Бугун, 1 ноябрь чоршанба куни Европанинг муҳташам ареналарида Чемпионлар Лигаси гуруҳ босқичининг 4-тур ўйинлари давом эттирилади.
4-турнинг биринчи кунидаги натижалари билан аввалроқ хабар бериб ўтгандик.
Демак, бугун “Е”, “F”, “G” ва “H” гуруҳларидан ўрин олган жамоалар бир-бирлари билан баҳс олиб боришади.
“Е” гуруҳида Россиянинг “Спартак” клуби Испанияга сафар уюштириб, “Севилья” меҳмони бўлса, “Ливерпуль” ўз майдонида “Марибор” жамоасини қабул қилади.
“Манчестер Сити” Италияда “Наполи” билан қизғин кураш олиб бориши аниқ.
Чунки “Наполи” ҳамда “Манчестер Сити” ҳозирда Европанинг энг кучли бешлик чемпионатлари орасида энг кўп гол урган ва энг кам тўп ўтказиб юборган жамоалар ҳисобланишади.
Биринчи ўйинни ўз майдонида ўтказган англияликлар 2:1 ҳисобида ғалаба қозонишгани ҳақида хабар бергандик.
“F” гуруҳида яна икки жамоа ўрин олган бўлиб, унда “Шахтёр” Украинада Голландиянинг “Фейеноорд” клуби билан беллашади.
Геманиянинг “РБ Лейпциг” жамоаси “Порту” майдонига сафар уюштириб, фақат ғалаба учун майдонга тушса, “Бешиктош” Туркияда “Монако” устидан ғалаба қозониш ҳаракатини қилади.
Германиянинг яна бир жамоаси “Боруссия” ўз майдонида Кипрнинг АПОЭЛ жамоасини синовдан ўтказади.
Турнинг марказий ўйини табиийки, Англияда бўлиб ўтади. Унда “Тоттенхэм” клуби Мадриднинг “Реал” жамоасини қабул қилади.
Ҳар икки жамоа ҳам кейинги босқичга чиқиш учун даъвогарлик қилишмоқда. Меҳмонлар сафида Криштиану Роналду жамоасига ёрдам бера олади. Бироқ “Тоттенхэм” тўпурари Харри Кейни кичик жароҳати туфайли муҳим ўйинни ўтказиб юбориши мумкин.
“Бешиктош”–“Монако” учрашувидан ташқари, барча матчлар Тошкент вақти билан 2 ноябрь кунига ўтар кечаси соат 00:45 да бошланади. Туркиядаги ўйин эса 22:00 да старт олади.
“Е” гуруҳи
“Севилья–“Спартак”.
2 ноябрь, 00:45, “Рамон Санчес Писхуан” стадиони.
“Ливерпуль”–“Марибор”.
2 ноябрь, 00:45, “Энфилд” стадиони.
“F” гуруҳи
“Наполи”–“Манчестер Сити”.
2 ноябрь, 00:45, “Сан-Паоло” стадиони.
“Шахтёр”–“Фейеноорд”.
2 ноябрь, 00:45, “Металлист” стадиони.
“G” гуруҳи
“Порту”–“РБ Лейпциг”.
2 ноябрь, 00:45, “Драгау” стадиони.
“Бешиктош”–“Монако”.
1 ноябрь, 22.00, “Водафон-Арена” стадиони.
“H” гуруҳи
“Тоттенхэм”–“Реал”.
2 ноябрь, 00:45, “Уэмбли” стадиони
“Боруссия” Дортмунд–АПОЭЛ.
2 ноябрь, 00:45, “Сигнал Идуна Парк” стадиони.
Акмалхон Эшонхонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
