Модрич бешинчи марта Хорватиянинг энг яхши футболчиси деб топилди
«Реал» ярим ҳимоячиси Лука Модрич Хорватияда 2016/17 йилги мавсумнинг энг яхши футболчиси деб топилди. Футболчи хорватиялик мураббийлар ўртасида ўртасида ўтказилган сўровномада ғолиб чиқди. Модрич кетма-кет бешинчи марта совринга эга чиқмоқда.
«Бошқа футболчилар ва мураббийлар томонидан тан олиниш мен учун катта аҳамиятга эга. Айниқса, Манжукич, Перишич ёки Субашич каби катта ҳурматга эга бўлган футболчилар билан рақобатда ғолиб чиқиш ёқимли бўлди. Улар ҳам катта клублар сафида ўйнашмоқда.
Чемпионлар лигасида ғолиб чиқиш ҳиссиёти — жуда ажойиб. Мен эса "Реал" вакили эканимдан фахрланишимни айтишим мумкин. Бу футбол тарихидаги энг буюк клублардан бири. Чемпионлар лигасида ғолибликни ҳимоя қилиш — ҳақиқатан ғаройиб натижа. Шундай ўйнашда давом этамиз. "Реал" энг яхши бўлишни истайди», — деди Модрич Хорватия футбол иттифоқи сайтига берган интервьюсида.
Манба: championat.com
Киритилди: 08:28, 09.06.2017. Ўқилди: 3090 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар