Испания чемпионатининг 32-тури доирасида Хихонда "Спортинг" меҳмони бўлган "Реал", очко йўқотиб қўйишига бир бахя қолди. Яхшиям, "Қироллик клуби" бахтига Иско бор экан...
Зидан бу баҳсда етакчиларга дам бериб, кам ўйин амалиётига эга бўлаётганларни майдонга туширди. Бу эса "Мадрид"нинг ўйинига ўз таъсирини кўрсатмай қолмади.
Бундан ташқари, хихонликлар ўз яратган вазиятлардан ўта самарали фойдаланишди. Баҳснинг 14-дақиқасида Весга парашют услубида "Реал" жарима майдончасига узатма берди ва Дуе Чоп бирга-бир вазиятда дарвозани ишғол қилди.
Орадан 3 дақиқа ўтиб Иско ингдивидуал маҳорати эвазига ҳисобни тенглаштирди. "Реал" ярим ҳимоячиси жарима майдончаси ичида 3 футболчини алдаб, аниқ зарба билан дарвозанинг "тўққизлигига" аниқ зарба берди.
Иккинчи бўлим бошида меҳмонлар ҳисобда олдинга чиқиб олишлари мумкин эди. Хамес жарима тўпини ўйинга киритди. Начо дарвозабон майдончаси ичида бош билан зарба берди, аммо Куэльяр ажойиб сэйв орқали дарвозасини голдан қутқариб қолди. Учрашувнинг 50-дақиқасида меҳмонлар яна олдинга ўтиб олишди. Жаримадан етказилган узатмани Бабен бош билан 11 метрли нуқта атрофига етказди. Микель Весга бош билан нақ тўққизликка парашют услубида зарба берди. Касилья тўпга ташланди, аммо ета олмади.
Орадан 9 дақиқа ўтиб Зидан жамоаси яна ҳисобни тенглаштирди. Данило ўнг қанотдан ҳаводан етказган узатмани Альваро Мората бош билан дарвозага жойлаб қўйди.
Қолган дақиқаларда тўла устунлик "Реал" томонида бўлди, бироқ хихонликлар яхши ҳимояланишди. 90-дақиқада Иско "Мадрид"га ғалаба келтирувчи гол муаллифига айланди. Унинг жарима майдончаси ташқарисидан берган зарбасини Куэльяр қайтара олмади.
Шу тариқа, "Реал" муҳим ғалабани қўлга киритди ва ўз очколарини 75тага етказиб олди.
Испания чемпионати, 32-тур
Спортинг Хихон – Реал Мадрид 2:3 (1:1, 1:2)
15 апреля, 19.15, «Эль Молиньон»
Голлар: 1:0 – 14 Чоп, 1:1 – 17 Иско, 2:1 – 50 Микель Весга, 2:2 – 59 Мората, 2:3 – 90 Иско.
Спортинг Хихон – Куэльяр, Аморебьета, Кастельяно, Бабен, Лопес, Микель Весга, Гомес (Касес, 69), Кармона, Альварес (Афиф, 90), Хорхе Мере, Чоп (Нди, 79).
Реал Мадрид – Касилья, Данило, Начо, Коэнтрау (Марсело, 57), Рамос, Ковачич (Каземиро, 89), Хамес, Асенсио, Иско, Васкес (Диас, 71), Мората.
Огоҳлантиришлар: Альварес (34), Кастельяно (61), Лопес (79), Касес (87), Мората (89), Афиф (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
