Жорий йилнинг 10-апрел санасида Лига қошидаги Тартиб-интизом қўмитасининг навбатдаги йиғилиши бўлиб ўтди. Унда мазкур санагача бўлган вақт оралиғида Ўзбекистон Суперлигаси ҳамда U21 чемпионати учрашувларида иштирокчилар томонидан йўл қўйилган қоидабузарликлар юзасидан қарор чиқарилди.
Суперлига
«Машъал» – «Бунёдкор»
Суперлига 6-тури доирасидаги «Машъал» – «Бунёдкор» учрашуви ҳакамидан билдирги келиб тушган, унга кўра учрашувнинг 67-дақиқасида «Машъал» футбол клуби футболчиси Ҳумоюн Муртозаев ўйин тўхтаган вақтда рақиб жамоа футболчисининг қорин қисмига тирсаги билан зарба бергани учун қизил карточка кўрсатилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 62-моддасига асосан «Машъал» футбол клуби футболчиси Ҳумоюн Муртозаевга нисбатан 2 та ўйинга четлатиш (дисквалификация) интизом чораси қўлланилсин.
«Насаф» – «Андижон»
Суперлига 5-тури доирасидаги «Насаф» – «Андижон» учрашуви комиссаридан билдирги келиб тушган, унга кўра учрашув давомида «Насаф» жамоаси вакили Алишер Турдиқулов учрашув расмийларига нисбатан қўпол муомала қилгани, ҳақоратли сўзлар ишлатгани аниқланди.
Қарор: Тартиб-интизом кодексининг 63-моддасига асосан «Насаф» вакили Алишер Турдиқуловга нисбатан жарима интизомий жазо қўлланилсин.
«Навбаҳор» – «Машъал»
Учрашув ташкил этилишида бир қатор камчиликлар аниқланди: таркиблар ўз вақтида эълон қилинмаган, экранда ўзгаришлар кўрсатилмаган, видеоёзув тақдим этилмаган.
Қарор: Тартиб-интизом кодексининг 73 ва 76-моддаларига асосан «Навбаҳор» клубига жарима қўлланилсин.
Шунингдек, 52-дақиқада «Машъал» футболчиси Муҳаммадали Алиқулов ҳакам қарорига эътироз билдиргани учун сариқ карточка олган.
Қарор: жарима интизомий жазо.
«Динамо» – «Сўғдиёна»
Учрашувда махсус жиҳозлардан фойдаланиш бўйича талаблар бузилган.
Қарор: «Динамо» клубига жарима.
Шунингдек, Жалолиддин Жумабоев (90+2) вақтни чўзгани учун сариқ карточка олган.
Қарор: жарима интизомий жазо.
«Андижон» – «Навбаҳор»
«Андижон» бош мураббийи Самвел Бабаян томонидан ҳакамларга нисбатан кескин эътирозлар, майдонга чиқиш, ҳақорат ҳолатлари қайд этилди.
Қарор: Тартиб-интизом кодексининг 57, 61 ва 63-моддаларига асосан Самвел Бабаянга жарима қўлланилди.
Шунингдек, 55-дақиқадаги эътирози учун клубга огоҳлантириш берилди.
«Навбаҳор» вакили Абдурауф Ғуломов учрашув қайдномасига киритилмаган ҳолда техник ҳудудда бўлгани учун жазоланди.
Қарор: жарима ва лицензияси бекор қилинсин.
«Сўғдийона» – «Қўқон-1912»
Бир қатор футболчилар томонидан вақтни чўзиш ҳолатлари қайд этилди:
Шоҳрух Исоқов (70), Зоир Жўрабоев (81), Ойбек Нурматов (86), Шоҳрух Ғадоев (90+1).
Қарор: барчасига жарима интизомий жазо.
«Хоразм» – «Динамо»
Никола Стошич (90+4) вақтни чўзгани учун жазоланди.
Қарор: жарима.
«Сурхон» – «Бухоро»
Даврон Мерганов (56) вақтни чўзгани учун жазоланди.
Қарор: жарима.
«Машъал» – «Бунёдкор» (қўшимча ҳолат)
Влатко Стояновски (90+3) ҳакам қарорига эътироз билдирган.
Қарор: жарима.
ОКМК – «Сурхон»
Достонбек Турсунов (70) симуляция қилгани учун сариқ карточка олган.
Қарор: жарима.
«Нефтчи» – «Пахтакор»
Пахтакор футболчилари томонидан вақтни чўзиш ҳолатлари:
Рустам Турдимуродов (60), Санжар Қувватов (78), Башар Ресан (90+5).
Қарор: барчасига жарима интизомий жазо.
U-21 чемпионати
ОКМК U21 – «Сурхон» U21
Асрорбек Отахонов (76) рақибга зарба бергани учун қизил карточка олган.
Қарор: 2 та ўйинга дисквалификация.
Шунингдек, «Нефтчи» – «Пахтакор» ҳамда «Қўқон-1912» – «Насаф» учрашувларида юзага келган ҳолатлар ҳозирда қўмита томонидан қўшимча ўрганилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
