16 апрель, якшанба куни Тошкентнинг “Бунёдкор” жамоаси Фарғонада “Нефтчи” клуби меҳмони бўлади.
Ушбу учрашув жамоаларнинг ўзаро ҳисобдаги йигирманчи биринчи тўқнашуви сифатида қайд этилади. Шу кунгача ўтказилган йигирма ўйиннинг ўн иккитасида “қалдирғочлар”нинг қўллари баланд келган бўлиб, тўрт учрашувда фарғоналиклар ғолиб бўлишган. Қолган тўртта баҳсда эса томонлар муроса кўчасини танлашган. Тўплар фарқи 29:11, “Бунёдкор” фойдасига.
Ўзаро ўйинларда энг кўп тўп киритган футболчи Анвар Бердиев ҳисобланади. Ушбу ҳужумчи фарғоналиклар таркибида “Бунёдкор” дарвозасига тўртта тўп киритган.
Эслатиб ўтамиз, 16 апрель куни бўлиб ўтадиган олий лига 6-тури доирасидаги “Нефтчи” – “Бунёдкор” учрашуви Фарғонадаги “Истиқлол” стадионида соат 17:00да бошланади. Учрашувни навоийлик Зокир Қодиров бошчилигидаги ҳакамлар гуруҳи бошқариб боради.
Қуйида “Нефтчи” ва “Бунёдкор” жамоаларининг фарғоналиклар мезбонлигида ўтган ўзаро учрашувлари қайдномаларидан кўчирмалар ва киритилган барча голлар видеоҳаволаси билан танишишингиз мумкин.