Александр Мочинов бош мураббийлигидаги Ўзбекистон U-19 терма жамоаси Осиё чемпионати саралаш босқичига тайёргарлик кўриш доирасида Арманистонга йўл олди.
Ўқув-машғулотлар йиғини доирасида Ўзбекистон ёшлар термаси кеча, 7 август куни Арманистон U-19 футболчиларига қарши ўртоқлик ўйинида майдонга тушиб, 1:0 ҳисобида зафар қучди. Эртага, 9 август куни мазкур жамоалар яна бир бор ўзаро майдонга тушади.
Эслатиб ўтамиз, Ўзбекистон ёшлар термаси U-19 Осиё чемпионатига саралаш босқичининг “B” гуруҳидан жой олган. Ушбу гуруҳнинг саралаш ўйинлари шу йилнинг 31 октябрь – 8 ноябрь кунлари Тожикистонда бўлиб ўтади.