Футболда биринчи ўринда натижа турса-да, бироқ натижага етишиш йўлида қилинган машаққатлардан баҳра олишга етадигани бўлмаса керак. Майдонда футболнинг нозик томонларини, ҳақиқий чиройини кўрсатадиган футболчилар, албатта, бўлади. Уларнинг ҳаракатини кузатиш жуда ҳам мароқлидир. Булар плеймейкерлар!
Атамалогия
Одатда, плеймейкерлар деб ҳужумкор ярим ҳимоя позициясида ўйнайдиганларни ва ҳужумни якунловчи пас берадиган футболчиларни назарга тутишади. Бироқ тўлиқ маълумотлардан келиб чиққан ҳолда, ким ҳужумни ташкил қилишда катта рол ўйнаса ва ўйинни бошқарса, ўша футболчини бемалол плеймейкер деб аташимиз мумкин. Масалан, Андреа Пирло ёшлигида таянч ярим ҳимоясидан туриб якунловчи паслар берган, Леонардо Бонуччи ҳимоядан туриб плеймейкерлик қиляпти. Антонио Конте ҳозир Давид Луизни “Челси”да мана шу вазифада ўргатмоқда, яъни ҳимоядан туриб плеймейкерлик қилишга.
Лидер
Охирги турдан сўнг 3 та футболчи натижани 10 тадан кўтара олишди. Буларнинг орасида яққол пешқадамлик қилган футболчи бу Кевин де Брюйне. Белгиялик ярим ҳимоячи ҳисобида 17 та ассистентлик мавжуд. Гвардиола уни қайси позицияда ўйнатмади дейсиз, ўнг-чап қанот ярим ҳимояларида, ҳужумкор ярим ҳимояда ва ҳатто марказий ярим ҳимояда ҳам. Кўп ҳолатда у жойини жамоадаги яна бир креатив футболчи — Давид Силва билан алмаштириб турарди. Шундай бўлса-да, Кевин яхши мавсум ўтказмоқда, бироқ гол уриш бўйича очиқчасига омади келмаётганини тан олиш керак. Жуда кўп зарбаси дарвоза устуни ёки тўсинига теккан.
Кўринмас лидер
Де Брюйнедан сўнг иккинчи ўринда Гюлфи Сигурдссон бормоқда. Гюлфи гол+пас бўйича Кевиндан олдинда, 14 та ассистентлик қилган бўлса-да, Кевиндан кўра кўпроқ гол уришга муваффақ бўлган. Айнан Сигурдссоннинг саъй-ҳаракатлари ва етакчилиги эвазига “Суонси” АПЛда жон сақлаб қолди. Мавсум давомида исландиялик футболчини мураббий икки позицияда ҳаракат ўйнатди. Агар жамоа икки ҳужумчи билан ҳаракат қилса, Гюлфи ҳужумкор ярим ҳимоячи вазифасида тушади, агар 3 та ҳужумчи бўлса, чап қанот ҳужумчиси сифатида ҳаракат қилади. Иккинчи рол унга кўпроқ маъқул, шекилли, шу позицияда кўпроқ ассистентлик қилган. Гюлфи “Суонси” урган 41 голдан 21 тасида иштирок этган. Бу таҳцинга лойиқ ҳолатдир.
Қолганлар
Яна бир гуруҳ плеймейкерлар бор, ажойиб техникага эга, креатив футболчилар, бироқ уларга давомийлик етишмади. Ўзил, Мата, Фабрегас — ҳамманинг ўрни ҳар хил. Кимдир бир маромда ҳаракат қилмади, кимдир жуда кам майдонга тушган, кимнидир эса жамоадошлари панд беришган. Уларга мавсумдаги ҳолат етишмади. Бу футболчилар нимага қодир эканликларини ҳамма жуда ҳам яхши билишади. Шунинг учун ҳам улардан кейинги мавсумда яна аввалги ўйинларини кучайган ҳолатдагисини кутиб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
