Испания чемпионатининг 35-тури доирасида "Реал" ўз майдонида "Валенсия"ни қабул қилди. Зидан шогирдлари мухлисларини анча хавотирга солиб, жуда қийин ғалабани қўлга киритишди.
Учрашувнинг 1-дақиқасидаёқ "Валенсия" ўта қулай имкониятдан фойдалана олмади. "Кўршапалаклар" даврозабони Диего Алвес тепиб юборган тўпни Серхио Рамос бош билан ўз посбонига етказишга қарор қилди. Аммо Санти Мина тўпга етиб олди ва яккама-якка вазиятда зарба берди. Зарбани Навас қайтарди, Мина яна тўпга етиб олди ва ўткир бурчак остида зарба берди. Бу сафар тўп устунга тегиб, майдонни тарк этди.
22-дақиқада меҳмонларда яна бир яхши имконият юзага келди. Нани етказган узатма натижасида Орельяна жарима майдончаси ичида бирга-бир вазиятда аниқ зарба бера олмади.
Ҳисобни эса "Қироллик клуби" очди. Карвахаль ўнг қанотдан ажойиб узатма берди, Роналду бош билан дарвозани ишғол қилди.
Иккинчи бўлим бошида "қаймоқранглилар" иккинчи голни уриб, ўйин тақдирини ҳал қилиб қўйишлари шарт эди. Дастлаб Бенземанинг зарбасидан кейин тўп устунга тегиб қайтди. Кейинги ҳужумда эса "Валенсия" дарвозаси томон пенальти белгиланганди. Роналдунинг зарбасини меҳмонлар посбони Диего Алвес эгаллаб олди.
Шундан сўнг "Реал" футболчилари негадир ҳимояга ўтиб олишди. Бунинг учун улар жазоланишди. Каземиро керакмас жойда ўйин қоидасини бузди. Парехо суперзарба билан давроза "тўққизлиги"га тўпни жойлаб қўйди. Бу пайтда ўйин тугашига 8 дақиқа қолган эди.
"Мадрид" жонига Марсело ора кирди. Мората ўнг қанотда ҳимоячидан ўтиб кетиб, жарима майдончасига узатма берди. Марсело тўпни эгаллади, ҳимоячилар чалғитиб, ўнг оёқда дарвозани ишғол қилди.
Ушбу ғалабадан кейин "Реал" ўз очколарини 81тага етказиб олди ва чемпионлик учун юришда давом этади.
Испания Ла лигаси, 35-тур
"РЕАЛ МАДРИД" - "ВАЛЕНСИЯ" 2:1 (1:0)
29 апрель, 19.15, «Сантьяго Бернабеу»
Голлар: 1:0 – 27 Роналду, 1:1 – 82 Парехо, 2:1 – 86 Марсело.
Реал Мадрид – Навас, Начо, Марсело, Карвахаль, Рамос, Модрич (Васкес, 90), Каземиро, Кроос, Хамес (Асенсио, 66), Роналду, Бензема (Мората, 72).
Валенсия – Диего Алвес, Гарай, Тони Лато (Гайя, 86), Монтойя, Мангаля, Парехо, Солер, Орельяна (Баккали, 89), Нани (Родриго, 70), Санти Мина, Мунир.
Огоҳлантиришлар: Парехо (21), Тони Лато (25), Каземиро (52), Гарай (56), Мангаля (64), Мората (77), Модрич (82).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
