Ҳакамнинг «эл-класико»даги баҳсли қарорлари (таҳлил)
Испания чемпионатининг 33-тури доирасида бўлиб ўтган "Реал" ва "Барселона" ўртасидаги ўйинни бошқарган Эрнандес Эрнандеснинг баъзи қарорлари қатор муҳокамаларга сабаб бўлди. Испаниянинг "MARCA" нашри ҳакамнинг 5та қарорини таҳлил қилиб чиқди.
Рамоснинг четлатилиши
Баҳснинг 78-дақиқасида Серхио Рамос майдондан четлатилганидан кейин «Мадрид» майдонда 10 киши бўлиб қолди. Собиқ ҳакам Хуан Андухар Оливер ушбу вазиятга қуйидагича изоҳ берди:
«Бу Мессига нисбатан хавфли фол эди. Рамос тўпни олиб қўйиш мақсадида рақибга нисбатан тик оёқ билан сакради. Шубҳасиз, бу ерда тўғридан-тўғри қизил карточка эди».
Каземиронинг четлатилмаслиги
«Барселона» футболчилари ҳакамдан Каземирони майдондан четлатишни сўрашди.
«Ўйиннинг 12-дақиқасида футболчи Мессига қарши фол учун дастлабки сариқ карточкани олди. Бу яққол "сариқ". 45-дақиқада бразилиялик футболчи "Барселона" қарши ҳужумга ўтаётганида Мессига нисбатан қоидабузарлик учун иккинчи карточкани олиши керак эди. Эрнандес Эрнандес хатога йўл қўйди, у Каземирони майдондан четлатиши керак эди», – деди Андухар Оливер бу вазият юзасидан.
Марселонинг четлатилмагани
Баҳснинг 20-дақиқасида Месси Марсело билан тўқнашувдан кейин майдонга ётиб қолди.
«Марсело тўпга сакраш пайтида тирсагини юқорига кўтарди. Эрнандес Эрнандес бразилиялик футболчини майдондан четлатилиши мумкин эди. Ушбу вазиятдан кейин аргентиналик ўйинчининг оғзидан анча қон оқди», – деди Андухар Оливер.
Каземиронинг голи
Учрашувнинг 28-дақиқасида Каземиро ҳисобни очди. Андухар Оливернинг фикрича, Марселонинг узатмасидан кейин Рамос зарба бераётганида офсайдда эмас эди. Шу боис, гол ҳақли равишда инобатга олинди.
Роналдуга нисбатан қоидабузарлик учун белгиланганман пенальти
Иккинчи дақиқадаёқ Умтити оёғи билан жарима майдончаси ичида Криштианунинг оёғига тегди. Ушбу вазиятда ҳакам тўғри қарор қабул қилди. Боиси, пенальти белгилаш учун етарли контакт бўлмади.
Манба: realmadrid.ru
Киритилди: 20:25, 26.04.2017. Ўқилди: 18608 марта. Фикрлар: 16 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
