ЖЧ-2018 финал босқичига астойдил тайёргарлик кўришни мақсад қилган Саудия Арабистони термаси ўз футболчиларини бирин-кетин Испания клублари таркибига жойламоқда.
Мундиалда «А» гуруҳидан жой олган саудияликларнинг аҳди қатъий эканини шундан ҳам билиб олиш мумкин. Чунки сайёрамизнинг бош мусобақасида уларга жиддий жамоалар рақиблик қилишади.
ЛА-ЛИГА БИЛАН ҲАМКОРЛИК
Саудия Арабистони спорт вазирлиги ва футбол федерацияси Испания Ла-лигаси билан биргаликда ҳамкорлик ва қўллаб-қувватлаш дастури бўйича янги қадамлар қўйилаётгани ҳақида хабар беришди.
Асосий янгилик: саудиялик 9 футболчини испан клубларига ижарага бериш орқали Яқин Шарқдаги ушбу мамлакат футболини янги босқичга олиб чиқиш режалаштирилган.
Узоқ муддатга мўлжалланган мазкур келишув ривожланишнинг бир нечта босқичига эга: Саудия Арабистонида Ла-лига академиялари ташкил этиш ва маҳаллий футболчилар орасидан энг иқтидорлиларини кашф қилиш дастури бўйича ишлаш.
Ўтган йилнинг 21 декабрь куни Ар-Риёдда ўтказилган махсус маросимда Испания биринчи ва иккинчи дивизионларида қатнашувчи клублар вакиллари иштирок этиб, қишки трансферлар ойнаси очилгач, 9 нафар саудиялик ўйинчини ижарага олишларини билдиришди. Мақсад - ушбу футболчиларни Испания майдонларида чиниқтириб, уларнинг потенциалини очиш.
ОЛТИ НАФАРИ ТЕРМА АЪЗОСИ
Футболчилар узоқ давом этган скаутинг жараёнида аниқлаб олинди - испан клублари бир неча ой мобайнида номзодларни кўздан кечириб, ўзлари қўйган талабга жавоб берадиганларни танлашди.
Омадли 9 ўйинчидан олти нафари - Салим ал Давсари, Фаҳад ал Муваллад, Али ал Немер, Абдулмажид ал Сулайхем, Нуҳ ал Мусо ва Яҳё ал Шеҳри ЖЧ-2018да Саудия Арабистони термаси сафида тўп суришади. Улардан айримлари Примера ҳамда Сегунда жамоаларида ўйнасалар, қолганлар клуб академиясида таҳсил олишади.
- Футбол - Саудия Арабистонида энг оммабоп спорт тури. Федерациямиз номидан мамлакатимиздаги ёш иқтидорларни юқори даражада ўйнаш имкониятига эга бўлганликлари билан табриклаймиз.
Узоқ муддатга мўлжалланган мазкур ҳамкорликни ўрнатишдан мақсад - қиролликда футболни ривожлантириб, профессионал ўйинчиларнинг янги авлодини тарбиялашдан иборат, - Саудия Арабистони спорт вазири қувончини яширолмаяпти.
ТЕЛЕТРАНСЛЯЦИЯЛАР РИВОЖИ
Саудиялик футболчиларнинг сафга қўшилиши Испания клубларига фойда келтириши мумкин - хусусан, қисқа муддатда Яқин Шарқдаги телетрансляциялар оммабоплиги ортиши мумкин мумкин.
Ла-лига - шундоқ ҳам сайёрамизнинг шу қисмида энг кўп томоша қилинадиган чемпионат ҳисобланади (телевизион рейтинглар шундан далолат бермоқда), миллий жамоа футболчиларининг Испанияга кўчиб ўтиши эса янада кўпроқ мухлислар эътиборини тортиши, шубҳасиз.
МУРАББИЙЛИК МАКТАБИ БЎЙИЧА ИШ
Шунингдек, келишув бандларида Саудия Арабистонида Ла-лига услубида фаолият юритувчи футбол академиялари очиш ҳам назарда тутилган. Иқтидорли саудияликларда билим ва кўникмаларини ошириб, фаолиятларини тажрибали мутахассислар қўл остида давом эттириш имконияти туғилди.
Профессионал мураббийлар келишувнинг энг муҳим қисми саналадилар. Уларнинг вазифаси фақат ёш футболчилар билан ишлаш эмас, балки саудиялик мураббийларга билганларини ўргатиб, шу тариқа уларнинг савиясини оширишдан ҳам иборат.
ИСПАНИЯДАГИАРАБИСТОНЛИКЛАР
ДАВОМИ
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
