Олий лигада юзага келган танаффусдан фойдаланиб, Чирчиқ шаҳрида «Қўқон 1912» ва «Қизилқум» назорат ўйинини ўтказди.
Қўқонликлар таркибида жароҳат олган Александр Мерзляков, шунингдек, терма жамоа ихтиёрида бўлиб турган Жавоҳир Сидиқов ва Мурод Ҳолмуҳаммедов бугунги баҳсда иштирок эта олмади.
Ўйинни қўқонликлар фаол тарзда бошлашди. Натижада 2-дақиқадаёқ Райевац жуда қулай имкониятдан фойдлана олмади. Раҳимовнинг ўнг қанотдан оширган тўпини Райевац яқин масофадан дарвозага тўғри йўллашни уддалолмади.
16-дақиқада Ҳамидов-Акрамов-Раҳимов-Акрамов комбинацияси чиройли чиқди. Сўнгги зарба ҳам аниқ бўлди. Дарвозабон ўз ўрнида.
21-дақиқада меҳмонлар ҳисобни очишди. Геворкяннинг ўнг қанотдан оширган пасини Отабек Зокиров дарвозага жойлаб қўйди.
Гол ўтказиб юборгач, қўқонликлар катта куч билан ҳужумга ташланишди. 37-дақиқага келиб бу ўз самарасини берди. Райевац ҳимоячиларнинг хатосидан унумли фойдаланиб, Раҳимовга қулай тарзда тўпни узатди. «Кафу» эса зарбада адашмади ва ҳисобни тенглаштирди.
Иккинчи бўлим ҳам шиддатли тарзда бошланди. 56-дақиқада Райевацга нисбатан қўполлик ишлатган Файзулла Қамбаровга ҳакам иккинчи сариқ ва қизил карточка кўрсатди. Ўртоқлик ўйини бўлгани учун қизил олган футболчи ўрнига бошқаси майдонга тушди.
71-дақиқада навойиликлар дарвозани иккинчи марта ишғол қилишди. Файзулла Қамбаров ўрнига майдонга тушган Азамат Алланиёзов боши билан Азиз Ашуров қўриқлаётган дарвозани аниқ нишонга олди.
Сўнгги дақиқалар ўтиб бораётган пайтда қўқонликлар ҳисобни тенглаштиришга муваффақ бўлишди. Андрей Сидоров яқин масофадан шунақа кучли зарба йўлладики, гўё дарвоза тўри йиртилиб кетадигандек туюлди. Шу тариқа, футболчилар назорат учрашувида дуранг натижа қайд этишди.
Ўртоқлик учрашуви
“Қўқон-1912” – “Қизилқум” – 2:2 (1:1)
Голлар: Иброҳим Раҳимов (37), Андрей Сидоров (90) – Отабек Зокиров (21), Азамат Алланиёзов (71).
«Қўқон-1912»: 13. Никита Рибкин, 4. Баҳодир Акрамов, 5. Жалил Кимсанов, 7. Жамшид Ҳасанов, 8. Собир Ҳамидов, 19. Суҳроб Бердиев, 24. Иброҳим Раҳимов, 26. Акмал Холмуродов, 55. Дарко Гожкович, 85. Руслан Мелзиддинов, 99. Филип Райевац.
Захира: 12. Азиз Ашуров, 21. Музаффар Абдуллаев, 9. Носир Отақўзиев, 17. Авазхон Маматхўжаев, 25. Иқбол Маликжонов, 96. Муҳаммаданас Ҳасанов, 97. Ойбек Рустамов.
“Қизилқум”: Артем Макосин, Шукурали Пўлатов, Файзулла Қамбаров, Шерали Жўраев,
Ғайрат Жумаев, Эркин Бойдуллаев, Илҳом Юнусов, Артур Геворкян, Жасур Ҳасанов, Отабек Зокиров, Воҳид Шодиев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
