Чемпионлар Лигаси финалида «Реал» «Ювентус»ни мағлуб этиб, бош совринни қўлга киритди. Эътиборли томони, 1998 йилги ҳал қилувчи баҳсда ҳам айнан шу жамоалар тўқнаш келишган, ўшанда мадридликлар зафар қучишганди. Мазкур ўйинда «Реал» сафида Кларенс Зеедорф ҳам тўп сурганди. Умуман олганда, голландия ярим ҳимоячи мазкур мусобақада 4 марта ғолиб чиққан. Яқинда Испаниянинг Marca нашри ушбу футболчи билан суҳбат уюштирди.
- ЕЧЛ финалидан олдинги кунлар қандай ўтади?
- Европанинг муҳим ўйинидан олдин фақат шу ҳақида ўйлашингизга тўғри келади. Биз финалга деярли бир ой тайёргарлик кўргандик. Бу сафар «Реал» ихтиёрида ўн кун вақт бор эди, холос. Аммо бу бемалол дам олиб, тайёрланиш учун етарли. Финалларда қанчалик кўп ўйнасангиз, бўлажак баҳсга шунча хотиржам тайёрланасиз. 1998 йили финаллар биз учун анъанага айланмаганди. Шу боис ҳам яхши ухлаб, ўйин ҳақида ўйламасликка ҳаракат қилганмиз. Эсимда, Роберто Карлос билан бир хонада тонг оттиргандим. Ўша таркибдагиларнинг аксарияти дўстларим эди. Предраг Миятович, Кристиан Карембё, Виктор Санчес...
- ЕЧЛ финалларининг қай бирида катта босимни ҳис қилгансиз?
- «Аякс» сафида ўтказган ҳар бир ўйинимиз қийин кечган, лекин босим унчалик катта бўлмаган.
- Ҳал қилувчи учрашувларда ҳамиша муҳим роль ўйнагансиз. Нима учун ҳар бир футболчи бунга қодир эмас?
- Финал олдидан энг муҳим омиллардан бири - хотиржамлик. Шунингдек, ҳар доим ўз кучимга ишонганман. Баъзида қийинчиликлардан куч олганман. Босим ортиб кетса, «Бунданда муҳимроқ нарсалар бор, ахир бу ҳаёт-мамот масаласи эмас-ку», деб ўзимга таскин берардим. Айнан ўша вазиятларда ўсганман ва ўз кучимга бўлган ишонч янада ортган.
- Жамоадошларингизга шу энергияни ўтказа олганмисиз?
- Ҳа, айримларининг руҳияти тушиб кетган пайтларда ёрдамлашганман. Умуман олганда, бу ҳолат ташвишимни кўпайтирарди. Клубдагилар ўзимни етакчидек тутишим кераклигини уқтиришарди. Аммо 1998 йили «Реал» таркибида етук футболчилар жамланганди. Фернандо Йерро ва Роберто Карлос шулар жумласидан.
- «Реал»нинг ҳозирги таркибида қайси футболчилар уларга ўхшайди?
- Шубҳасиз, жамоа сардори Серхио Рамос. Марселонинг ўзига хос хусусиятлари бор. Тони Кроос тенгликни олиб келади. Криштиану Роналдунинг нималарга қодирлигини гапиришга ҳожат йўқ. Гарет Бэйл ҳам муҳим ўйинларда ўзини кўрсата олади.
- Сиз Искони танлармидингиз ёки Бэйлни?
- Агар Гаретда муаммо бўлмаса, майдонга уни туширардим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
