Самарқандда байрамона кайфиятда бошланган футбол мавсумининг очилиш маросими учрашуви «Динамо»нинг ажойиб ғалабаси билан якунига етди.
Учрашувдан олдин Самарқандда Ўзбекистон миллий чемпионати байроқлари тантанали тарзда кўтарилди. Очилиш маросимида сўзга чиққан, Самарқанд шаҳар ҳокими, «Динамо» клуби президенти Воҳид Раҳимов барча мухлисларни янги футбол мавсуми билан табриклаб, Самарқандда XXVI миллий чемпионат ўйинлари расман очиқ деб эълон қилди.
10 мингдан ортиқ мухлислар қаршисида «Шўртан» жамоасига қарши учрашувни ҳужумкор бошлаган вакилларимиз 15-дақиқадаёқ ёш ҳужумчи Сардор Сулаймоновнинг ажойиб голи эвазига стадионни ларзага келтиришди. Сардор икки ҳимоячини чиройли тарзда доғда қолдириб, Элдор Тожибоев қўриқлаётган дарвозанинг «тўққизлиги»ни нишонга олди, 1:0.
Голдан кейин вакилларимиз ҳужумкорликни ошириш баробарида ҳимояда ҳам барқарор ўйин намойиш этишди. Бунинг натижасида ёш ҳимоячилар Александр Пишур, Игорь Таран сингари тажрибали ҳужумчиларни тўхтата олишди.
Иккинчи бўлимда ҳам самарқандлик футболчилар ўйинни ҳужумкор бошлашди. 48-дақиқада Ориф Мамажонов томонидан бурчакдан етказиб берилган тўпни жамоа сардори Акмал Бозоров бош билан рақиб дарвозасига киритиб, ўйиндаги ва мавсумдаги иккинчи голини киритишга муваффақ бўлди, 2:0.
«Динамо» мураббийларининг иккинчи бўлимда амалга оширган ўзгаришлари ҳам ўз самарасини берди. Гол муаллифи Сардор Сулаймонов ўрнига майдонга тушган тезкор Абдумалик Абдуллаев майдонга тушганидан уч дақиқа ўтиб жарима майдонига етказиб берилган жарима тўпини ажойиб тарзда рақиб дарвозасига жойлади, 3:0.
Ушбу голдан кейин мавсумнинг дастлабки баҳсида мухлислар билан деярли тўлган «Динамо» стадионидаги ишқибозлар байрамни бошлаб юборишди. Омадли стартдаги дастлабки икки ғалаба «Динамо» жамоасини 2-турдан сўнг Олий Лига-2017 пешқадамига айлантирди.
Самарқанд клуби 12 март, якшанба куни Тошкентда «Пахтакор» жамоаси меҳмони бўлишади.
Олий Лига. 3-тур.
8 март (чоршанба)
«ДИНАМО» - «ШЎРТАН» - 3:0
Самарқанд, 10, 138 томошабин.
Ҳакамлар: Вадим Агишев (Тошкент), Тимур Галеев (Тошкент), Акбар Пўлатов (Тошкент), Анатолий Рубаков (Тошкент)
Назоратчи: Дмитрий Роман (Тошкент).
ЎзПФЛ вакили: Алексей Фролов.
Голлар: Сардор Сулаймонов 15, Акмал Бозоров 48, Абдумалик Абдуллаев 68.
«Динамо»: Михаил Наумов, Миркомил Локаев, Бунёд Исроилов, Акмал Бозоров (Раду Рогак, 75), Жасур Азимов, Шоҳруҳ Холматов, Абдужамол Исроилов, Дамир Низанов, Орифжон Мамажонов (Комил Шарофутдинов, 69), Жавоҳир Қаҳрамонов, Сардор Сулаймонов (Абдумалик Абдуллаев, 65).
«Шўртан»: Элдор Тожибоев, Саидкомил Акбаров, Жаҳонгир Жиямуродов, Руслан Вагапов, Игорь Таран (Зафар Полвонов, 55), Умарбек Эшмуродов, Обид Жўрабоев, Сирож Ҳамроев, Сардор Собирхўжаев (Азиз Ғуломхўжаев, 46), Акмал Холматов (Отабек Нарзуллаев, 69), Александр Пишур.
Огоҳлантиришлар: Умар Эшмуродов, 74.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
