Ispaniya chempionatining 35-turi doirasida "Real" o‘z maydonida "Valensiya"ni qabul qildi. Zidan shogirdlari muxlislarini ancha xavotirga solib, juda qiyin g‘alabani qo‘lga kiritishdi.
Uchrashuvning 1-daqiqasidayoq "Valensiya" o‘ta qulay imkoniyatdan foydalana olmadi. "Ko‘rshapalaklar" davrozaboni Diyego Alves tepib yuborgan to‘pni Serxio Ramos bosh bilan o‘z posboniga yetkazishga qaror qildi. Ammo Santi Mina to‘pga yetib oldi va yakkama-yakka vaziyatda zarba berdi. Zarbani Navas qaytardi, Mina yana to‘pga yetib oldi va o‘tkir burchak ostida zarba berdi. Bu safar to‘p ustunga tegib, maydonni tark etdi.
22-daqiqada mehmonlarda yana bir yaxshi imkoniyat yuzaga keldi. Nani yetkazgan uzatma natijasida Orelyana jarima maydonchasi ichida birga-bir vaziyatda aniq zarba bera olmadi.
Hisobni esa "Qirollik klubi" ochdi. Karvaxal o‘ng qanotdan ajoyib uzatma berdi, Ronaldu bosh bilan darvozani ishg‘ol qildi.
Ikkinchi bo‘lim boshida "qaymoqranglilar" ikkinchi golni urib, o‘yin taqdirini hal qilib qo‘yishlari shart edi. Dastlab Benzemaning zarbasidan keyin to‘p ustunga tegib qaytdi. Keyingi hujumda esa "Valensiya" darvozasi tomon penalti belgilangandi. Ronalduning zarbasini mehmonlar posboni Diyego Alves egallab oldi.
Shundan so‘ng "Real" futbolchilari negadir himoyaga o‘tib olishdi. Buning uchun ular jazolanishdi. Kazemiro kerakmas joyda o‘yin qoidasini buzdi. Parexo superzarba bilan davroza "to‘qqizligi"ga to‘pni joylab qo‘ydi. Bu paytda o‘yin tugashiga 8 daqiqa qolgan edi.
"Madrid" joniga Marselo ora kirdi. Morata o‘ng qanotda himoyachidan o‘tib ketib, jarima maydonchasiga uzatma berdi. Marselo to‘pni egalladi, himoyachilar chalg‘itib, o‘ng oyoqda darvozani ishg‘ol qildi.
Ushbu g‘alabadan keyin "Real" o‘z ochkolarini 81taga yetkazib oldi va chempionlik uchun yurishda davom etadi.
Ispaniya La ligasi, 35-tur
"REAL MADRID" - "VALENSIYA" 2:1 (1:0)
29 aprel, 19.15, «Santyago Bernabeu»
Gollar: 1:0 – 27 Ronaldu, 1:1 – 82 Parexo, 2:1 – 86 Marselo.
Real Madrid – Navas, Nacho, Marselo, Karvaxal, Ramos, Modrich (Vaskes, 90), Kazemiro, Kroos, Xames (Asensio, 66), Ronaldu, Benzema (Morata, 72).
Valensiya – Diyego Alves, Garay, Toni Lato (Gayya, 86), Montoyya, Mangalya, Parexo, Soler, Orelyana (Bakkali, 89), Nani (Rodrigo, 70), Santi Mina, Munir.
Ogohlantirishlar: Parexo (21), Toni Lato (25), Kazemiro (52), Garay (56), Mangalya (64), Morata (77), Modrich (82).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
