Кўпгина миллий чемпионатларда бўлганидай, Англияда ҳам маҳаллий юлдузлар асосан ўз юртларида тўп суришади. Буни тушуниш ҳам мумкин: хорижда ўсишга эришиш анчагина мушкул, бунинг устига чет эл клубларининг қизиқишини орттириш ҳам осон иш эмас. Аммо инглиз иқтидорларининг мамлакат биринчилигида тўп суришлари ҳам бугунга келиб осон иш бўлмай қолди. Буни АПЛдаги клубларнинг таркиби ҳам яққол тасдиқлаб турибди. «Уч шерлар» термаси халқаро миқёсдаги мусобақаларда эришаётган натижалар эса маҳаллий ёшларга қаратилмаётган эътиборнинг қандай оғир оқибатларга олиб келишига мисолдир.
Шунга қарамай, АПЛда ўсишга эришаётган иқтидорлар ҳам кам эмас ва қуйида улар билан танишасиз.
Рахим Стерлинг, «Манчестер Сити», 22 ёшда
Инглиз, қўйингчи жаҳон футболининг бўлғуси юлдузи сифатида «Шаҳарликлар» таркибидан ўрин олган йигитча дастлаб «йўқолиб» қолгандай бўлди. Бир қарашда унда тезликдан бўлак ҳеч нарса йўқдай ҳам туюлди. Шунга қарамай, Стерлинг кўплаб учрашувларда майдонга тушди - 31 баҳсда, аммо бу рақам «Ливерпул»да ўйнаганидан кўра камроқ эди. Пеп Гвардиола бошқарувни қўлга олгач эса, Рахим яна «яшнаб» кетди: ўтган мавсумга қараганда ўртача 17 дақиқа кўпроқ майдонда тўп суряпти, «гол Қ пас» тизимида эса карьерасида рекорд қўйишга ҳам улгурди, шунингдек, иқтидорли ассистент сифатида ўзини кўрсатди, испан мураббийи шогирдларининг ҳужумнинг бутун фронти бўйлаб фаол ҳаракатланишига бўлган интилиши ёш форварднинг фаолиятида ижобий роль ўйнагани аниқ.
Том Дэвис, «Эвертон», 18 ёшда
Жаҳон футболи юлдузлари мисолида бизга маълумки, машҳур бўлиш учун ташқи кўринишидан ҳақиқий спортчига - мускуллари қадимги грекларни эслатадиган, юз тузилиши журналлардаги мукаммалликни ўзида жамлаган бўлиш шарт эмас. Дэвис ҳам бир қарашда оддий қишлоқ йигитига ўхшайди: ориқдан келган, сочлари тўзиган йигит, гетраларини эса қайириб олган. Ёши эса бор-йўғи - 18да, Том «ирислар» асосий таркибидан ўрин олиши масаласига келсак, у бунга тинимсиз ўз устида ишлаши натижасида эришди. Дэвиснинг «Эвертон» жамоасининг ҳаракатларига осонгина киришиб кетганини кўриб эса, у ҳали жуда ёш деб ўйламайсан ҳам.
Вилфред Ндиди, «Лестер», 20 ёшда
Ярим ҳимоячи Англияда январь ойида пайдо бўлганини эътиборга оладиган бўлсак, унинг номини жорий рўйхатга киритилишини бўнак сифатида қабул қилиш лозим - балиқ бўлмагач, қисқичбақа ҳам унинг ўрнига ўтаверади-да. Дарвоқе, бу жиҳатдан оладиган бўлсак, «қисқичбақа»нинг ҳаракатлари ёмон эмас. Н`Голо Канте жамоани тарк этгач, шошилинч равишда таянч ярим ҳимоячи топишни вазият тақозо қилди ва у ўзининг эркин ҳаракатлари билан рақиб ҳужумларини йўққа чиқариши талаб қилинарди. Тўғри, вазиятлар яратиш борасида футболчи ўз устида ҳали анча ишлаши керак, бироқ рақибдан тўпни олиб қўйишдай вазифасини нигериялик аъло даражада уддаламоқда. Энг қизиғи, Ндидида ҳужумга қўшилиб кетиш иқтидори ҳам йўқ эмас ва у ҳатто, бу борада ўзини кўрсатишга ҳам улгурди.
Алекс Ивоби, «Арсенал», 20 ёшда
Яна бир истеъдодли нигериялик футболчи Англияда қўним топгандай, аммо «Арсенал» «Лестер»га нисбатан олинганда анчагина юқорида туриши аниқ. 20 ёшли футболчи ўтган йили Арсен Венгер томонидан энди-энди асосий таркибга киритилган бўлса, бугунга келиб у жамоа асосининг тенг ҳуқуқли аъзосига айланди. Атрофини эса топ даражадаги жамоадошлари ўраб олишган - Алексис Санчес ва Месут Озил шулар жумласидан. Бироқ Ивоби юқорида номлари келтирилган ўйинчиларнинг биринчиси темпидан ортда қолмасликни уддалаш билан бир қаторда, иккинчисининг тезлигига ҳам мослашишни қойиллатяпти ва буларнинг барчаси «Арсенал» мухлисларида Венгер бошқалар назаридан четда қолган яна бир истеъдодни кашф қилди, деган фикр уйғотмоқда. Ивоби ҳаракатларидаги самара ҳам ортяпти ва бу бежизга эмас. Зеро, Алекс заҳирасида ажойиб зарба бор ва у бу иқтидоридан кўпроқ фойдаланиши мумкин эди. Аммо жамоа етакчиларини тез-тез тўпсиз қолдириш тўғри эмас, шекилли.
Деле Алли, «Тоттенхэм», 20 ёшда
ДАВОМИ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
