуров Мирзоҳид 19, ҳужумчилар Йованович Неманья 84, Султанов Абдуазиз 11, Аҳмедов Рўзимбай 22 ва Талипов Тимур 95-рақамда ҳаракат қиладиган бўлдилар.
Тадбир давомида “Навбаҳор” жамоаси бош мураббий Илҳом Мўминжонов сўзга чиқди: - Жамоамиз жорий йилги мавсумга тайёргарликни асосий қисмини Тошкентда олиб борди. Мавсумга муносиб тарзда тайёргарлик кўришимиз ва таркибни шакллантиришда Хайрулла Ҳайитбаевич Бозаров бошчилигидаги вилоят раҳбарияти зарур шарт-шароитларни яратиб беришди. Янги мавсумда вилоят раҳбарияти ва мухлислар томонидан билдирилган ишончни оқлаш учун ҳаракат қиламиз. Ишқибозларимизнинг муносиб тарзда қўллаб-қувватлашларига ишонган ҳолда майдонга чиқиб, вилоят аҳлини хурсанд қилиш учун бор куч ва имкониятимизни ишга соламиз.
Бош мураббийдан кейин жамоа сардори Дилшод Жабборов футболчилар номидан сўзга чиқди: - Жамоамизни мавсумга муносиб тарзда тайёргарлик кўриши учун барча шарт-шароитларни яратиб берилгани учун жамоамиз аъзолари номидан миннатдорчилик билдириб ўтаман. 2017 йилги чемпионатда олдимизга қўйилган вазифани бажариш учун қўлимиздан келганича ҳаракат қилиб, жамоамиз мухлисларини хурсанд қилишга ҳаракат қиламиз. Билдирилган ишончга майдондаги мазмунли ўйинларимиз орқали жавоб бериш учун бор куч ва имкониятимизни ишга соламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
