Эрон Ислом Республикаси пойтахти, Теҳрон шаҳрининг “Персеполис” профессионал футбол клуби 1963 йили ташкил бўлган. Эрон Про-лигасида иштирок этади. Бу клуб бой тарихга эга бўлиб, Эроннинг энг кучли клубларидан ҳисобланади. Эрон чемпионатида учта клуб совринлар йиғиш бўйича етакчи ҳисобланишади. Шу уч клубнинг биттаси, рақибимиз “Персеполис” клубидир.
Жамоага айни пайтда хорватиялик мутахасис Бранко Иванкович устозлик қилмоқда. “Персеполис” жамоаси уй учрашувларини Теҳрон шаҳридаги “Озодий” стадионида ўтказади.
“Персеполис” ОЧЛ-2017нинг ярим финалида Саудия Арабистонининг "Ал-Ҳилол" клуби билан баҳс юритган. Теҳронликлар ярим финалдаги дастлабки, ўз майдонидаги учрашувда 2:2 ҳисобида дуранг қайд этади ва сафардаги жавоб учрашувида, йирик 4:0 мағлубиятга учраб, финалга чиқа олишмаган.
“Персеполис” ўз тарихида 10 карра мамлакат чемпиони бўлган, 9 карра кумуш медалга сазовор бўлган ва Эрон Кубогини 5 марта қўлга киритган.
Халқаро турнирда, 1991 йили Осиё кубок эгаларининг кубогини қўлга киритган ва яна бир марта ушбу мусобақанинг финалчиси бўлган.
Эрон Премьер-лигасида 16та жамоа иштирок этади. Чемпионат куз-баҳор тизимида ўтказилади. 16та жамоа икки даврадан иборат тизимда, уй-сафар учрашувларида ўзаро баҳслашади.
Айни пайтда Эрон премьер-лигасининг 23-тур баҳслари давом этмоқда. Рақибимиз бу турдаги учрашувни сафарда “Нафт” жамоасига қарши ўтказди ва 3:0 ҳисобида ғалаба қозонди. Учрашувдаги голларни 10-рақамдаги Фаршод Ахмадзода ва жамоа тўпурари 70-рақамдаги Али Алипурлар (2та) киритишди. Бу ғалаба билан рақибимиз очколари сонини 54тага етказиб олди. “Персеполис” ҳозирги пайтда турнир жадвалидаги таъқибчисидан 16 очко олдинда бормоқда ҳамда якка пешқадамлик қилмоқда.
“Персеполис” клуби Эроннинг амалдаги чемпиони ҳам ҳисобланади. Жамоанинг 70-рақамдаги ҳужумчиси Али Алипур 17та гол уриб, Эрон премьер-лигасининг тўпурари бўлиб турибди.
“Персеполис” таркибида маҳаллий футболчилар қатори легионер футболчилар ҳам тўп тепишади. Булар, нигериялик 90-рақамдаги ҳужумчи Годвин Менша, 44-рақамдаги хорватиялик дарвозабон Бужидор Радошевич ва 5-рақамдаги ироқлик ўйинчи Башар Буниянлардир.
Ҳозирги пайтдаги жамоа таркиби қуйидагича.
Дарвозабонлар
1.Алиризо Берованд
44.Бужидор Радошевич (Хорватия)
12.Абулфазл Дарвешванд
Ҳимоячилар
3.Шожа Халилзода
4.Саид Жалол Ҳусайни (жамоа сардори)
13.Ҳусайн Моҳийни
15.Мухаммад Ансори
17.Содиқ Махруми
18.Муҳсин Роби Хон
69.Али Муслих Таклими
24.Ромин Ризоян
Ярим ҳимоячилар
2.Содиҳ Муҳаррами
5.Башар Буниян (Ироқ)
7.Саровуш Рафаи
8.Ахмад Нуруллоҳи
10.Фаршод Ахмадзода
11.Комил Камилоби Зиё
77.Муҳсин Мусулмон
88.Сиёмак Неъмати
19.Воҳид Амири
21.Адам Неъмати
Ҳужумчилар
25. Эҳсон Алвонзода
37.Хамидризо Тоҳирхони
70.Али Алипур
90.Годвин Минша (Нигерия)
Бош мураббий: Бранко Иванкович (Хорватия)
Эслатиб ўтамиз, “Персеполис” – “Насаф” учрашуви 13 феврал сешанба куни Теҳрон шаҳридаги “Озодий” стадионида, бизнинг вақт билан соат 18:15да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
