Франция 1 Лигасининг 35-турини “Ницца” – “ПСЖ” баҳси якунлаб беради. Goal нашри турнинг марказий ўйини ҳисобланган ушбу беллашувнинг беш асосий қарама-қаршилиги ҳақида тўхталиб ўтди.
Мавсумнинг биринчи қисмида етакчи бўлган “Ницца”нинг иккинчи даврадаги ишлари кўнгилдагидек эмас. Чемпионат якунланишига саноқли ўйинлар қолганида, Ниццаликлар сўнгги кучли рақибини “Алянс Ривиэра”да қабул қилади. Парижликлар турнир жадвалида “Ницца” жамоасидан 6 очко илгарилаб кетганига қарамай, турнир пешқадами “Монако”дан уч очкога ортда қолмоқда. 3-ўринда бораётган “Ницца” устидан гъалаба қозониш “ПСЖ”га яқин таъқибчисини изма-из қувлаш имконини беради. “Ницца” ҳам бир қатор етакчи футболчиларига эга ва рақибга муносиб қаршилик кўрсата олади.
Трапп – Кардинал
Германиялик дарвозабон 2015 йилда “ПСЖ”га келиб қўшилганидан бери жамоанинг асосий дарвозабони бўлиб келмоқда. Бироқ, жароҳатлар боис унинг ўрнини эгаллаган Алфонс Ареола ҳам рақобатга тайёр эканлигини кўрсата олди. Кевин Трапп ҳозирда яна асосий таркибдан жой олди ва сўнгги ўйинларда ўзининг юқори кўрсаткичларини намойиш этмоқда. “Ницца” посбони Ёан Кардинал эса парижлик ҳамкасбидан фарқли равишда ҳеч қандай рақобатчига эга эмас. Жамоанинг алиштирилмас посбони ҳисобланади. Кучли рақобатнинг йўқлиги ҳам Кардиналга салбий таъсир қилиши мумкин. Катта учрашувларда тажрибага эга Трапп бир бош устун ҳисобланади.
Тиаго Силва – Данте
2014 йилда Данте Бразилия термасида Тиаго Силванинг ўринбосари ҳисобланарди. Бугунга келиб иккала ҳимоячи ҳам “Пентакампеонлар” сафида мунтазам ўйин амалиётига эга эмас. Бироқ, 1 Лигада бразилиялик ҳимоячилар ўз чизиқларида энг яхшиларидан ҳисобланади. Парижликлар сардори рақиб ҳужумларини бартараф этишда чемпионатнинг энг яхшиларидан бири. Данте ҳам Франциядаги илк мавсумида ажойиб спорт формасида эканлигини кўрсатмоқда. 33 ёшли Данте Тиаго Силвадан жисмоний кўрсаткичлари бўйича юқорида бормоқда.
Марко Верратти – Жан Мичел Сери
Марко Верраттининг жамоадаги келажаги бўйича миш-мишлар ҳали тўхтагани йўқ. Италиялик футболчи ажойиб ўйинларини кўрсатишда давом этишига бу заррача ҳам таъсир қилганича йўқ. Верратти бу мавсумда жамоанинг энг яхши ўйинчиларидан бири, десак муболагъа бўлмайди. “Ницца”да асосан ҳимоявий вазифаларни бажарадиган ярим ҳимоячи Сери ҳам ажойиб мавсумини ўтказмоқда. Пюэлл томонидан жалб қилинган футболчи тезда жамоага қўшилиб кетди. Ўйинни ўқий олиш, ажойиб пас етказиб бериш каби ҳислатларга эга Жан Мишел бугунги баҳсда ҳам ўзининг бор имкониятларини ишга солиши аниқ.
Анхел Ди Мария – Юнус Белҳанда
Анхел Ди Мария мисолида бир футболчи мавсум давомида, ҳатто ярим мавсум ичида қандай ўзгариши мумкинлигини кўрамиз. Мавсумнинг илк қисмида деярли йўқолиб қолган Ди Мария янги йил бошидан бери ўзининг энг юксак чўққисига қайта олди. « Реал »нинг собиқ аъзоси Эдинсон Кавани билан ажойиб тандемни ҳосил қилган. “Ницца”нинг муҳим аъзоси Юнус Белҳанда ўзининг ажойиб формасида дея олмаймиз. 2012 йилда “Монпеле”нинг чампион бўлишига катта ҳисса қўшган Белҳандадан “Ницца” шундай қаҳрамонликни кутган эди.
Эдинсон Кавани – Марио Балотелли
45 гол урган Эдинсон Кавани фаолиятидаги энг сермаҳсул мавсумини ўтказмоқда. Бироқ ушбу рақам “Эл Матадор”нинг жамоа фойдасига қўшаётган ҳиссасини бутунлай кўрсата олмайди. Асосий тўпурар Ибрагимович жамоани тарк этиши Каванини асосий ҳужумчига айлантирди ва уругвайлик футболчи жамоанинг асосий голеадорига айланиб олди. Марио Балотелли эса “Ницца”га машҳур ҳужумчи сифатида ташриф буюрди. Баҳтга қарши, италиялик ҳужумчи ўз статистикасини яхшилай олмаяпти. Жамоага ўтган мавсумда келиб қўшилган Балотелли 13 гол ура олган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
